Numeros 11:1 - Chol: I T’an Dios

¹ Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Chol de Tumbalá Bible

¹ Jini winicob tsa' cajiyob ti wʌlwʌl a'leya ti' tojlel lac Yum cha'an mach tijicñayobic. Lac Yum tsi' yubibeyob i t'an. Tsa' wen mich'a. Tsi' choco jubel c'ajc. Tsa' caji i jisañob ya' ti junwejl i lum.

Jiñi Tsiji' bʌ Wen T'añ cha'añ Estudio

¹ Jiñi wiñicob tsa' cajiyob ti wulwul a'leya ti' tojlel lac Yum; tsi' yu'bi lac Yum, tsa' wen mich'a. Tsi' choco ju'bel c'ajc, tsa' puli lamital ya' ba' chumulob.

Numeros 11:1 Iomraidhean Croise

Genesis 38:10

Tsi' q'uele lac Yum jontol chuqui tsi' cha'le. Lac Yum tsi' tsʌnsa ja'el.

2 Samuel 11:27

Che' bʌ ujtemix i yorajlel uc'taya, David tsi' choco ti pʌyol cha'an mi' tilel ti' yotot. Tsa' ochi ti' yijñam. Tsi' yʌq'ue David i yalobil, pero lac Yum tsi' q'uele mach uts'atic chuqui tsi' mele David.

2 Reyob 1:12

Elías tsi' yʌlʌ: Mi x'e'telon i cha'an Dios, la' loq'uic c'ajc ti panchan cha'an mi' jisañetla, che'en. Ti ora tsa' loq'ui tilel chajc. Dios tsi' laj jisayob.

Job 1:16

Che' bʌ woli to ti t'an tsa' tili yambʌ winic tsa' bʌ i yʌlʌ: Tsa' tojmi chajc ti lum chocbil tilel ti Dios. Tsi' lu' pulu jini tiñʌme' yic'ot a winicob woli bʌ i cʌntañob. Joñon jach tsa' mejliyon ti puts'el. Tsa' tili c subeñet, che'en.

Salmos 106:18

Tsa' lejmi c'ajc ti' tojlel. Tsi' pulu jini jontolo' bʌ.

Salmos 78:21

Jini cha'an tsa' mich'a lac Yum che' bʌ tsi' yubi iliyi. Tsi' ña'ta wersa mi caj i toj i mul Israel. Cabʌl tsa' mich'a lac Yum.

Salmos 78:63

Jini ch'iton bʌ winicob tsa' chʌmiyob ti c'ajc. Ma'anic tsi' cha'leyob ñujpuñijel jini xch'ocob.

Exodo 16:7

Che' ti sʌc'ajel mi caj la' q'uel i ñuclel lac Yum, come tsi' yubi che' woliyetla ti wulwul t'an ti' contra. ¿Chuqui c mul lojon? ¿Chucoch woliyetla ti wulwul t'an tij contra lojon? che'en Moisés.

Exodo 16:9

Moisés tsi' sube Aarón: Subeñob pejtel israelob che' tempʌbilob ti junmojt: “Ñochtanla lac Yum come tsi' yubi che' bʌ tsa' la' cha'le wulwul t'an”. Che' yom ma' subeñob, che'en.

Isaias 10:17

Jini Ch'ujul Bʌ ti Israel mu' bʌ i yʌq'ueñob i sʌclel israelob jiñʌch i nich c'ajc mu' bʌ caj i pul jini asiriajob. Ti jump'ejl jach q'uin mi caj i pulob che' bajche' ch'ixol yic'ot stsajatuñol.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Isaias 33:14

Mi' toj sajtelob i pusic'al jini xmulilob ti Jerusalén. Tsiltsilñayob ti bʌq'uen jini tilel bixel bʌ i pusic'alob. Mi' yʌlob: “¿Majqui mi mejlel i cuch jini c'ajc yujil bʌ jisaya? ¿Majqui mi mejlel i ñusan jini c'ajc mach bʌ yujilic yajpel?” che'ob.

Lamentaciones 3:39

¿Chucoch tilebixel i pusic'al winicob? La' i cha'len uq'uel jujuntiquil cha'an ti' caj i mul.

Levitico 10:2

Jini cha'an tsa' loq'ui tilel c'ajc ba'an lac Yum cha'an mi' jisañob. Che' jini tsa' chʌmiyob ti' tojlel lac Yum.

Nahum 1:5

Mi' ñijcʌyel wits ti' tojlel lac Yum. Mi' jejmel jini bujtʌl tac. Mi' yujquel lum ti' tojlel. Mi' jilelob winicob x'ixicob ti pejtelel pañimil.

Habacuc 3:5

Mi' choc majlel i t'an cha'an mi' c'am'an winicob. Mi' chʌmelob ti c'ajc.

Numeros 10:33

Tsi' cʌyʌyob jini wits i c'aba' Sinaí, jiñʌch i wits lac Yum. Uxp'ejl q'uin tsi' tsʌcleyob majlel jini Arca tsa' bʌ majli ti ñaxan cha'an mi' yajcʌbeñob lum ba' mi' c'ajob i yo.

Numeros 11:18

Subeñob jini winicob woliyo' bʌ ti wulwul t'an: Yom mi la' sʌq'uesan la' bʌ come ijc'ʌl mi caj la' c'ux we'elʌl, come tsa'ix la' cha'le uq'uel tic tojlel. Tsa' la' wʌlʌ: “Anic lac cha'an we'elʌl wʌle che' bajche' ti Egipto, tijiñayonla”, che'etla.

Numeros 12:2

Tsa' caji i yʌlob: ¿Cojach ba mi' cha'len t'an lac Yum yic'ot Moisés? ¿Mach ba anic mi' c'ʌñonla ja'el? che'ob.

Numeros 14:2

Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

Numeros 14:28

Subeñob: “Cha'lenla bʌq'uen come cuxulon, che'en lac Yum. Che' lajal bajche' tsa' la' wʌc'ʌ la' t'an cha'an mi la' contrajiñon, che'ʌch mi caj contrajiñetla.

Numeros 16:11

Come wolix la' tempan la' bʌ jatetla yic'ot jini woli bʌ i tsajcañetla cha'an mi la' contrajin lac Yum Dios. ¿Majqui jini Aarón? Ma'anic woli la' contrajin Aarón i winic Dios, pero jiñʌch Dios woli bʌ la' contrajin. Che' tsi' yʌlʌ Moisés.

Numeros 16:35

Lac Yum tsi' choco jubel c'ajc ja'el ba' añob jini lujunc'al yic'ot lujuntiquil i yuxc'al (250) winicob woli bʌ i pulob pom. Tsi' laj jisayob.

Numeros 17:5

Mi caj c tsictesan ti barate' majqui yajcʌbil c cha'an. Mi' cajel ti nich jini barate' i cha'an bʌ c winic. Che' jini mi cajel i ñʌjch'elob ti t'an jini israelob woliyo' bʌ ti wulwul t'an ti la' tojlel, che'en lac Yum.

Numeros 21:5

Tsa' cajiyob ti wulwul t'an ti' contra Dios yic'ot ti' contra Moisés: ¿Chucoch tsa' lon pʌyʌyon lojon loq'uel ti Egipto cha'an mic chʌmel lojon ila ti' tiquiñal pañimil? Come ilayi ma'anic baqui mi lac taj waj yic'ot ja'. Tsa'ix c'ojyi j c'ux lojon jini maná, come mach p'ʌtʌlic tic ñʌc' lojon, che'ob.

1 Corintios 10:10

Mach la' cha'len wulwul t'an ti la' pusic'al che' bajche' tsi' cha'leyob jini tsa' bʌ jisʌntiyob cha'an jini Angel yujil bʌ tsʌnsa.

Deuteronomio 25:18

Tsa' loq'uiyob i tajetla ya' ti bij. Tsi' laj bʌc'tesayob jini c'uño' bʌ soldadojob woli bʌ i majlelob ti la' pat che' wen lujbeñetixla cha'an cabʌl xʌmbal. Ma'anic tsi' wis bʌc'ñayob lac Yum.

Deuteronomio 32:22

Jini c mich'lel mi' lejmesan c'ajc Woli bʌ ti lejmel c'ʌlʌl ti' yajñib chʌmeño' bʌ. Mi' yʌc' ti pulel pañimil yic'ot pejtelel cholel tac. Mi' yʌc' ti pulel i te'el tac.

Deuteronomio 9:22

Tsa' la' cha' techbe i mich'ajel lac Yum ya' ti Tabera, yic'ot ti Masah, yic'ot ti Kibrot Hataava.

Hebreos 12:29

Come Dios yujil jisaya che' bajche' c'ajc.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.

Judas 1:16

Xwulwul a'leyajob. Mi' jop'beñob i mul i pi'ʌlob. Mi' jac'ob i colosojlel i pusic'al. Mi' chañ'esañob i bʌ ti lot. Mi' pejcañob winicob ti i t'ojol bʌ t'an cha'an mi' tajob chuqui yom i bajñel pusic'al.