Numeros 11:20 - Chol: I T’an Dios

²⁰ Jump'ejl uw mi caj la' c'ux jinto che' muq'uix la' cha' bi'len. Mi caj la' xejtan. Mi caj i loq'uel ti la' ñi'. Come tsa'ix la' ts'a'leyon. Tsa' la' wuc'ta Egipto tic tojlel, che'en lac Yum.

Chol de Tumbalá Bible

²⁰ Jump'ejl uw mi caj la' c'ux jinto che' muq'uix la' cha' bi'len. Mi caj la' xejtan. Mi caj i loq'uel ti la' ñi'. Come tsa'ix la' ts'a'leyon. Tsa' la' wuc'ta Egipto tic tojlel, che'en lac Yum.

Jiñi Tsiji' bʌ Wen T'añ cha'añ Estudio

²⁰ ti' jump'ejlel uw mi caj la' c'ux jinto che' muq'uix la' cha' bi'len, yic'ot che' mach la womix la' chʌn q'uel, come tsa' la' ts'a'leyon che' bʌ ya'añon ti ojlil la' wic'ot, tsa' la' cha'le uq'uel, tsa' la' wʌlʌ: ¿Chucoch tsa' loq'uiyonla tilel ti Egipto?

Numeros 11:20 Iomraidhean Croise

2 Samuel 12:10

Jini cha'an mi caj i chʌn ujtel guerra ti a tojlel ti pejtelel ora, come tsa' ts'a'leyon. Tsa' pʌybe i yijñam Urías”, che'en lac Yum.

Salmos 106:15

Dios tsi' yʌq'ueyob chuqui tsi' c'ajtibeyob, Pero tsi' chocbeyob tilel i c'amʌjel tsa' bʌ i jisayob.

Exodo 16:13

Che' ti ic'ajel tsa' tili wen cabʌl xculucap ti pejtelel xchumtʌl. Che' ti sʌc'ajel an ye'eb ti lum ya' ti' joytilel.

Exodo 16:3

Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Exodo 16:8

Moisés tsi' cha' alʌ: Lac Yum mi caj i yʌq'ueñetla la c'ux we'elʌl ti ic'ajel. Mi caj i yʌq'ueñetla waj che' ti sʌc'ajel che' bajche' c'amel la' wom. Che' jini mi caj la' ña'tan lac Yum tsi' yubi che' bʌ tsa' la' cha'le wulwul t'an ti' contra. Woli la' contrajin Dios che' mi la' contrajiñon lojon, che'en.

Proverbios 27:7

Jini ñajix bʌ mach yomic i q'uel chab, pero jini am bʌ i wi'ñal tsaj mi' yubin pejtel i bʌl i ñʌc' yic'ot ja'el jini ch'aj bʌ.

Malaquias 1:6

Jini ch'iton mi' q'uel ti ñuc i tat. Jini x'e'tel mi' q'uel ti ñuc i yum. Ubinla motomajob, la' taton. ¿Chucoch ma'anic mi la' c'uxbiñon? La' Yumon. ¿Chucoch ma'anic mi la' q'uelon ti ñuc? che'en i Yum Panchan yic'ot Pañimil. Mi la' lon al: “¿Bajche' tsac ts'a'lebeyet a c'aba'?” che'etla.

Numeros 11:13

¿Baqui mi caj c taj we'elʌl cha'an mi cʌq'uen pejtelel ili winicob? Come woliyobix ti uq'uel tic tojlel. Woli' yʌlob: “Aq'ueñon lojon we'elʌl cha'an mij c'ux lojon”, che'ob.

Numeros 11:19

Jini cha'an mi caj cʌq'ueñetla we'elʌl cha'an mi la' c'ux, mach cha'anic cha'p'ejl q'uin, mi jo'p'ejl q'uin, mi lujump'ejl q'uin mi junc'al q'uin.

Numeros 11:21

Che' jini Moisés tsi' yʌlʌ: ¿Bajche' mi caj i yujtel iliyi? Wʌ'an lujunc'al i chabajc' mil (600,000) winicob. (Mach tsicbilobic jini x'ixicob yic'ot i yalobilob.) Pero jatet woli a wʌl mi caj i c'uxob we'elʌl.

Numeros 14:3

¿Chucoch woli' pʌyon lojon majlel lac Yum ti jini lum ba' tsajniyob lac pi'ʌlob? Mux i jisañonla ti espada. Mux i pʌybeñon lojon quijñam, yic'ot calobil lojon cha'an mi' yotsañob ti mozo e'tel. ¿Mach ba yomic mij coltan lojon c bʌ? La' sujticon lojon ti Egipto, che'ob.

Numeros 14:4

Ti jujump'ejl otot tsa' caji i pejcañob i bʌ: La' lac yajcan juntiquil lac yum cha'an mi lac cha' sujtel ti Egipto, che'ob.

Numeros 16:13

Tsa' pʌyʌyon lojon loq'uel ba' tijicñayon lojon ti Egipto. Jiñʌch wen bʌ lum ba' tsac japʌ lojon lech. Tsac mʌc'ʌ lojon chab. Tsa' pʌyʌyon lojon tilel ti chʌmel ila ti colem bʌ i tiquiñal pañimil. ¿C yumet ba lojon cha'an mic jac'beñet lojon a t'an?

Numeros 20:4

¿Chucoch tsa' lon pʌyʌyon lojon tilel ila ti' tiquiñal pañimil cha'an ma' wʌc'on lojon ti chʌmel temel yic'ot cʌlac' lojon?

Numeros 21:5

Tsa' cajiyob ti wulwul t'an ti' contra Dios yic'ot ti' contra Moisés: ¿Chucoch tsa' lon pʌyʌyon lojon loq'uel ti Egipto cha'an mic chʌmel lojon ila ti' tiquiñal pañimil? Come ilayi ma'anic baqui mi lac taj waj yic'ot ja'. Tsa'ix c'ojyi j c'ux lojon jini maná, come mach p'ʌtʌlic tic ñʌc' lojon, che'ob.

Hechos 13:41

Mi' yʌl: “Q'uelela sts'a'leyajet bʌ la. La' toj sajtic la' pusic'al. La' jiliquetla. Come joñon wolic mel junchajp e'tel ti a wut, mach bʌ anic mi caj la' ñop anquese an majqui mi' subeñetla”. Che' ts'ijbubil, che'en Pablo.

1 Tesalonicenses 4:8

Jini cha'an, majqui jach mi' ñusan ili mandar mach winiquic woli' ts'a'len. Woli' ts'a'len Dios mu' bʌ i yʌq'ueñonla Ch'ujul bʌ Espíritu.

Josue 24:27

Josué tsi' subeyob ti pejtelelob: Testigojʌch ili xajlel, come wʌ'ʌch tsa' tsictiyi ba'an ili xajlel pejtelel tsa' bʌ i subeyonla lac Yum. Mi tsa' la' cʌyʌ lac Dios, jini xajlel mi caj i tsictesan ti la' tojlel, che'en.

1 Samuel 10:19

Pero jatetla wolix la' cʌyon anquese tsaj coltayetla loq'uel ti pejtelel la' wocol, ti pejtelel la' ch'ijiyemlel. Wolix la' wʌl: Mach chʌn comix c yuman lojon Dios. Wa'chocobeñon lojon c rey wʌle, che'etla. Jini cha'an yom mi la' wa'tʌl tic tojlel ti mojt ti mojt”, che'en lac Yum. Che' tsi' yʌlʌ Samuel.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.