Numeros 12:2 - Chol: I T’an Dios

² Tsa' caji i yʌlob: ¿Cojach ba mi' cha'len t'an lac Yum yic'ot Moisés? ¿Mach ba anic mi' c'ʌñonla ja'el? che'ob.

Chol de Tumbalá Bible

² Tsa' caji i yʌlob: ¿Cojach ba mi' cha'len t'an lac Yum yic'ot Moisés? ¿Mach ba anic mi' c'ʌñonla ja'el? che'ob.

Jiñi Tsiji' bʌ Wen T'añ cha'añ Estudio

² Tsi' yʌlʌyob: “¿Cojach ba ti' tojlel Moisés mi' mejlel i cha'len t'añ lac Yum? ¿Mach ba añic tsi' pejcayonla ja'el?” Ili wulwul t'añ tsi' yu'bi lac Yum.

Numeros 12:2 Iomraidhean Croise

Genesis 29:33

Tsi' cha' cʌnta i yalobil. Tsi' yila pañimil ch'iton bʌ i yalobil. Tsi' yʌlʌ: Come lac Yum tsi' q'uele mach c'uxbibilonic. Jini cha'an tsi' yʌq'ueyon yambʌ calobil, che'en. Tsi' yotsʌbe i c'aba Simeón, “Dios tsi' yubi”.

2 Samuel 11:27

Che' bʌ ujtemix i yorajlel uc'taya, David tsi' choco ti pʌyol cha'an mi' tilel ti' yotot. Tsa' ochi ti' yijñam. Tsi' yʌq'ue David i yalobil, pero lac Yum tsi' q'uele mach uts'atic chuqui tsi' mele David.

2 Reyob 19:4

Mi tsi' yubi a Yum Dios, tic'ʌl mi caj i jac'ben i t'an jini winic chocbil bʌ tilel cha'an i rey Asiria tsa' bʌ i p'aja jini cuxul bʌ Dios. Awocolic c'ajtiben a Yum ti oración cha'an mi' coltan jini winicob x'ixicob cuxulob to bʌ”. Che'ʌch yom ma' suben, che'en Ezequías. Che' tsi' yʌlʌyob jini suboñelob che' bʌ tsa' c'otiyob ba'an Isaías.

Exodo 4:14

Che' jini lac Yum tsi' mich'le Moisés. Tsi' yʌlʌ: ¿Mach ba a wʌscunic Aarón jini leví? Wen yujil t'an Aarón. Awilan tal i tajet. Che' mi' q'uelet mi caj i yubin i tijicñʌyel i pusic'al.

Exodo 4:30

Aarón tsi' laj subeyob che' bajche' lac Yum tsi sube Moisés. Moisés tsi' pʌsbeyob i yejtal tac i p'ʌtʌlel.

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Exodo 7:10

Tsa' majliyob Moisés yic'ot Aarón ba'an Faraón. Tsi' meleyob che' bajche' tsi' yʌlʌ lac Yum. Aarón tsi' choco i barate' ti' tojel Faraón ti' tojlel i winicob. Tsa' pʌntiyi ti lucum.

Proverbios 13:10

Isujm mi' tech leto jini mu' bʌ i chañ'esan i bʌ, pero jini weño' bʌ i pusic'al mi' yubiñob i toj'esʌntel.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Miqueas 6:4

Joñon tsac pʌyʌyet loq'uel ti' lumal Egipto, ya' ba' tsa' la' cha'le majtan e'tel. Joñon tsaj coltayetla. Tsac chocbeyetla tilel Moisés yic'ot Aarón, yic'ot Miriam i yijti'an. Tsi' pʌyʌyetla majlel.

Numeros 11:1

Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Numeros 11:29

Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Numeros 12:3

Lac Yum tsi' yubibeyob i t'an. Uts i pusic'al Moisés ñumen bajche' pejtelel winicob ti pañimil.

Numeros 16:3

Che' jini tsa' majliyob i pejcan Moisés yic'ot Aarón: Jasʌlix chuqui woli la' mel, che'ob. Come laj ch'ujulonla ti Israel. Junlajalonla. Baqui jach añonla ya'an lac Yum la quic'ot. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum cha'an mic yumañet lojon? che'ob.

Romanos 12:10

C'uxbin la' bʌ come la' pi'ʌl la' bʌ, i yijts'iñetla Cristo. Yom ñumen ñuc mi la' q'uel la' pi'ʌlob bajche' mi la' bajñel q'uel la' bʌ.

Romanos 12:3

Ti' yutslel i pusic'al Dios tsa' bʌ aq'uentiyon, mic subeñetla ti jujuntiquiletla: Mach a lon ña'tan ti a pusic'al ñumen an a ñuclel bajche' an. Ti' p'isol jach bajche' tsi' yʌq'ueyet a ñop Dios, ña'tan ti toj a ñuclel ti jujuntiquiletla.

Filipenses 2:14

Melela ti pejtelel la' pusic'al. Mach yomic mi la' cha'len wulwul t'an mi a'leya.

Filipenses 2:3

Mach yomic chuqui mi la' wis mel ti' tsʌytsʌyñʌyel la' pusic'al cha'an mi la' chañ'esan la' bʌ. Pero yom pec' mi la' mel la' bʌ. Yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ.

1 Pedro 5:5

Che' ja'el, ch'iton winicob, ac'ʌ la' bʌ ti' wenta ancianojob. Ti la' pejtelel chʌn mele la' bʌ ti pec' ti' tojlel la' pi'ʌlob, come Dios mi' contrajin jini mu' bʌ i chañ'esan i bʌ. Mi' yʌq'uen i yutslel i pusic'al jini mu' bʌ i peq'uesan i bʌ.