Numeros 13:20 - Chol: I T’an Dios

²⁰ Q'uelela jini lum, mi weñʌch yilal, mi mach wenic, mi an tacʌch i te'elal, mi ma'anic. Mach la' cha'len bʌq'uen. Ch'ʌmʌla tilel i wut tac te' cha'an mi laj q'uel bajche' yilal. Che' tsi' yʌlʌ Moisés. I tejchibalix c'ajbal, wolix i c'ʌñ'an i wut ts'usub.

Chol de Tumbalá Bible

²⁰ Q'uelela jini lum, mi weñʌch yilal, mi mach wenic, mi an tacʌch i te'elal, mi ma'anic. Mach la' cha'len bʌq'uen. Ch'ʌmʌla tilel i wut tac te' cha'an mi laj q'uel bajche' yilal. Che' tsi' yʌlʌ Moisés. I tejchibalix c'ajbal, wolix i c'ʌñ'an i wut ts'usub.

Jiñi Tsiji' bʌ Wen T'añ cha'añ Estudio

²⁰ yic'ot bajche' yilal jiñi lum, mi mux i colel pʌc'ʌbʌl tac o ma'añic, mi añ tac i te'elal, o ma'añic. Ch'ejl-esan la' bʌ yic'ot ch'ʌmʌla tilel i wut pʌc'ʌbʌl tac am bʌ ti jiñi lum.” Ti jiñi bʌ ora i yorajlelʌch jiñi ñaxan bʌ i wut ts'usub.

Numeros 13:20 Iomraidhean Croise

1 Cronicas 22:11

Jini cha'an wʌle calobil, la' i wen coltañet lac Yum cha'an ma' ch'ejl'esan a bʌ cha'an ma' wa'chocoben i Templo lac Yum che' bajche' tsi' subeyon.

Nehemias 9:25

Tsi' ch'ʌmʌyob wen melbil bʌ tejclum tac joy mʌcbil bʌ ti ts'ajc, yic'ot wen bʌ lum an tac bʌ i bʌl. Tsa' cajiyob ti chumtʌl ti wen chajpʌbil bʌ otot am bʌ cabʌl i bʌl. An melbil bʌ pozo yic'ot ts'usubil yic'ot olivojil yic'ot cabʌl te' on bʌ mi' yʌc' i wut. Tsi' c'uxuyob. Tsa' ñaj'ayob. Tsa' cajiyob ti jujp'el. Tijicñayob cha'an tsa' pʌsbeyob cabʌl a wutslel.

Nehemias 9:35

Ma'anic tsi' yumayetob che' bʌ tsa' wʌq'ueyob i cha'leñob yumʌntel anquese tsa' pʌsbeyob ñuc bʌ a wenlel ya' ti jini ñuc bʌ lum, jini wen bʌ lum tsa' bʌ a wʌq'ueyob. Ma'anic tsi' cʌyʌyob i mel jontolil.

Ezequiel 34:14

Mi caj cʌc'ob ba' wen ch'ocʌyem jamil ti chan tac bʌ bujtʌl ti Israel. Mi caj cʌc'ob ti corral. Mi' cajelob ti wʌyel ba' cʌntʌbil. Mi caj i pam cha'leñob xʌmbal ba' cabʌl i buc'bal,

Daniel 11:24

Che' mach yʌxʌlobic i yo jini tejclum tac, mi caj i yochel i chilbeñob i chubʌ'an. Leco mi caj i mel, mach che'ic bajche' tsi' meleyob i ñojte'el. Mi caj i chilbeñob i chubʌ'an jini wen chumulo' bʌ cha'an mi' pucbeñob jini winicob x'ixicob. Mi caj i chajpan i bʌ cha'an mi' contrajin jini p'ʌtʌl bʌ tejclum tac. Pero mach jaleyic.

Miqueas 7:1

Obol jax c bʌ, come lajalon bajche' jini te' che' ujtemix i tuc'bentel i wut. Lajalon bajche' jini mu' bʌ i chʌcʌ sʌclan ts'usub yic'ot higo che' tsa'ix ñumi i yorajlel. Ma'anix mi' cʌytʌl mi ts'ita'ic cha'an mij c'ux, anquese cabʌl c wo'lel. Che' ja'el tsa'ix lu' jiliyob ti pañimil jini winicob tojo' bʌ i pusic'al. Ma'anix mi juntiquilic ila ti pañimil. Ti pejtelelob mi' cha'leñob tsʌnsa. Mi' chijtañob i pi'ʌlob che' bajche' xchijtaya me'.

Numeros 13:19

Q'uelela mi uts'at mi' yʌc' i wut jini lum. Q'uelela mi joyolob ti ts'ajc jini colem tejclum tac yic'ot xchumtʌl tac, mi cabʌlob mi mach cabʌlobic.

Deuteronomio 1:24

Che' jini tsa' caji' xʌñob majlel jini bij. Tsa' ñumiyob ti wits. Tsa' c'otiyob ya' ti' joctʌlel Escol. Che' jini tsi' cʌñʌyob jini lum.

Deuteronomio 1:25

Tsi' ch'ʌmʌyob tilel i yejtal i wut jini lum cha'an mi' laj q'uel. Tsi' yʌlʌyob: Uts'atʌch jini lum woli bʌ i yʌq'ueñonla lac Yum, che'ob.

Deuteronomio 31:23

Lac Yum tsi' yʌq'ue Josué i yalobil Nun ili t'an: Yom ch'ejlet. Yom jump'ejl jach a pusic'al. Come jatet mi caj a pʌy ochel jini israelob ti jini lum mu' bʌ caj cʌq'ueñob che' bajche' tsac subeyob. Mi caj cajñel a wic'ot, che'en lac Yum.

Hebreos 13:6

Jini cha'an, yom ch'ejl lac pusic'al mi lac sub: “Lac Yum jiñʌch caj Coltaya. Ma'anic mi caj c bʌc'ñan chuqui mi' tumbeñon winicob”, cho'onla.

Josue 1:6

Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 2:1

Josué tsi' choco loq'uel ti Sitim cha'tiquil stsajiyajob. Tsi' chocoyob majlel ti mucul. Tsi' subeyob: Yom mi la' joy ñumel ti jini tejclum tac cha'an mi la' q'uel bajche' an, che'en. Tsa' majliyob c'ʌlʌl che' bʌ tsa' c'otiyob ti Jericó ya' ti' yotot juntiquil ts'i'lel bʌ x'ixic, i c'aba' Rahab. Tsa' ochiyob ti jini otot cha'an mi' jijlelob.

Josue 2:3

Jini rey ti Jericó tsi' choco majlel t'an ba'an Rahab cha'an mi' suben: Pʌybeñon tilel jini winicob tsa' bʌ c'otiyob ya' ba' añet, come tsa' jach tiliyob cha'an mi' tsajiñob lac tejclum, che'en.