Numeros 13:17 - Chol: I T’an Dios

¹⁷ Che' bʌ tsi' chocoyob majlel cha'an mi' q'uelob bajche' yilal jini lum Canaán, Moisés tsi' subeyob: Cucula ti' bijlel Neguev ba' mi la' letsel ti wits.

Chol de Tumbalá Bible

¹⁷ Che' bʌ tsi' chocoyob majlel cha'an mi' q'uelob bajche' yilal jini lum Canaán, Moisés tsi' subeyob: Cucula ti' bijlel Neguev ba' mi la' letsel ti wits.

Jiñi Tsiji' bʌ Wen T'añ cha'añ Estudio

¹⁷ Che' bʌ Moisés tsi' chocoyob majlel cha'añ mi' q'uelob bajche' yilal i lum Canaán, tsi' su'beyob: “Cucula c'ʌlʌl ti Neguev, ti wi'il letsenla majlel ti wits.

Numeros 13:17 Iomraidhean Croise

Genesis 12:9

Abram tsa' chʌn majli c'ʌlʌl ti jini lum am bʌ ti sur.

Genesis 13:1

Abram tsa' loq'ui ti Egipto. Tsa' tili ti jini lum am bʌ ti sur, yic'ot i yijñam, yic'ot pejtel i chubʌ'an, yic'ot Lot.

Genesis 13:17

Yom ma' wa'tʌl. Yom ma' xʌn ñumel ti' wa'tilel yic'ot ti c'ʌttʌlel jini lum, come mi caj cʌq'ueñet, che'en Dios.

Genesis 13:3

Tsa' ñumi ti jini lum am bʌ ti sur. Tsa' majli ti' bijlel Betel. Tsa' c'oti ba' tsi' ñaxan wa'choco pisil bʌ i yotot, xinlʌpʌl ti' yojlil Betel yic'ot Hai,

Genesis 14:10

But'ul jini joctʌl i c'aba' Sidim ti' yajñib tac asfalto. Che' bʌ tsa' puts'iyob i rey Sodoma yic'ot i rey Gomorra, tsa' ochiyob lamital i winicob ti' yajñib tac asfalto tsa' bʌ i ts'u'uyob ochel. Yaño' bʌ tsa' puts'iyob majlel ti wits.

Numeros 13:18

Yom mi la' wen q'uel jini lum bajche' yilal, yic'ot bajche' yilalob jini winicob ya' bʌ chumulob, mi ch'ejlob, mi mach ch'ejlobic, mi ts'ita'ob, mi cabʌlob.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Numeros 14:40

Che' ti yijc'ʌlal wen sebto tsa' ch'ojyiyob. Tsa' cajiyob ti letsel majlel ya' ti chan bʌ wits. Tsi' yʌlʌyob: Wolix c ña'tan lojon an lojon c mul cha'an ma'anic tsac jac'ʌ lojon c pʌyol, pero chajpʌbilonix lojon cha'an mic majlel lojon ti jini lum tsa' bʌ i ña'ta i yʌq'ueñonla lac Yum Dios, che'ob.

Deuteronomio 1:44

Che' jini tsa' loq'uiyob jini amorreojob ya' ba' chumulob ti wits. Tsa' tiliyob i tajetla. Tsa' caji i yajñesañetla che' bajche' xux. Tsi' tsʌnsayob la' pi'ʌlob ya' ti Seir c'ʌlʌl ti Horma. Tsi' p'ump'un tic'layetla.

Josue 10:40

Che' bajche' iliyi Josué tsi' jisa pejtelel año' bʌ ti wits tac yic'ot ti Neguev, yic'ot ti joctʌl, yic'ot ti bujtʌl. Tsi' tsʌnsa pejtelel jini yumʌlob c'ʌlʌl jinto ma'anix majqui tsa' cʌle. Tsi' jisayob pejtelel jini cuxulo' bʌ, come che'ʌch tsi' yʌc'ʌ mandar lac Yum i Dios Israel.

Josue 15:3

I cayajon tsa' c'axi ti sur ya' ba' mi' letsel ti Acrabim. Tsa' ñumi ba'an Zin. Tsa' c'axi ti' tojel Cades Barnea ti sur. Tsa' ñumi ba'an Hezrón. Tsa' c'axi ti Adar. Tsa' joy ñumi ba'an Carca.

Josue 2:1

Josué tsi' choco loq'uel ti Sitim cha'tiquil stsajiyajob. Tsi' chocoyob majlel ti mucul. Tsi' subeyob: Yom mi la' joy ñumel ti jini tejclum tac cha'an mi la' q'uel bajche' an, che'en. Tsa' majliyob c'ʌlʌl che' bʌ tsa' c'otiyob ti Jericó ya' ti' yotot juntiquil ts'i'lel bʌ x'ixic, i c'aba' Rahab. Tsa' ochiyob ti jini otot cha'an mi' jijlelob.

Juezob 1:15

Acsa tsi' jac'ʌ: Aq'ueñon c majtan. Tsa'ix a wʌq'ueyon lum ya' ti Neguev. Aq'ueñon ja'el ba' mi' loq'uel ja', che'en. Jini cha'an Caleb tsi' yʌq'ue lum ba' mi' loq'uel ja' ti bujtʌl yic'ot ti joctʌl.

Juezob 1:19

Lac Yum tsi' coltayob. Jini cha'an tsa' mejli i mʌlbeñob jini año' bʌ ti wits tac. Pero ma'anic tsa' mejli i chocob loq'uel jini año' bʌ ti joctʌl bʌ lum, come añob i cha'an carreta tac melbil bʌ ti tsucu taq'uin.

Juezob 1:9

Wi'ilix jini soldadojob tsa' majliyob ti guerra ti contra jini cananeojob chumulo' bʌ ti wits tac ya' ti sur yic'ot ya' ti joctʌl tac.