Numeros 12:8 - Chol: I T’an Dios

⁸ Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Chol de Tumbalá Bible

⁸ Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Jiñi Tsiji' bʌ Wen T'añ cha'añ Estudio

⁸ Mic caj c cha'len t'añ quic'ot Moisés che' bajche' mi la' pejcan la' bʌ ti jamʌl. Mach muculic c t'añ ti' tojlel. Mi caj i cʌñon che' bajche' quilal. ¿Chucoch ma'añic tsa' la' cha'le bʌq'uen che' bʌ tsa' la' wulwul a'le c wiñic Moisés?”

Numeros 12:8 Iomraidhean Croise

Genesis 32:30

Jacob tsi' yotsʌbe i c'aba jini ajñibʌl Peniel, “I wut Dios”. Come tsi' yʌlʌ: Tsaj q'uelbe i wut Dios. Dios tsi' coltayon. Ma'anic tsi' tsʌnsayon, che'en.

Salmos 17:15

Jixcu joñon, mi caj j q'uel a wut cha'an tsa' wʌq'ueyon a tojel. Tijicña mi caj cubin che' mic cha' ch'ojyel, come mi caj j q'uel a wut.

Salmos 49:4

Mi caj c sub ti lajiya jini woli bʌ c ña'tan. Mi caj j c'ʌn música am bʌ i ch'ajñal cha'an mic tsictesan.

Exodo 19:19

Tsa' bej caji ti c'am bʌ t'an trompeta. Moisés tsi' cha'le t'an. Dios tsi' jac'ʌ yic'ot i t'an chajc.

Exodo 20:4

Mach a bajñel mel a dios tac, mi i yejtal winic mi i yejtal bʌte'el am bʌ ti pañimil mi i yejtal mut am bʌ ti chan, mi i yejtal chʌy am bʌ ti ja'.

Exodo 33:11

Lac Yum tsi' pejca Moisés ti' wut che' bajche' juntiquil winic mi' pejcan jini cʌñʌl bʌ i cha'an. Che' jini tsa' cha' sujti Moisés ya' ti tejclum. Pero jini ch'iton Josué (i yalobil Nun), jini x'e'tel i cha'an, ma'anic tsa' sujti. Ya' tsa' cʌle ti Tabernáculo.

Exodo 33:19

Lac Yum tsi' jac'ʌ: Pejtelel cutslel mi caj i tsictiyel ti a wut. Mi caj c tsictesan j C'aba' ti a tojlel, Joñoñʌch a Yumon. Mi caj c p'untan majqui com c p'untan. Uts mi caj j q'uel jini com bʌ j q'uel ti uts'at.

Exodo 33:23

Ti wi'il mi caj c loc'san j c'ʌb. Mi caj a q'uel c pat, pero ma'anic mi caj a q'uel c wut, che'en jini lac Yum Dios.

Exodo 34:30

Aarón yic'ot pejtelel israelob tsi' q'ueleyob Moisés. Wen sʌcleman i wut. Tsi' cha'leyob bʌq'uen cha'an mi' lʌc'tesañob i bʌ yic'ot.

Proverbios 1:6

cha'an mi' ch'ʌmbeñob isujm ili t'an yic'ot lajiya tac, i subal jini año' bʌ i pusic'al yic'ot i sujmlel mucul tac bʌ ti pañimil.

Isaias 40:18

Ma'anic majch lajal bajche' Dios. ¿Mejl ba lac mel i yejtal tac?

Isaias 46:5

¿Majqui yic'ot mi mejlel la' lajon? ¿Majqui lajal bajche' joñon mi la' wʌl?

Ezequiel 20:49

Che' jini tsa cʌlʌ: ¡C Yum Dios! Jini winicob mi caj i yʌlob lajiya jach jini mu' bʌ c sub, cho'on tsac sube.

Oseas 12:13

Tsac choco majlel x'alt'an cha'an mi' loc'san i p'olbal Jacob ya' ti Egipto. Tsi' toj'esayob tilel. Tsi' cʌntayob.

Numeros 14:14

Tsa'ix i subeyob jini chumulo' bʌ ti Canaán wʌ'añet tic tojlel lojon. Laj yujilobix añet tic tojlel lojon. Ma' pejcan israelob che' bajche' mi' pejcañob i bʌ winicob che' mi' q'uelob i bʌ. Mic chumtʌl lojon ti yebal a Tocal. Ma' majlel ti ñaxan baqui jach ma' pʌyon lojon majlel. Ma' toj'esañon lojon majlel ti a Tocal che' ti q'uiñil yic'ot ti c'ajc che' ti ac'ʌlel.

Numeros 7:89

Che' bʌ tsa' ochi ti Tabernáculo Moisés cha'an mi' pejcan Dios, tsi' yubibe i T'an ya' ba' tsi' pʌsʌ i yutslel Dios ti' yojlil i yejtal ángelob am bʌ ti' pam Arca.

Mateo 13:35

cha'an mi' ts'ʌctiyel i t'an jini x'alt'an tsa' bʌ i yʌlʌ: “Mi caj c cha'len t'an ti lajiya tac. Mi caj c sub jini maxto bʌ anic tsa' tsictiyi c'ʌlʌl ti' cajibal pañimil”, che'en.

Lucas 10:16

Jini c'ux bʌ mi yubiñetla c'ux mi' yubiñon. Jini mu' bʌ i ts'a'leñetla, mi' ts'a'leñon. Jini mu' bʌ i ts'a'leñon mi' ts'a'len jini tsa' bʌ i chocoyon tilel. Che' tsi' yʌlʌ Jesús.

Juan 1:18

Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Juan 15:15

Ma'anic mic chʌn pejcañetla tic winic, come jini winic am bʌ ti' yum mach yujilic chuqui mi' cha'len i yum. Mic pejcañetla tic pi'ʌl, come pejtelel chuqui tsa cubi tic Tat, tsa'ix cʌq'ueyetla la' ñop.

Juan 15:24

Ma'anic majch tsi' mele ñuc bʌ i ye'tel che' bajche' tsac mele ti' tojlelob. Machic tsac mele, ma'añobic i mul. Wʌle tsa'ix i q'ueleyob. Mi' ts'a'leñoñob quic'ot c Tat ja'el.

1 Corintios 13:12

Come wʌle mi lac yʌxña q'uel Cristo che' bajche' ti espejo. Pero che' mi' tilel mi caj laj q'uelben i wut. Wʌle wolic yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

2 Corintios 3:18

Che' jini hermanojob, mach chʌn mosolix lac wut yilal. Che' mi laj q'uelben i ñuclel lac Yum che' bajche' ti espejo, mi lac utsi tsictesan i ñuclel. Mi laj q'uextʌyel majlel ti' yejtal Cristo che' mi' mel i ye'tel i yEspíritu lac Yum ti lac pusic'al.

Deuteronomio 18:15

Lac Yum Dios muq'uix i wa'chocon juntiquil X'alt'an loq'uem bʌ ti la' tojlel che' bajche' joñon. Mero la' pi'ʌl. Yom mi la' jac'ben i t'an.

Deuteronomio 34:10

Ma'anic yambʌ x'alt'an che' bajche' Moisés c'ʌlʌl wʌle, come lac Yum tsi' pejca ti' wut.

Deuteronomio 4:15

Ti jim bʌ ora che' bʌ lac Yum tsi' cha'le t'an ya' ti' yojlil c'ajc, tsa' la' q'uele ma'anic i cuctal. Jini cha'an wen cʌntanla la' pusic'al

Deuteronomio 5:8

Mach a mel a dios. Mach a melben i yejtal chuqui tac an ti panchan, mi i yejtal jini am bʌ ti pañimil ti yebal panchan, mi i yejtal chuqui tac an ti ja' ti' yebal lum.

Colosenses 1:15

Come Jesús tsi' tsictesa Dios mach bʌ mejlic laj q'uel. Jiñʌch yʌx alʌl bʌ i cha'an che' maxto anic melbil tac bʌ.

1 Tesalonicenses 4:8

Jini cha'an, majqui jach mi' ñusan ili mandar mach winiquic woli' ts'a'len. Woli' ts'a'len Dios mu' bʌ i yʌq'ueñonla Ch'ujul bʌ Espíritu.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

Hebreos 1:1

Ti oñiyi Dios tsi' c'ʌñʌ jini x'alt'añob cha'an mi' pejcan lac ñojte'el. Cabʌl tsi' pejcayob ti chajp ti chajp che' bajche' yom ti jujunyajl.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.

2 Pedro 2:10

Cojco jini mu' bʌ i jac'beñob i colosojlel i pusic'al yic'ot i bibi'lel, mu' bʌ i ts'a'leñob año' bʌ i ye'tel. Ch'ejl mi' melob i bʌ. Mi' melob bajche' jach yomob ti' bajñel pusic'al. Ma'anic mi' bʌc'ñañob i cha'len t'an ti' contra jini año' bʌ i ñuclel ti panchan.

Judas 1:8

Che' ja'el jini winicob x'ixicob, ñijcʌbilob cha'an chuqui mi' q'uelob che' bajche' ti ñajal, mi' bib'esañob i bʌ. Mi' ts'a'leñob jini año' bʌ i ye'tel. Mi' p'ajob jini ñuco' bʌ ti panchan.