Numeros 11:23 - Chol: I T’an Dios

²³ Lac Yum tsi' sube Moisés: ¿Tsa'ix ba jili c p'ʌtʌlel? Mu' to a q'uel mi ma'anic mi' ts'ʌctiyel c t'an, che'en lac Yum Dios.

Chol de Tumbalá Bible

²³ Lac Yum tsi' sube Moisés: ¿Tsa'ix ba jili c p'ʌtʌlel? Mu' to a q'uel mi ma'anic mi' ts'ʌctiyel c t'an, che'en lac Yum Dios.

Jiñi Tsiji' bʌ Wen T'añ cha'añ Estudio

²³ Jiñi cha'añ lac Yum tsi' jac'be Moisés: —¿Tsa'ix ba jili c p'ʌtʌlel? Mu' to caj a q'uel mi ma'añic mi' ts'ʌctiyel c t'añ.

Numeros 11:23 Iomraidhean Croise

Genesis 18:14

¿Mach ba mejlic c mel pejtel chuqui tac wocol? Cha' talon che' i yorajlelix mic ts'ʌctesan c t'an. Mi caj i yilan pañimil i yalobil Sara, che'en.

2 Reyob 4:43

Giezi tsi' yʌlʌ: ¿Bajche' mi caj i jastʌyel cha'an mi' c'uxob jo'c'al winicob? che'en. Eliseo tsi' cha' alʌ: Aq'ueñob cha'an mi' c'uxob, come lac Yum tsi' yʌlʌ: “Mi caj i c'uxob ti' pejtelelob. Mi caj i colobajel”, che'en lac Yum. Che' tsi' yʌlʌ Eliseo.

2 Reyob 7:2

Juntiquil am bʌ i ye'tel mu' bʌ i coltan jini rey tsi' sube i winic Dios: A lot. Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic, che'en. Eliseo tsi' sube: Mu'to caj a q'uel che' mi' yujtel, pero jatet ma'anic mi caj a c'ux, che'en.

Salmos 78:41

Cabʌl tsi' yilʌbeyob i pusic'al Dios. Tsi' techbeyob i mich'ajel jini Ch'ujul Bʌ i Dios Israel.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Isaias 59:1

Ma'anic woli ti jilel i p'ʌtʌlel lac Yum. Wen yujil i coltañetla. Mi' yubiñetla che' mi la' pejcan.

Jeremias 14:9

¿Chucoch ma' tʌts' a bʌ che' bajche' winic mach bʌ yujilic coltaya, che' bajche' laj contra mach bʌ mejlic i coltañonla? Pero wʌ' añet tic tojlel lojon, c Yum. A cʌñʌyonix lojon, a winicon lojon. Mach a cʌyon lojon.

Jeremias 32:17

Obol c bʌ, c Yum Dios. Awilan a melbalʌch panchan yic'ot pañimil. Tsa' mele ti a c'ʌb ti ñuc bʌ a p'ʌtʌlel. Ma'anic ti pañimil chuqui wocol ti melol a cha'an.

Jeremias 32:27

P'isi ti a wenta, joñon a Yumon, i Dioson pejtelel winicob x'ixicob. ¿Am ba chuqui wocol mic mel?

Ezequiel 12:25

Come Yumʌlon. Pejtelel chuqui mic sub mi' caj ti ts'ʌctiyel. Mach jalix mi caj i yujtel, come wersa mi' yujtel che' cuxulet to la. Ti' caj la' jontolil mi caj i tilel jini wocol ti la' tojlel”, che'en lac Yum Dios.

Ezequiel 24:14

La' Yumon. Tsa cʌc'ʌ c t'an. Pejtelel chuqui tsa cʌlʌ mi caj c mel. Ma'anic mi caj c p'untañet. Mi caj c sutq'uibeñet a jontolil. Mi caj a lu' toj”, che'en lac Yum Dios.

Daniel 6:20

Che' lʌc'ʌlix an ya' ti' ti' ch'en, wen ch'ijiyem i pusic'al tsi' yota Daniel: Daniel, i yaj e'telet bʌ jini Cuxul bʌ Dios, ¿tsa' ba mejli i coltañet a Dios cha'an xuc'ul wola' wajñel ti' tojlel? ¿Tsa' ba mejli i coltañet cha'an ma'anic mi' tsʌnsañet jini bajlum? che'en.

Miqueas 2:7

I yalobiletla Jacob. ¿Yom ba mi la' tic'ben i yEspíritu lac Yum? ¿Yom ba mi' pejcañetla ti tsʌts bʌ t'an? Mach yomic. An cabʌl i c'ʌjñibal c t'an ti' tojlel jini mu' bʌ i jac'ob i toj'esʌntel.

Numeros 11:22

Mi tsa' lac tsʌnsa pejtelel la cʌlac', pejtelel jini tiñʌme' yic'ot wacax, ¿jasʌl ba jini? Mi tsi' laj much'qui i bʌ jini chʌy am bʌ ti colem ñajb, ¿mejl ba lac chuc cha'an mi' c'uxob? che'en Moisés.

Numeros 23:19

mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Mateo 19:26

Jesús tsi' q'ueleyob. Tsi' subeyob: Mach mejlicob winicob pero Dios mi mejlel i mel ti pejtelel, che'en.

Mateo 24:35

Mi' caj ti jilel pañimil yic'ot panchan pero mach jilic c t'an.

Lucas 1:37

Come ma'anic chuqui mach mejlic i mel Dios. Che' tsi' yʌlʌ jini ángel.