Numeros 11:2 - Chol: I T’an Dios

² Jini woliyobix bʌ i yubiñob wocol tsa' caji i pʌyob Moisés ti c'am bʌ t'an cha'an mi' coltañob. Tsa' caji ti oración Moisés. Che' jini tsa' yajpi jini c'ajc.

Chol de Tumbalá Bible

² Jini woliyobix bʌ i yubiñob wocol tsa' caji i pʌyob Moisés ti c'am bʌ t'an cha'an mi' coltañob. Tsa' caji ti oración Moisés. Che' jini tsa' yajpi jini c'ajc.

Jiñi Tsiji' bʌ Wen T'añ cha'añ Estudio

² Jiñi israelob tsi' cha'leyob wocol t'añ ti' tojlel Moisés. Jiñi Moisés tsi' pejca lac Yum, che' jiñi tsa' yajpi jiñi c'ajc.

Numeros 11:2 Iomraidhean Croise

Salmos 106:23

Dios tsi' sube Moisés mi caj i jisañob. Machic tsi' mʌcta Moisés tsa' laj jiliyob. Pero ya' ti' tojel i wut Dios tsa' wa'le Moisés jini yajcʌbil bʌ i cha'an, cha'an mi' mʌctʌben i mich'ajel.

Exodo 10:18

Jini cha'an tsa' loq'uiyob ti' tojlel Faraón. Moisés tsi' c'ajtibe lac Yum che' bajche' yom Faraón.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Jeremias 15:1

Lac Yum tsi' subeyon: Mach uts'atic mi caj c pʌs c bʌ ti' tojlel ili winicob. Muq'uic i xin otsañob i bʌ Moisés yic'ot Samuel cha'an mi' c'ajtibeñoñob wocol t'an, ma'anic mic jac'beñob. Chocoyob loq'uel tic tojlel. Subeñob majlel.

Jeremias 37:3

Jini rey Sedequías tsi' choco tilel Jehucal (i yalobil Selemías) yic'ot jini motomaj Sofonías (i yalobil Maasías). Tsi' subeyob Jeremías: A wocolic c'ajtibeñon lojon j coltʌntel ti Dios, che'ob.

Jeremias 42:2

Tsi' subeyob: Ubiñon lojon, cha'an wolij c'ajtibeñet ti wocol t'an, pejcan a Yum Dios cha'an mi' coltañon lojon, come ma'anix jaytiquilon lojon che' bajche' wola' q'uel.

Numeros 12:11

Ti wocol t'an tsi' sube Moisés: A wocolic c yum, mach a wʌq'ueñon lojon c toj ili mulil, come tontojon lojon.

Numeros 12:13

Che' jini Moisés tsi' pejca lac Yum Dios ti wocol t'an: C Yum Dios, mic subeñet, a wocolic, cha' lajmesan jini c chich, che'en.

Numeros 21:7

Tsa' tiliyob winicob ba'an Moisés cha'an mi' subeñob: Isujm tsa'ix c taja lojon c mul. Tsac cha'le lojon t'an ti' contra lac Yum yic'ot ti a contra. Jini cha'an a wocolic c'ajtiben lac Yum cha'an mi' cha' loc'san ili lucum tic tojlel lojon, che'ob. Jini cha'an Moisés tsa' caji i pejcan lac Yum.

Hechos 8:24

Simón tsi' jac'ʌ: C'ajtiben lac Yum cha'an ma'anic mi' wis tajon jini tsa' bʌ a wʌlʌ, che'en.

Hebreos 7:26

Jesús jiñʌch c'ax ñuc bʌ la caj motomaj che' bajche' yom lac cha'an. Come ch'ujulʌch, ma'anic i jontolil, sʌc i pusic'al, mach xmulilic. Tsa'ix aq'uenti i ñuclel ti panchan.

Santiago 5:16

Subu la' bʌ che' an la' mul ti' tojlel la' pi'ʌlob. Taja la' bʌ ti oración cha'an mi la' lajmesʌntel. An cabʌl i c'ʌjñibal i yoración jini tojo' bʌ. Cabʌlʌch i p'ʌtʌlel.

1 Juan 5:16

Mi an majch mi' q'uel i yermano che' woli' taj i mul mach bʌ anic mi' yʌc' ti chʌmel, la i c'ajtiben Dios cha'an mi' ñusʌbentel i mul i yermano. Dios mi caj i yʌq'uen i cuxtʌlel jini am bʌ i mul mach bʌ anic mi' yʌc' ti chʌmel. An mulil mu' bʌ i yʌc'onla ti chʌmel. Ma'anic wolic subeñetla mi yom mi la' cha'len oración cha'an mi' ñusʌbentel.