Numeros 12:1 - Chol: I T’an Dios

¹ Awilan tsa' cajiyob ti wulwul a'leya Miriam yic'ot Aarón ti' contra Moisés cha'an tsi' pʌyʌ i yijñam ch'oyol bʌ ti Cus.

Chol de Tumbalá Bible

¹ Awilan tsa' cajiyob ti wulwul a'leya Miriam yic'ot Aarón ti' contra Moisés cha'an tsi' pʌyʌ i yijñam ch'oyol bʌ ti Cus.

Jiñi Tsiji' bʌ Wen T'añ cha'añ Estudio

¹ Awilan, María yic'ot Aarón tsi' cha'leyob wulwul t'añ ti' contra Moisés cha'añ tsi' pʌyʌ juntiquil xch'oc cha'añ i yijñam ch'oyol bʌ ti Cus.

Numeros 12:1 Iomraidhean Croise

Genesis 24:37

Jini c yum tsi' subeyon cha'an mic wersa aq'uen c t'an. Tsi' yʌlʌ: “Mach yomic ma' sʌclʌben i yijñam calobil ba'an cananeojob wʌ' ba' chumulon.

Genesis 27:46

Rebeca tsi' sube Isaac: Mach tijicñayonic cha'an jini x'ixicob ch'oyolo' bʌ ti Het. Mi tsi' pʌyʌ Jacob i yijñam ba'an i yalobilob Het yic'ot i yalobilob Canaán, ¿chuqui to que'tel mi chʌn cuxulon to? che'en.

Genesis 41:45

Faraón tsi' yotsʌbe yambʌ i c'aba' José am bʌ i sujmlel, “an i p'ʌtʌlel cha'an mi' yʌq'ueñonla laj cuxtʌlel”. Tsi' yʌq'ue i yijñam José, i c'aba' Asenat. Asenat i yalobilʌch Potifera. Potifera jiñʌch motomaj ya' ti On. Tsa' caji ti ñumel José ti pejtelel i lumal egiptojob.

Exodo 2:16

Ya' tsa' buchle ti' ti' pozo. An wuctiquil xch'oc bʌ i yalobilob jini motomaj ti Madián. Tsa' tiliyob ti luch ja' jini xch'ocob. Tsi' but'uyob i yajnib ja' cha'an mi' japob jini tiñʌme' i cha'an i tat.

Exodo 2:21

Moisés tsi' jac'ʌ majlel ya' ti' yotot Reuel. Ya'ix tsa' cʌle. Jini winic tsi' yʌq'ue Moisés xch'oc bʌ i yalobil i c'aba' Séfora cha'an i yijñam.

Exodo 34:16

Mach yomic mi la' c'ajtiñob xch'octaco' bʌ i yalobilob cha'an i yijñam la' walobilob che' mi' ch'ujutesañob i diosob, ame i xic'ob la' walobilob i cʌyoñob ja'el cha'an mi' ch'ujutesañob i diosob.

Levitico 21:14

Mach ma' pʌy meba' x'ixic, mi cʌybilix bʌ x'ixic, mi sts'i'lel bʌ x'ixic. Yom ma' pʌy xch'oc to bʌ a wijñam ti' tojlel a pi'ʌlob. Mach yomic che' xʌbʌl i ch'ich'el a walobilob yic'ot yambʌ colem bʌ tejclum”. Che'ʌch yom ma' suben, che'en lac Yum.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

Numeros 16:2

Tsa' caji i contrajiñob Moisés. Tsi' coltayob lujunc'al yic'ot lujuntiquil i yuxc'al (250) winicob, jini ñuc taco' bʌ i ye'tel ti' tojlel israelob, yajcʌbilo' bʌ cha'an mi' cʌntañob winicob.

Numeros 26:59

Amram tsi' pʌyʌ i yijñam i c'aba' Jocabed, xch'oc bʌ i yalobil Leví, tsa' bʌ i yila pañimil ti Egipto. Tsi' yʌc'ʌ ti pañimil Aarón yic'ot Moisés yic'ot i chich i c'aba' Miriam.

Mateo 10:36

Winicob mi caj i tajob i ts'a'lentel ti' tojlel i pi'ʌlob ti' yotot.

Mateo 12:48

Jesús tsi' sube jini tsa' bʌ ujti ti t'an: ¿Majqui c ña'? ¿Majqui quijts'iñob? che'en.

Juan 15:20

Ña'tanla jini t'an tsa' bʌ c subeyetla: “Jini mu' bʌ i melben i ye'tel i yum mach ñumen ñuquic bajche' i yum”. Mi tsi' tic'layoñob, mi caj i tic'lañetla ja'el. Mi tsi' jac'ʌyob c t'an, mi caj i jac'ob la' t'an ja'el.

Juan 7:5

Come i yijts'iñob ja'el ma'anic tsi' ñopoyob.

Gálatas 4:16

¿Tsa' ba ochiyon ti la' contra cha'an tsac subeyetla i sujmlel?