Numeros 13:27 - Chol: I T’an Dios

²⁷ Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Chol de Tumbalá Bible

²⁷ Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Jiñi Tsiji' bʌ Wen T'añ cha'añ Estudio

²⁷ Che' ja'el tsi' su'beyob: “Tsa' c'otiyon lojon ya' ba' tsa' chocoyon lojon majlel, isujm añʌch ca'bʌl leche yic'ot cha'b; iliyi jiñʌch i wut jiñi pʌc'ʌbʌl tac.

Numeros 13:27 Iomraidhean Croise

Nehemias 9:25

Tsi' ch'ʌmʌyob wen melbil bʌ tejclum tac joy mʌcbil bʌ ti ts'ajc, yic'ot wen bʌ lum an tac bʌ i bʌl. Tsa' cajiyob ti chumtʌl ti wen chajpʌbil bʌ otot am bʌ cabʌl i bʌl. An melbil bʌ pozo yic'ot ts'usubil yic'ot olivojil yic'ot cabʌl te' on bʌ mi' yʌc' i wut. Tsi' c'uxuyob. Tsa' ñaj'ayob. Tsa' cajiyob ti jujp'el. Tijicñayob cha'an tsa' pʌsbeyob cabʌl a wutslel.

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 33:3

Mi caj c pʌyetla ochel ti jini lum ba' yujil colel pejtelel pʌc'ʌbʌl, pero joñon ma'anic mi caj c tem letsel la' wic'ot, come wen tsʌtsob jax i pusic'al jini israelob, ame mic junyajlel jisañetla ya' ti bij, che'en.

Jeremias 11:5

Che' jini mi' caj ti ts'ʌctiyel chuqui tsac sube la' tatob che' bʌ tsa cʌq'ueyob jini wen bʌ lum ba' on mi tajtʌl lech yic'ot chab che' bajche' woli la' q'uel wʌle”, che'en lac Yum, i Dios Israel. Tsac jac'be: Isujm bajche' wola' wʌl, c Yum, cho'on tsac sube.

Jeremias 32:22

Tsa' wʌq'ueyob ili lum c tatob lojon che' bajche' tsa' wʌn subeyob. Jiñʌch wen bʌ lum on bʌ mi' yʌc' lech yic'ot chab.

Ezequiel 20:15

Pero tsac wa'chocobeyob c t'an ya' ti tiquin bʌ lum cha'an ma'anic mi caj c pʌyob majlel ti wen bʌ lum ba' mi' colel pejtel pʌc'ʌbʌl ti chajp ti chajp ba' wen uts'at jini lum, ñumen uts'at bajche' pejtelel yan tac bʌ lum ti pañimil.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Numeros 14:7

Tsa' caji i subeñob pejtelel israelob: Uts'atax jini lum ba' tsajni j q'uel lojon. Cabʌl mi' yʌc' i wut pʌc'ʌbʌl.

Numeros 14:8

C'ux mi' yubiñonla lac Yum. Mi caj i yʌq'ueñonla jini lum ba' yujil colel pejtelel pʌc'ʌbʌl. Jiñʌch wen bʌ lum ba'an cabʌl leche yic'ot chab.

Numeros 16:13

Tsa' pʌyʌyon lojon loq'uel ba' tijicñayon lojon ti Egipto. Jiñʌch wen bʌ lum ba' tsac japʌ lojon lech. Tsac mʌc'ʌ lojon chab. Tsa' pʌyʌyon lojon tilel ti chʌmel ila ti colem bʌ i tiquiñal pañimil. ¿C yumet ba lojon cha'an mic jac'beñet lojon a t'an?

Numeros 16:14

Ma'anic chuqui tsa' wʌq'ueyon lojon, mi lumic mi ts'usubilic. Ma'anic tsa' pʌyʌyon lojon tilel ba' mic jap lojon lech ba' mic mʌc' lojon chab. ¿Mu' ba cajel a lotiñon lojon? Jini cha'an mach letsicon lojon, che'ob.

Deuteronomio 11:9

Che' jini mi caj i ñajt'an la' jabilel ila ti lum mu' bʌ caj i yʌq'ueñetla che' bajche' tsi' wʌn subeyob lac ñojte'elob. Che' jini mi' caj ti colel ti uts'at pejtelel pʌc'ʌbʌl.

Deuteronomio 26:9

Tsi' pʌyʌyonla tilel ilayi. Tsi' yʌq'ueyonla jini lum wʌ' ba' chumulonla. Wen yujil colel pejtelel pʌc'ʌbʌl. Mi' yʌq'ueñonla lech yic'ot chab.

Deuteronomio 27:3

Yom ma' laj ts'ijban tac ili t'an che' ochemetix ti jini lum woli bʌ i yʌq'ueñet lac Yum Dios, ya' ba' wen yujil colel pejtelel pʌc'ʌbʌl, jini lum mu' bʌ i yʌq'ueñet lech yic'ot chab che' bajche' lac Yum Dios tsi' wʌn subeyob lac ñojte'elob.

Deuteronomio 31:20

Che' bʌ tsa'ix c pʌyʌyob ochel ti jini lum mu' bʌ caj cʌq'ueñob che' bajche' tsac wʌn sube i ñojte'elob, jini wen uts'at bʌ lum ba' mi caj i mʌc'ob chab yic'ot lech, mi caj i ñaj'añob. Mi caj i jujp'elob. Che' jini mi caj i ch'ujutesañob yambʌ i diosob. Mi caj i ts'a'leñoñob. Mi caj i ñusʌbeñoñob jini xuc'ul bʌ c t'an.

Deuteronomio 6:3

Ñich'tanla che' jini, israelob, cha'an xuc'ul mi la' jac'ben i mandar lac Yum. Che' jini uts'at mi caj la' ñusan q'uin ya' ti la' lum baqui mi' colel pejtelel pʌc'ʌbʌl. Mi caj la' p'ojlel ja'el che' bajche' tsi' subeyetla lac Yum Dios, jini jach bʌ i Dios la' ñojte'elob.

Josue 5:6

Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.