Numeros 12:16 - Chol: I T’an Dios

¹⁶ Che' jini tsi' cʌyʌyob Hazerot. Tsa' c'otiyob ti colem bʌ i tiquiñal pañimil i c'aba' Parán.

Chol de Tumbalá Bible

¹⁶ Che' jini tsi' cʌyʌyob Hazerot. Tsa' c'otiyob ti colem bʌ i tiquiñal pañimil i c'aba' Parán.

Jiñi Tsiji' bʌ Wen T'añ cha'añ Estudio

¹⁶ Ti wi'il jiñi tejclum tsa' majliyob ti Hazerot. Tsa' c'otiyob ti jijlel ya' ti colem bʌ i tiquiñal lum i c'aba' Parán.

Numeros 12:16 Iomraidhean Croise

Habacuc 3:3

Talix Dios. Woli' loq'uel ti Sinaí wits ba' tsi' yʌc'ʌ mandar. Woli' ñumel tilel ti colem bʌ i tiquiñal pañimil. Wen uts'atax Dios. Sʌcjaman jax panchan ti' sʌclel. Ti pejtelel pañimil woli' sujbel i ñuclel.

Numeros 10:12

Che' jini tsa' cajiyob ti xʌmbal majlel jini israelob ya' ti colem bʌ i tiquiñal pañimil i c'aba' Sinaí. Cha'p'ejl uxp'ejl q'uin tsa' jijliyob ya' ti bij. Tsa' wa'le jini Tocal ya' ti colem bʌ i tiquiñal pañimil i c'aba' Parán.

Numeros 11:35

Tsa' majliyob ti Hazerot. Ya' tsa' cʌleyob.

Numeros 12:15

Jini cha'an wucp'ejl q'uin tsa' chojqui loq'uel Miriam ti' tojlel i pi'ʌlob. Jini winicob x'ixicob tsi' pijtayob wucp'ejl q'uin. Ma'anic tsi' poj techeyob i xʌmbal jinto che' cha' ya'ix an yic'otob.

Numeros 13:1

Lac Yum tsi' sube Moisés: Choco majlel winicob cha'an mi' tsajiñob jini lum i c'aba' Canaán mu' bʌ caj cʌq'ueñob israelob. Choco majlel lajchʌntiquil yumʌlob loq'uemo' bʌ ti jini lajchʌnmojt i yalobilob Israel, che'en.

Numeros 13:26

Tsa' cha' c'otiyob ti Cades am bʌ ya' ti colem bʌ i tiquiñal pañimil i c'aba' Parán. Tsi' subeyob Moisés yic'ot Aarón yic'ot pejtelel israelob bajche' yilal i lumal Canaán. Tsi' pʌsbeyob ja'el i wut jini pʌc'ʌbʌl tsa' bʌ i tajayob.

Numeros 13:3

Jini cha'an tsi' chocoyob loq'uel ya' ti colem bʌ i tiquiñal pañimil i c'aba' Parán che' bajche' tsi' sube lac Yum. Pejtelel ili winicob añob i ye'tel ti' tojlel i pi'ʌlob jiñʌch i c'aba'ob: Samúa i yalobil Zacur, loq'uem bʌ ti Rubén; Safat i yalobil Hori, loq'uem bʌ ti Simeón; Caleb i yalobil Jefone, loq'uem bʌ ti Judá; Igal i yalobil José, loq'uem bʌ ti Isacar; Oseas i yalobil Nun, loq'uem bʌ ti Efraín; Palti i yalobil Rafú, loq'uem bʌ ti Benjamín; Gadiel i yalobil Sodi, loq'uem bʌ ti Zabulón; Gadi i yalobil Susi, loq'uem bʌ ti Manasés, i yalobil José; Amiel i yalobil Gemali, loq'uem bʌ ti Dan; Setur i yalobil Micael, loq'uem bʌ ti Aser; Nahbi i yalobil Vapsi, loq'uem bʌ ti Neftalí; Guel i yalobil Maqui, loq'uem bʌ ti Gad.

1 Samuel 25:1

Tsa' chʌmi Samuel. Tsi' tempayob i bʌ pejtelel israelob. Tsi' yuc'tayob. Tsi' mucuyob ya' ba'an i yotot ti Ramá. David tsa' majli ti' tiquiñal pañimil i c'aba' Parán.