Numeros 12:6 - Chol: I T’an Dios

⁶ Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.

Chol de Tumbalá Bible

⁶ Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.

Jiñi Tsiji' bʌ Wen T'añ cha'añ Estudio

⁶ Lac Yum tsi' su'beyob: “Ñʌch'tanla ili c t'añ. Che' bʌ añix x'alt'añ ti la' tojlel mi caj c pejcañob ti' ñajal. Mi caj c pejcañob che' añob ti' wʌyib.

Numeros 12:6 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 20:7

Wʌle yomix ma' cha' aq'uen i yijñam jini winic, come x'alt'añʌch. Mi caj i mel oración cha'an ma'anic ma' chʌmel. Mi ma'anic ma' cha' aq'uen i yijñam, mux caj a wersa chʌmel yic'ot pejtel a cha'año' bʌ, che'en Dios.

Genesis 28:12

Tsi' cha'le ñajal. Tsi' q'uele chan bʌ tec'oñib wa'al bʌ ti lum. I jol jini tec'oñib tsi' taja panchan. I yángelob Dios woli' letsel i jubelob ya' ti tec'oñib.

Genesis 28:16

Jacob tsa' ch'ojyi ti wʌyel. Tsi' cha'le bʌq'uen. Tsi' yʌlʌ: Isujm, wʌ'an lac Yum ilayi. Ma'anic tsac ña'ta. Wʌ'an bʌbʌq'uen bʌ ilayi. Jiñʌch i yotot Dios. Jiñʌch i ti' panchan, che'en.

Genesis 37:5

José tsi' cha'le ñajal. Tsi' sube i yʌscuñob chuqui tsi' q'uele ti ñajal. Jini cha'an tsi' mich'leyob.

Genesis 37:9

Tsi' cha' cha'le ñajal. Tsi' subeyob i yʌscuñob: Awilan, tsac cha' cha'le ñajal. Jini q'uin yic'ot uw yic'ot junlujump'ejl ec' tsi' c'uchchocoyob i bʌ tic tojlel.

Genesis 46:2

Dios tsi' pejca Israel che' ti ac'ʌlel. Tsi' yʌlʌ: Jacob, Jacob, che'en. Israel tsi' jac'ʌ: Wʌ' añon, che'en.

2 Samuel 7:4

Awilan ti jini jach bʌ ac'ʌlel tsa' tili i t'an lac Yum ba'an Natán. Tsi' sube:

1 Reyob 3:15

Che' bʌ tsa' cajni i wut Salomón, tsi' ña'ta chuqui tsi' ñajle. Tsa' sujti ti Jerusalén. Tsa' c'oti ya' ti tojel jini Arca ba' lotol jini xuc'ul bʌ t'an i cha'an lac Yum. Tsi' yʌq'ue lac Yum pulbil bʌ i majtan yic'ot jini majtañʌl cha'an i ñʌch'tʌlel i pusic'al. Che' ja'el tsi' mele ñuc bʌ q'uin. Tsi' pʌyʌ pejtelel año' bʌ i ye'tel.

1 Reyob 3:5

Ti jump'ejl ac'ʌlel che' ya'an Salomón ti Gabaón, tsi' q'uele lac Yum ti' ñajal. Dios tsi' sube: C'ajtibeñon chuqui a wom, che'en.

Job 33:15

Che' woliyonla ti ñajal yic'ot che' an chuqui mi laj q'uel ti ac'ʌlel,

Salmos 105:15

Tsi' yʌlʌ: Mach mi la' mʌctan jini yajcʌbilo' bʌ c cha'an. Mach mi la' tic'lan jini x'alt'añob c cha'an, che'en.

Salmos 89:19

Tsa'ix a pejca jini x'alt'an a cha'an ti espíritu. Tsa' sube: Tsa'ix c yajca loq'uel ti' tojlel i pi'ʌlob juntiquil wen p'ʌtʌl bʌ cha'an mi' cha'len yumʌl.

Exodo 7:1

Lac Yum tsi' sube Moisés: Awilan i wentajet Dios ti' tojlel Faraón. Aarón mi caj i yochel ti a waj ñusa t'an.

Jeremias 23:25

Tsa cubibeyob i lot jini x'alt'añob mu' bʌ i lon jop'ob t'an tij c'aba'. Mi' yʌlob: “Tsac ñajle jini, tsac ñajle yambʌ”, lon che'ob.

Jeremias 23:28

Jini x'alt'an mu' bʌ i cha'len ñajal, la' i sub chuqui tsi' ñajle. ¿Chuqui i ye'tel ñajal? Pero jini yujil bʌ c t'an la' i sub c t'an ti' xuc'tʌlel i pusic'al. Come cabʌlʌch i c'ʌjñibal. Mach mejlic i lajintel jini mero ixim yic'ot tiquinix bʌ jam, che'en lac Yum.

Ezequiel 1:1

Joñon Ezequielon (i yalobilon Buzi). Motomajon chumulon quic'ot c pi'ʌlob israelob tsa' bʌ cʌjchiyob majlel ti Babilonia. I jo'p'ejlelix jab che' cʌchʌl jini rey Joaquín. Ya' añon lojon ti' ti' ñoj ja' i c'aba' Quebar. Ti jump'ejl q'uin che' ti' jilibal junio che' anix lujump'ejl i cha'c'al (30) c jabilel, tsaj q'uele tsa' jajmi jini panchan ti' tojel c wut. An chuqui tilem ti Dios.

Daniel 10:8

C bajñel jach che' bʌ tsaj q'uele ili bʌbʌq'uen tac bʌ. Tsa' c'uñ'ayon. Tsa' sʌc'a c wut cha'an bʌq'uen.

Daniel 2:19

Ti jini ac'ʌlel Dios tsi' jac'ʌ. Tsi' pʌsbe Daniel i ñajal jini rey. Jini cha'an Daniel tsi' subu i ñuclel Dios am bʌ ti panchan.

Daniel 7:1

Ti jump'ejl ac'ʌlel che' ti' tejchibal i yumʌntel Belsasar, an chuqui tsi' q'uele Daniel choyol bʌ ti panchan. Tsa' caji i ts'ijbun pejtel chuqui tsi' q'uele.

Daniel 8:2

Tsaj q'uele che' bajche' ya' añon ti Susa, jiñʌch ñuc bʌ tejclum ti' yumʌntel Elam. Ya' añon ti' ti' jini ñoja' i c'aba' Ulai.

Oseas 12:11

Pero ñʌmʌletla ti mulil ya' ti Galaad. Lolom jach mi la' cha'len ch'ujutesaya. Ya' ti Gilgal tsa' la' pulbeyob i majtan xibajob. Tsolol tac pulʌntib che' bajche' xajlel ti' t'ejl top'bil bʌ lum.

Joel 3:1

Woli' chʌn sub lac Yum: Ti jini q'uin che' mic cha' aq'uen i wenlel año' bʌ ti Judá yic'ot ti Jerusalén,

Zacarias 1:8

Tsaj q'uele ti ac'ʌlel c'ʌchʌcña woli' tilel Winic ti chʌchʌc bʌ caballo. Tsa' wa'le ti' yojlil mirto te' ti' ti' ja'. Ya' ti' pat tsaj q'uele yambʌ caballo tac, chʌchʌc bʌ yic'ot sʌsʌc bʌ yic'ot yʌxmulan bʌ.

Numeros 24:4

Jiñʌch mu' bʌ c tsictesan cha'an tsac ñich'tʌbe i t'an Dios. Jiñʌch tsa' bʌ i pʌsbeyon jini Mach bʌ Anic i P'isol i P'ʌtʌlel.

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yángel lac Yum ti' ñajal. Jini ángel tsi' yʌlʌ: José i yalobilet bʌ David, mach ma' bʌc'ñan a pʌy María cha'an a wijñam, come jiñʌch Ch'ujul bʌ Espíritu tsa' bʌ i yʌq'ue i yalobil María mu' bʌ caj ti tsictiyel.

Mateo 2:19

Che' bʌ tsa' chʌmi Herodes, awilan ya' ti Egipto tsa' tsictiyi i yángel lac Yum ti' ñajal José.

Mateo 23:31

Woli la' bajñel contrajin la' bʌ ti la' t'an che' mi la' sub la' bʌ ti' yalobilob jini tsa' bʌ i tsʌnsayob x'alt'añob.

Mateo 23:34

Jini cha'an la' wilan, mi caj c chocbeñetla tilel x'alt'añob yic'ot winicob am bʌ cabʌl i ña'tʌbal, yic'ot sts'ijbayajob. Ojlil mi caj la' tsʌnsañob. Mi caj la' ch'ijob ti cruz. Ojlil mi caj la' jats'ob ti asiyal ti la' sinagoga. Mi caj la' tic'lañob ti cabʌl tejclum.

Mateo 23:37

¡Jerusalén, Jerusalén, jatet mu' bʌ a tsʌnsan x'alt'añob! ¡Ma' jul ti xajlel jini chocbilo' bʌ tilel ba' añetla! ¡Anix jayyajl com c tempan la' walobilob che' bajche' mi' luts' i yal jini ña' mut! ¡Pero mach la' womic!

Mateo 27:19

Che' ja'el, che' buchul Pilato ti meloñibʌl, i yijñam tsi' chocbe tilel t'an. Tsi' yʌlʌ: Mach yomic chuqui ma' tumben jini toj bʌ winic, come sajmʌl tsa cubi cabʌl wocol tic ñajal cha'an jini winic, che'en.

Lucas 1:11

Tsa' tsictiyi ti' wut Zacarías i yángel lac Yum, wa'al ti' ñoj ba'an i pulʌntib pom.

Lucas 1:22

Che' bʌ tsa' loq'ui tilel Zacarías, ma'anic tsa' mejli i pejcañob. Tsi' ña'tayob an chuqui tsi' q'uele Zacarías ti Templo ch'oyol bʌ ti panchan. Tsa' jach i pejcayob ti' c'ʌb. Tsa' cʌle ti x'uma'.

Lucas 20:6

Mi tsa' lac sube: “Ch'oyol ti winicob”, mi cho'onla, pejtelel winicob mi caj i julonla ti xajlel, come mi' ña'tañob ti isujm x'alt'añʌch jini Juan, che'ob.

Hechos 10:11

Tsi' q'uele calal jini panchan. Woli' jubel tilel che' bajche' colem pisil cʌchbil ti chʌmp'ejlel i xujc. Tsa' ju'sʌnti c'ʌlʌl ti lum.

Hechos 10:17

Che' woli' chʌn ña'tan Pedro chuqui i sujmlel jini tsa' bʌ ujti i q'uel, awilan, tsa' tiliyob jini winicob chocbilo' bʌ tilel i cha'an Cornelio. Tsi' c'ajtibeyob baqui an i yotot Simón. Tsa' c'otiyob ti' ti'.

Efesios 4:11

Tsi' yʌq'ueyob i ye'tel winicob: ñaxan apóstolob, wi'ilix x'alt'añob, yic'ot subt'añob, yic'ot xcʌntayajob, yic'ot xcʌntesajob.

Deuteronomio 18:15

Lac Yum Dios muq'uix i wa'chocon juntiquil X'alt'an loq'uem bʌ ti la' tojlel che' bajche' joñon. Mero la' pi'ʌl. Yom mi la' jac'ben i t'an.

Deuteronomio 18:18

Muq'uix caj c wa'chobeñob X'alt'an loq'uem bʌ ti' pi'ʌlob, lajal bajche' jatet. Muq'uix caj cʌq'uen i sub t'an. Mi caj i cha' sub pejtel chuqui mic suben.

Hebreos 1:1

Ti oñiyi Dios tsi' c'ʌñʌ jini x'alt'añob cha'an mi' pejcan lac ñojte'el. Cabʌl tsi' pejcayob ti chajp ti chajp che' bajche' yom ti jujunyajl.

Apocalipsis 11:10

Tijicñayob i pusic'al jini chumulo' bʌ ti pañimil ti' tojlelob. Mi' q'uextʌbeñob i bʌ i majtan, come ñucob i pusic'al cha'an tsa' jiliyob jini cha'tiquil, come tsi' tic'layob jini chumulo' bʌ ti pañimil.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

1 Samuel 28:6

Saúl tsi' pejca lac Yum, pero lac Yum ma'anic tsi' jac'be, mi ti' ñajalic, mi ti x'alt'añobic, mi ti Urimic (xajlel mu' bʌ i pejcan motomaj cha'an mi' ña'tan chuqui yom Dios).

1 Samuel 3:15

Ya' jach ñolol tsa' cʌle Samuel c'ʌlʌl tsa' sʌc'a pañimil. Che' jini tsa' ch'ojyi, tsi' jamʌ i yotot lac Yum. Pero woli ti bʌq'uen cha'an i t'an lac Yum. Mach yomic i suben Elí jini tsa' bʌ i sube lac Yum.

1 Samuel 3:21

Tsa' caji i cha' pʌs i bʌ lac Yum ya' ti Silo, come tsi' pejca Samuel. Tsi' yʌc'ʌ i bʌ ti cʌjñel ti' t'an.