Numeros 11:25 - Chol: I T’an Dios

²⁵ Lac Yum tsa' jubi tilel ti Tocal. Tsi' pejca Moisés. Tsi' ch'ʌmʌ jini Espíritu am bʌ ti' tojlel Moisés. Tsi' yʌq'ueyob ja'el jini lujuntiquil i chʌnc'al xñoxob. Che' bʌ tsa' tili i yEspíritu ti' tojlelob, tsa' cajiyob ti sub t'an. Jal tsi' chʌn cha'leyob.

Chol de Tumbalá Bible

²⁵ Lac Yum tsa' jubi tilel ti Tocal. Tsi' pejca Moisés. Tsi' ch'ʌmʌ jini Espíritu am bʌ ti' tojlel Moisés. Tsi' yʌq'ueyob ja'el jini lujuntiquil i chʌnc'al xñoxob. Che' bʌ tsa' tili i yEspíritu ti' tojlelob, tsa' cajiyob ti sub t'an. Jal tsi' chʌn cha'leyob.

Jiñi Tsiji' bʌ Wen T'añ cha'añ Estudio

²⁵ Che' jiñi lac Yum tsa' ju'bi tilel ti tocal, tsi' pejca Moisés. Tsi' ch'ʌmʌ jiñi espíritu am bʌ ti' tojlel Moisés, tsi' yʌq'ueyob jiñi lujuntiquil i chʌnc'al xñoxob. Che' bʌ tsa' ochi i yespíritu ti' tojlelob, tsa' cajiyob ti alt'añ; pero ma'añix tsi' chʌn cha'leyob majlel ti wi'il.

Numeros 11:25 Iomraidhean Croise

2 Reyob 2:15

Che' bʌ tsi' q'ueleyob jini ch'iton x'alt'añob ch'oyolo' bʌ ti Jericó, tsi' yʌlʌyob: Tsa'ix cʌybenti Eliseo i ch'ujlel Elías, che'ob. Tsa' c'oti i tajob. Tsi' ñocchocoyob i bʌ ti' tojlel.

Nehemias 9:20

Tsa' choco tilel uts'at bʌ a wEspíritu cha'an ma' cʌntesañob. Ma'anic tsa' cʌyʌ a chocbeñob tilel jini maná cha'an mi' c'uxob. Tsa' wʌq'ueyob ja' cha'an mi' japob che' tiquin i ti'.

Salmos 99:7

Ya' ti wa'al bʌ tocal tsi' cʌntesayob. Tsi' jac'beyob i t'an yic'ot jini mandar tsa' bʌ i yʌq'ueyob.

Exodo 32:32

Wʌle yom ma' ñusʌben i mul. Mi ma'anic, yʌpʌ j c'aba' ti jun ba' ts'ijbubil a cha'an, che'en.

Exodo 34:5

Lac Yum tsa' jubi tilel ti Tocal. Tsa' ajni ya'i yic'ot Moisés. Lac Yum tsi' yʌlʌ: Joñon Diosoñʌch, Yumʌloñʌch mu' bʌ c cha'len p'untaya, che'en.

Exodo 40:38

Come i Tocal lac Yum ya'an che' ti q'uiñil ya' ti otot. Jini c'ajc an ti Tocal che' ti ac'ʌlel cha'an mi' q'uelob pejtelel israelob baqui jach mi' majlelob.

Isaias 63:11

Ti' caj i wocol tsa' caji i cha' ña'tañob Moisés i winic Dios tsa' bʌ i pʌyʌ loq'uel c tat lojon ti Egipto. C'am tsa' caji i yʌlob: ¿Baqui an lac Yum tsa' bʌ i pʌyʌ ñumel ti colem ñajb jini israelob ti' c'ʌb Moisés che' bajche' xcʌnta tiñʌme'? ¿Baqui an Dios tsa' bʌ i choco tilel Ch'ujul bʌ i yEspíritu cha'an mi' yajñel yic'ot c tat lojon?

Ezequiel 8:11

Ya' wa'alob ti' tojel ts'ajc tsaj q'uele lujuntiquil i chʌnc'al (70) winicob año' bʌ i ye'tel ti Israel yic'ot Jaazanías (i yalobil Safán). Ti jujuntiquil chucbil i cha'an i yajñib pom ba' woli' letsel i buts'il.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 12:5

Lac Yum tsa' jubi tilel ti Tocal. Tsa' wa'le ti' ti' Tabernáculo. Tsi' pʌyʌ Aarón yic'ot Miriam. Tsi' lʌc'tesayob i bʌ ti' cha'ticlel.

Numeros 16:25

Che' jini Moisés tsa' majli ba' an Datán yic'ot Abiram. Jini xñoxob ti Israel tsa' caji i tsʌcleñob majlel.

Numeros 24:2

Che' bʌ tsi' can q'uele pañimil, tsi' q'uele israelob ti mojt ti mojt ya' ba' chumulob ti joctʌl. I yEspíritu lac Yum tsa' c'oti ba'an Balaam. Tsi' yʌc'ʌ ti t'an:

Numeros 27:18

Lac Yum tsi' sube Moisés: Pʌyʌ Josué (i yalobil Nun), jini am bʌ i cha'an quEspíritu ti' pusic'al. Ac'ʌ a c'ʌb ti' jol.

Hechos 11:28

Tsa' wa'le juntiquil i c'aba' Agabo. Ti' p'ʌtʌlel jini Espíritu tsi' subeyob tal wi'ñal ti pejtelel pañimil. Jini wi'ñal tsa' caji che' ochemix Claudio ti' ye'tel.

1 Corintios 14:32

Jini aq'uebil bʌ jump'ejl t'an ti Dios mi mejlel i yujtesan i sub, o mi mejlel i poj cʌy cha'an mi' sub yambʌ.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

2 Pedro 1:21

Come c'ʌlʌl ti' cajibal ma'anic tsi' bajñel cha'leyob t'an winicob ti' bajñel pusic'al, pero jini ch'ujul bʌ winicob ñijcʌbilo' bʌ i cha'an Ch'ujul bʌ Espíritu tsi' cha' subuyob chuqui tsi' yubiyob ti Dios.

Juezob 3:10

I yEspíritu lac Yum tsi' yʌq'ue i p'ʌtʌlel cha'an mi' coltan Israel. Tsa' loq'ui majlel ti guerra. Lac Yum tsi' yʌq'ue i jisan Cusan Risataim jini i rey Siria. Otoniel tsi' mʌlbe jini Cusan Risataim.

1 Samuel 10:10

Che' bʌ wolix i c'otelob ya' ti bujtʌl, awilan tsa' tili i tajob junmojt x'alt'añob. Che' jini i yEspíritu Dios tsa' tili yic'ot i p'ʌtʌlel ti' tojlel. Tsa' caji ti alt'an temel yic'otob.