Numeros 11:4 - Chol: I T’an Dios

⁴ Jini egiptojob tsa' bʌ i pi'leyob tilel israelob tsa' caji i wo'wo' uc'tañob i chubʌ'an ti Egipto. Jini cha'an tsa' caji i melob i pusic'al ja'el jini israelob. Tsi' yʌlʌyob: ¿Bacan woli laj c'ux we'elʌl? Anic lac cha'an we'elʌl che' bajche' ti Egipto tijicñayonla wʌle.

Chol de Tumbalá Bible

⁴ Jini egiptojob tsa' bʌ i pi'leyob tilel israelob tsa' caji i wo'wo' uc'tañob i chubʌ'an ti Egipto. Jini cha'an tsa' caji i melob i pusic'al ja'el jini israelob. Tsi' yʌlʌyob: ¿Bacan woli laj c'ux we'elʌl? Anic lac cha'an we'elʌl che' bajche' ti Egipto tijicñayonla wʌle.

Jiñi Tsiji' bʌ Wen T'añ cha'añ Estudio

⁴ Jiñi wiñicob mach bʌ israelobic tsa' bʌ i xʌbʌyob i bʌ yic'otob, tsa' cajiyob ti wulwul t'añ cha'añ ti' caj jiñi wi'ñal, yic'ot jiñi israelob tsa' cajiyob ti wo'wo' uq'uel ja'el, tsi' yʌlʌyob: “¡Majqui mi caj i yʌq'ueñonla laj c'ux we'elʌl!

Numeros 11:4 Iomraidhean Croise

Nehemias 13:3

Che' bʌ tsi' yubiyob jini t'an jini israelob, tsi' chocoyob loq'uel pejtel jini mach bʌ i pi'ʌlobic.

Salmos 106:14

Tsi' wersa c'ajtibeyob Dios chuqui yomob i c'ux. Tsi' yilʌbeyob i pusic'al ya' ti jochol bʌ lum.

Exodo 12:38

Cabʌl yan tac bʌ winicob x'ixicob tsa' majliyob yic'otob, yic'ot tiñʌme' tac, yic'ot cabʌl wacax.

Exodo 16:3

Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Jeremias 42:14

mi tsa' la' wʌlʌ: “Wersa com lojon majlel ti chumtʌl ti Egipto ba' ma'anic guerra, ba' ma'anic i t'an trompeta mi wi'ñal”, mi che'etla,

Numeros 11:18

Subeñob jini winicob woliyo' bʌ ti wulwul t'an: Yom mi la' sʌq'uesan la' bʌ come ijc'ʌl mi caj la' c'ux we'elʌl, come tsa'ix la' cha'le uq'uel tic tojlel. Tsa' la' wʌlʌ: “Anic lac cha'an we'elʌl wʌle che' bajche' ti Egipto, tijiñayonla”, che'etla.

Numeros 14:1

Che' jini tsa' cajiyob ti c'am bʌ t'an yic'ot uq'uel. Jump'ejl ac'ʌlel c'ʌlʌl tsa' sʌc'a ma'anic tsa' ñʌjch'iyob ti uq'uel.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

Numeros 16:13

Tsa' pʌyʌyon lojon loq'uel ba' tijicñayon lojon ti Egipto. Jiñʌch wen bʌ lum ba' tsac japʌ lojon lech. Tsac mʌc'ʌ lojon chab. Tsa' pʌyʌyon lojon tilel ti chʌmel ila ti colem bʌ i tiquiñal pañimil. ¿C yumet ba lojon cha'an mic jac'beñet lojon a t'an?

Romanos 13:14

C'ajtibenla lac Yum Jesucristo cha'an uts'at mi la' wajñel. Mach yomic mi la' chʌn ña'tan chuqui yom la' tsucul pusic'al cha'an mi la' jac'ben i colosojlel.

1 Corintios 10:6

Che'ʌch tsa' ujti cha'an lac tic'ol cha'an ma'anic mi lac mulan jontolil che' bajche' tsi' mulayob.

1 Corintios 15:33

Mach yomic mi la' jac' la' lotintel. Jini jontolo' bʌ lac pi'ʌlob mi' bib'esañob lac pusic'al.

Deuteronomio 9:22

Tsa' la' cha' techbe i mich'ajel lac Yum ya' ti Tabera, yic'ot ti Masah, yic'ot ti Kibrot Hataava.