Numeros 11:29 - Chol: I T’an Dios

²⁹ Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Chol de Tumbalá Bible

²⁹ Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Jiñi Tsiji' bʌ Wen T'añ cha'añ Estudio

²⁹ Moisés tsi' jac'be: ¿Tsʌytsʌyña ba a pusic'al tic tojlel? Uts'atax caj laj x'alt'añobic i tejclum lac Yum, yic'ot muq'uic jax i yʌq'ueñtelob jiñi espíritu.

Numeros 11:29 Iomraidhean Croise

Joel 2:27

Mi caj la' ña'tan wʌ' añon ti' tojlel winicob x'ixicob ti Israel. Joñon jach la' Yumon la' Dioson. Ma'anix ba' ora mi caj la' chʌn tic'lʌntel.

Joel 3:1

Woli' chʌn sub lac Yum: Ti jini q'uin che' mic cha' aq'uen i wenlel año' bʌ ti Judá yic'ot ti Jerusalén,

Numeros 11:30

Che' jini Moisés yic'ot jini xñoxtacob ti Israel tsa' sujtiyob majlel jujuntiquil ti' yotot.

Lucas 10:2

Tsi' subeyob: Isujm, cabʌl jini c'ajbal pero ma'anic jaytiquil x'e'telob. Jini cha'an c'ajtibenla i yum c'ajbal cha'an mi' choc majlel x'e'telob ti c'ajbal.

Hechos 26:29

Pablo tsi' yʌlʌ: Uts'at mi ti junyajlel ma' ñop che' bajche'on. Mach cojic jach jatet, pero pejtelel mu' bʌ i yubiñob c t'an wʌle. Uts'at mi lajaletla quic'ot pero mach ti cadenajic, che'en Pablo.

1 Corintios 13:4

Jini yujil bʌ c'uxbiya jal mi' cuchben i mul yaño' bʌ, wen uts i pusic'al. Jini yujil bʌ c'uxbiya mach tsʌytsʌyñayic i pusic'al che' mi' q'uel i wenlel i pi'ʌlob. Ma'anic mi' sub i bʌ ti ñuc. Ma'anic mi' mel i bʌ ti chan ti' tojlel i pi'ʌlob.

1 Corintios 14:5

Uts'at mi ti pejteletla an la' c'ʌjñibal ti yan tac bʌ t'an. Pero ñumen uts'at mi la' cha'len subt'an ti la' bajñel t'an. Come lolom jach yan tac bʌ t'an mi ma'anic majch mi' ñusʌbeñob i sujmlel cha'an mi' xuc'chocobeñob i pusic'al xñopt'añob. Che' jini ñumen an i c'ʌjñibal jini mu' bʌ i cha'len subt'an bajche' jini mu' bʌ i cha'len t'an ti yan tac bʌ t'an.

1 Corintios 3:21

Jini cha'an mach yomix mi la' t'ox la' bʌ cha'an mi la' tsajcan winicob. Come la' cha'añʌch pejtelel chuqui tac an,

1 Corintios 3:3

Come woli to la' jac'ben i tsuculel la' pusic'al. Woli la' tsʌjyuben la' bʌ la' wenlel. Woliyetla ti leto. Woli la' t'ox la' bʌ ti t'an. Che' jini ¿mach ba wolic la' jac'ben i tsuculel la' pusic'al? ¿Mach ba lajalic woli la' cha'len che' bajche' i cha'año' bʌ pañimil?

Filipenses 2:3

Mach yomic chuqui mi la' wis mel ti' tsʌytsʌyñʌyel la' pusic'al cha'an mi la' chañ'esan la' bʌ. Pero yom pec' mi la' mel la' bʌ. Yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ.

Santiago 4:5

Ña'tanla isujm mi' subeñonla i Ts'ijbujel: “Dios tsi' chumchoco ti lac pusic'al jini Espíritu mu' bʌ i cʌntañonla ame sojquiconla”.

Santiago 5:9

Quermanojob, mach la' cha'len wulwul t'an ti' contra la' pi'ʌlob ame pʌjyiquetla cha'an mi la' mel la' bʌ. La' wilan wa'alix ti' ti' otot la Caj mel mulil.

1 Pedro 2:1

Jini cha'an cʌyʌla pejtelel la' jontolil yic'ot lotiya yic'ot i cha'chajplel la' pusic'al, yic'ot tsʌytsʌyña bʌ la' pusic'al cha'an i wenlel la' pi'ʌlob, yic'ot pejtelel u'yaj t'an.

1 Samuel 10:6

I yEspíritu lac Yum mi caj i tilel ti a tojlel yic'ot i p'ʌtʌlel. Mi caj a cha'len alt'an temel yic'otob. Mach chʌn lajalix mi caj a wajñel che' bajche' ti ñaxan.