Numeros 11:12 - Chol: I T’an Dios

¹² ¿Calobilob ba? ¿I taton ba? ¿Chucoch mic wersa cʌntañob che' bajche' alʌlob, che' lajal bajche' x'ixic mi' mec' majlel i yalobil cha'an mi' tsu'san? Che'ʌch wolic pʌyob majlel ti jini lum ba' mi caj a wʌq'ueñon lojon che' bajche' tsa' wʌn subeyob c ñojte'el lojon.

Chol de Tumbalá Bible

¹² ¿Calobilob ba? ¿I taton ba? ¿Chucoch mic wersa cʌntañob che' bajche' alʌlob, che' lajal bajche' x'ixic mi' mec' majlel i yalobil cha'an mi' tsu'san? Che'ʌch wolic pʌyob majlel ti jini lum ba' mi caj a wʌq'ueñon lojon che' bajche' tsa' wʌn subeyob c ñojte'el lojon.

Jiñi Tsiji' bʌ Wen T'añ cha'añ Estudio

¹² ¿Calobilob ba ti' pejtelel ili tejclum? ¿I taton ba, cha'añ ma' su'beñon: “Pʌyʌyob majlel ti a t'ejl cha'añ ma' cʌntañob che' bajche' x'ixic mu' bʌ i mec' majlel i yalobil cha'añ mi' tsu'san c'ʌlʌl ti jiñi lum tsa' bʌ a wʌn su'beyob c ñojte'el lojon cha'añ ma' wʌq'ueñob”?

Numeros 11:12 Iomraidhean Croise

Genesis 13:15

Come mi caj cʌq'ueñet pejtel jini lum woli bʌ a q'uel. Mi caj cʌq'ueñob a p'olbal ti pejtelel ora.

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

2 Reyob 10:1

Ya' ti Samaria an lujuntiquil i chʌnc'al (70) i yalobilob jini rey Acab. Jini cha'an Jehú tsi' ts'ijbubeyob majlel carta jini año' bʌ i ye'tel ya' ti Jezreel yic'ot jini año' bʌ ti' wenta cha'an mi' cosañob i yalobilob Acab ya' ti Samaria. Tsi' yʌlʌ ti jun:

2 Reyob 10:5

Jini xq'uel e'telob ti' yotot rey, yic'ot jini yumʌl ti Samaria yic'ot jini año' bʌ i ye'tel, yic'ot jini año' bʌ ti' wenta cha'an mi' cosañob i yalobilob Acab, tsi' chocoyob majlel winicob cha'an mi' subeñob Jehú: A winicon lojon. Muc'ʌch c mel lojon pejtel chuqui ma' subeñon lojon. Mach comic c bajñel wa'chocon lojon c rey. Cha'len yumʌl jatet, mu'to c yumañet lojon, che'ob.

Exodo 13:11

Lac Yum mi caj i pʌyetla ochel ti' lumal cananeojob che' bajche' tsi' subeyetla yic'ot la' tat. Che' mi' yʌq'ueñetla jini lum,

Exodo 13:5

Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 33:1

Lac Yum tsi' sube Moisés: Cucu, letsen ilayi, jatet yic'ot ili tejclum tsa' bʌ a loc'sa ti' lumal Egipto. Cucu ba'an jini lum tsa' bʌ c wʌn sube Abraham yic'ot Isaac yic'ot Jacob che' tsac subeyob: “Mi caj cʌq'uen la' p'olbal jini lum”, cho'on.

Exodo 6:8

Mi caj c pʌyetla ochel ti jini lum tsa' bʌ cʌq'ueyob Abraham yic'ot Isaac yic'ot Jacob che' bajche' tsac subeyob. Mi caj cʌq'ueñetla come la' Yumon”. Che' yom ma' subeñob, che'en lac Yum.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Isaias 49:15

Pero mach isujmic. ¿Mu' ba ñajʌyel i cha'an x'ixic i yalobil? ¿Mu' ba i cʌy i c'uxbin i yalobil tsa' bʌ i yʌc'ʌ ti pañimil? Añʌch mu' bʌ i cʌy mu' bʌ i ñajʌyel i cha'an. Pero joñon mach che'icon. Mach ñajʌyiyetic c cha'an.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Ezequiel 34:23

Mi caj cʌc'ob ti' wenta juntiquil Xcʌntaya mu' bʌ caj i cʌntan c tejclum. Jiñʌch jini c Winic David. Mi caj i cʌntañob che' bajche' Xcʌnta tiñʌme'.

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

1 Corintios 4:15

Anic la' cha'an lujump'ejl mil xcʌntesajob ti Cristo, juntiquil jach la' tat. Come ti Cristo Jesús joñon tsac techeyetla ti jini wen t'an.

Gálatas 4:19

Calobilob, che' bajche' x'ixic woli bʌ ti bajq'uel, che'ʌch wolic cha' ubin wocol cha'añetla jinto mi' tsictiyel Cristo ti la' pusic'al.

Deuteronomio 1:31

Belel q'uin tsa'ix la' q'uele i yutsel i pusic'al lac Yum tsa'ix bʌ i pʌyʌyetla tilel. Che' bajche' winic mi' coltan i yalobil lac Yum tsi' coltayetla tilel ti pejtelel jini bij tsa' bʌ la' xʌñʌ, cho'on tsac subeyetla.

1 Tesalonicenses 2:7

Pero uts tsa' ajniyon lojon ti la' tojlel che' bajche' x'ixic mu' bʌ i c'uxbin i yalobilob.