Numeros 13:22 - Chol: I T’an Dios

²² Che' bʌ tsa' ñumiyob ti Neguev tsa' c'ʌlʌ c'otiyob ti Hebrón, ba' tsi' q'ueleyob i p'olbalob Anac ti mojt ti mojt, Ahimán yic'ot Sesai yic'ot Talmai. Wa'chocobilix Hebrón ti oniyi che' wucp'ejl to jab yom cha'an mi' wa'chocontel Zoán am bʌ ti Egipto.

Chol de Tumbalá Bible

²² Che' bʌ tsa' ñumiyob ti Neguev tsa' c'ʌlʌ c'otiyob ti Hebrón, ba' tsi' q'ueleyob i p'olbalob Anac ti mojt ti mojt, Ahimán yic'ot Sesai yic'ot Talmai. Wa'chocobilix Hebrón ti oniyi che' wucp'ejl to jab yom cha'an mi' wa'chocontel Zoán am bʌ ti Egipto.

Jiñi Tsiji' bʌ Wen T'añ cha'añ Estudio

²² Tsa' ñumiyob majlel ti Neguev c'ʌlʌl tsa' c'otiyob ti Hebrón, ya' ba' chumul i p'olbalob Anac ti' mojt ti' mojt: Ahimán yic'ot Sesai yic'ot Talmai. Tsa' wa'choconti jiñi tejclum i c'aba' Hebrón che' añ to yom wucp'ejl ja'b cha'añ mi' wa'chocontel Zoán am bʌ ti Egipto.

Numeros 13:22 Iomraidhean Croise

Genesis 13:18

Jini cha'an Abram tsi' ch'ʌmʌ majlel pisil bʌ i yotot ya' ba'an c'olol te' ti Mamre am bʌ ti Hebrón. Ya'i tsi' melbe i pulʌntib i majtan lac Yum.

2 Samuel 2:1

Che' bʌ ujtemix pejtel iliyi, David tsi' pejca lac Yum: ¿Yom ba mic letsel majlel ti jump'ejl i tejclum Judá? che'en. Lac Yum tsi' sube: Cucu ti letsel, che'en. David tsi' cha' c'ajti: ¿Baqui yom mic majlel? che'en. Lac Yum tsi' sube: Yom ma' majlel ti Hebrón, che'en.

2 Samuel 2:11

Ojlil i waxʌcp'ejl jab David tsi' cha'le yumʌl ya' ti Hebrón ti tojlel jini año' bʌ ti Judá.

2 Samuel 21:16

Juntiquil colem bʌ filisteo i c'aba' Isbibenob chucbil bʌ i lanza am bʌ i yalel jo'p'ejl kilo bronce, ts'ita' colel i tsʌnsan David.

Salmos 78:12

Uts'atax i yejtal i p'ʌtʌlel tsa' bʌ i pʌsbeyob lac tatob Ti jini lum Egipto ya' ti Zoán.

Salmos 78:43

Tsa' ñajʌyiyob i cha'an i yejtal tac i p'ʌtʌlel ya' ti Egipto, Yic'ot jini bʌbʌq'uen tac bʌ ya' ti' jamil Zoán.

Isaias 19:11

Tontojob jax jini yumʌlob ti Zoán. Tonto i t'an jini xcʌntesajob mu' bʌ i subeñob Faraón bajche' yom melol. Mach chʌn mejlic i chañ'esañob i bʌ cha'an cabʌl i na'tʌbal i tatob ti oñiyi, come mach lajalobic yic'ot i tatob. Ma'anix i c'ʌjñibal ti' tojlel Faraón.

Isaias 19:13

Tsa'ix ochiyob ti tonto jini yumʌlob ti Zoán. Tsa'ix i ñopoyob lot jini yumʌlob ti Menfis. Jini año' bʌ i ye'tel ti Egipto tsi' lotiyob i pi'ʌlob. Ti jump'ejl i pusic'al tsa' sajtiyob.

Isaias 30:4

Anquese mi' jac'beñob i t'an c'ʌlʌl ti Zoán c'ʌlʌl ti Hanes,

Numeros 13:17

Che' bʌ tsi' chocoyob majlel cha'an mi' q'uelob bajche' yilal jini lum Canaán, Moisés tsi' subeyob: Cucula ti' bijlel Neguev ba' mi la' letsel ti wits.

Numeros 13:28

Pero wen ch'ejlob jini winicob ya' bʌ chumulob. Wen colem jini tejclum, joyolob ti ts'ajc. Tsaj q'uele lojon ja'el jini wen chaño' bʌ winicob i yalobilob Anac.

Numeros 13:33

Tsaj q'uele lojon i yalobilob Anac, jini wen chaño' bʌ winicob, cʌmbilo' bʌ c'ʌlʌl ti wajali. Wen pec' tsaj q'uele lojon c bʌ che' bajche' ya alʌ sajc' ti' tojlelob, come wen chañob, che'ob.

Deuteronomio 9:2

Colem winicob, wen chañob ja'el. I yalobilobʌch anaceojob, cʌmbilix bʌ la' cha'an. Ubibilix la' cha'an ili t'an: “¿Majqui mi mejlel i coltan i bʌ ti' tojlel jini anaceojob?” che'ob.

Josue 10:36

Josué yic'ot jini israelob tsa' loq'uiyob ti Eglón cha'an mi' majlelob ti Hebrón. Tsi' contrajiyob.

Josue 21:13

I p'olbalob jini motomaj Aarón tsa' aq'uentiyob Hebrón. Jiñʌch tejclum ba' mi' mejlel ti puts'el jini mu' bʌ i cha'len tsʌnsa. Tsa' aq'uentiyob ja'el: Libna yic'ot i lum, Jatir yic'ot i lum, Estemoa yic'ot i lum, Holón yic'ot i lum, Debir yic'ot i lum,

Juezob 1:10

Jini i winicob Judá tsa' majliyob ti guerra ti' contra jini cananeojob chumulo' bʌ ya' ti Hebrón. (I c'aba' ti ñaxan jiñʌch Quiriat Arba.) Tsi' mʌlbeyob jini Sesai, Ahimán, yic'ot Talmai.