Numeros 10:9 - Chol: I T’an Dios

⁹ Che' c'otemetixla ti la' lumal, che' mi la' loq'uel ti guerra ti' tojlel jini woliyo' bʌ ti tic'laya, mux caj cubibeñetla i t'an jini trompeta tac che' mi la' wus ti' yorajlel wocol. Mux caj coltañetla.

Chol de Tumbalá Bible

⁹ Che' c'otemetixla ti la' lumal, che' mi la' loq'uel ti guerra ti' tojlel jini woliyo' bʌ ti tic'laya, mux caj cubibeñetla i t'an jini trompeta tac che' mi la' wus ti' yorajlel wocol. Mux caj coltañetla.

Jiñi Tsiji' bʌ Wen T'añ cha'añ Estudio

⁹ “Che' mi la' loq'uel ti guerra ya' ti la' lum ti' tojlel la' contra woli bʌ i tic'lañetla, mi caj la' wus trompeta che' ti yorajlel wocol. Che' jiñi mi caj c ña'tañetla, come la' Yumon, la' Dioson; mux caj la' coltʌyel ti' tojlel la' contra.

Numeros 10:9 Iomraidhean Croise

Genesis 8:1

Dios tsi' ña'ta Noé yic'ot pejtelel bʌte'el yic'ot pejtelel alʌc'ʌl am bʌ ti barco. Tsi' choco tilel ic'. Tsa' caji ti sajp'el jini ja'.

2 Cronicas 13:12

Wʌ'an Dios quic'ot lojon yic'ot pejtelel i motomajob. Mi caj i wusob jini trompeta ti la' tojlel. Israelob, mach yomic mi la' contrajin lac Yum i Dios lac ñojte'el, come ma'anic mi caj i mʌjlel la' cha'an. Che' tsi' yʌlʌ Abías.

Salmos 106:4

Ña'tañon c Yum che' ma' pʌsbeñob i yutslel a cha'año' bʌ. Ña'tañon che' ma' coltañob

Salmos 106:42

I contrajob tsi' yʌc'ʌyob ti wocol. Wersa tsi' jac'beyob i mandar.

Salmos 136:23

Tsi' ña'tayonla che' ju'sʌbilix lac pusic'al, Come ti pejtelel ora an i yutslel i pusic'al.

Isaias 18:3

Winicob chumulo' bʌ ti pejtelel pañimil, q'uelela che' mic letsan i señajlel guerra ya' ti wits. Che' mic wus trompeta, ubinla cha'an mi la' tempan la' bʌ.

Isaias 58:1

Cha'len c'am bʌ oñel. Mach a cha'len bʌq'uen. Cha'len t'an che' bajche' trompeta. Tiq'ui c cha'año' bʌ cha'an i mul.

Jeremias 4:19

Obol c bʌ, obol c bʌ, mach cujchix c cha'an ili wocol. Tsiltsilñayon. Wen ch'ijiyem c pusic'al. Tsa' jejq'uiyon yubil. Mach mejlic c ñʌjch'el, come ubibilix c cha'an i t'an tac trompeta yic'ot i t'an winicob. Woliyobix ti guerra.

Jeremias 4:21

¿Jala to ba mi caj j q'uelben i bandera jini xguerrajob? ¿Jala to ba mi caj cubiben i t'an tac trompeta?

Jeremias 4:5

Subeñob jini año' bʌ ti Judá yic'ot ti Jerusalén: “Wusula jini trompeta ti pejtelel la' lumal. Cha'lenla c'am bʌ t'an. Tempan la' bʌ ti la' pejtelel. Conla ti ochel ti ts'ajquibil bʌ tejclum tac”. Che' yom ma' subeñob.

Jeremias 49:2

Jini cha'an ña'tanla, tal i yorajlel che' mi caj c choc tilel la' contrajob cha'an mi' techob guerra ti contra Rabá ti' contra jini amoñob ya' bʌ chumulob. Mi caj i sujtel i tejclum ti mucoñibʌl. Mi caj i laj pulel jini xchumtʌl tac. Jini israelob mi caj i cha' ch'ʌmob i lum. Mi caj c choquetla loq'uel ba' tsa' la' chocoyob loq'uel, che'en lac Yum.

Jeremias 6:1

Cucula ti ajñel, winicob ti Benjamín. Loq'uenla ti puts'el añet bʌ la ti Jerusalén. Wusula jini trompeta ti Tecoa. Melela c'ajc ti Bethaquerem cha'an mi' ñajtʌ q'uelob jini bats' cha'an mi' laj ña'tañob talix wocol. Talob jini yujilo' bʌ jisaya loq'uemo' bʌ ti norte.

Jeremias 6:17

Tsac wa'chocobeyob xq'uel winicob cha'an mi' subeñob cha'an mi' ñich'tañob i t'an trompeta. Pero tsi' yʌlʌyob: “Mach comic c ñich'tan lojon”, che'ob.

Ezequiel 7:14

Woli' wustʌl jini trompeta cha'an mi' cha'leñob guerra, pero ma'anic majch mi' jac' come woli' yubiñob c mich'ajel pejtelel winicob.

Oseas 5:8

Wusula trompeta. Nijcanla ch'ojyel winicob ya' ti Gabaa, yic'ot ti Ramá, yic'ot ti Betavén. La' i cha'leñob bʌq'uen jini chumulo' bʌ ti Benjamín.

Amos 3:6

Che' mi' wustʌl trompeta ti tejclum, ¿mach ba anic mi' cajelob ti bʌq'uen jini tejclumob? Che' mi' tilel wocol ti tejclum, ¿mach ba tilemic ti lac Yum? che'en.

Sofonias 1:16

I q'uiñilelʌch guerra che' mi' wustʌl jini trompeta, come bʌbʌq'uen mi' jilelob jini wen p'ʌtʌl bʌ tejclum.

Numeros 31:6

Che' jini Moisés tsi' choco majlel ti guerra jini winicob loq'uemo' bʌ ti jujump'ejl mil ti' tojlel i pi'ʌlob. Temel tsa' majliyob yic'ot Finees i yalobil jini motomaj Eleazar. Tsi' ch'ʌmʌyob majlel jini ch'ujul tac bʌ e'tijibʌl. Tsi' wusuyob majlel jini trompeta tac.

1 Corintios 14:8

Mi mach uts'atic mi' loq'uel i t'an trompeta, ¿majqui mi caj i chajpan i bʌ cha'an guerra?

Deuteronomio 20:1

Che' mi la' loq'uel ti guerra, che' talob ti la' contra winicob yic'ot caballo yic'ot carreta tac ñumen bʌ ti tsic che' bajche' jatetla, mach mi la' bʌc'ñañob, come lac Yum Dios tsa' bʌ i loc'sayetla ti Egipto woli' coltañetla.

Josue 6:5

Che' ti wucyajlel la' i cha'leñob c'am bʌ t'an pejtelel soldadojob che' mi' caj ti wustʌl i xulub tat tiñʌme'. Che' mi la' wubin i t'an trompeta mi caj i bʌc' jejmel jini ts'ajc am bʌ ti' joytilel jini tejclum. Pejtelel jini soldadojob toj mi caj i yochelob ti tejclum ti jujuntiquil.

Juezob 10:12

ti' tojlel año' bʌ ti Sidón, ti' tojlel Amalec, yic'ot ti' tojlel Maón? Che' c'am tsa' la' pejcayon, tsaj coltayetla.

Juezob 10:8

Waxʌclujump'ejl (18) jab tsi' tic'layob jini israelob año' bʌ ti junwejl Jordán já ti' lumob amorreojob ya' ti Galaad.

Juezob 2:18

Che' bʌ lac Yum tsi' choco tilel juez, tsi' coltayob che' cuxul to jini juez. Lac Yum tsi' p'unta jini winicob x'ixicob, come tsi' yubibeyob i yajcʌn che' bʌ tsa' tic'lʌntiyob cha'an jontolo' bʌ. Lac Yum tsi' coltayob che' cuxul to jini juez.

Juezob 3:27

Che' bʌ tsa' c'oti ya' ti' wits i c'aba' Efraín, tsa' caji i wus jini xulub. Pejtelel israelob tsa' jubiyob tilel ti wits tac yic'ot Aod. Tsi' yʌc'ʌ i bʌ ti yumʌntel.

Juezob 6:34

Ti jim bʌ ora i yEspíritu lac Yum tsa' c'oti ti' tojlel Gedeón. Tsi' wusu jini xulub. Pejtelel jini abiezerob tsa' laj tiliyob.

Juezob 6:9

Tsa cʌc'ʌyetla ti libre che' añetla ti' wenta egiptojob, yic'ot che' añetla ti' wenta yaño' bʌ tsa' bʌ i tic'layetla. Tsac chocoyob loq'uel ti la' tojlel. Tsa cʌq'ueyetla i lum.

1 Samuel 10:18

Tsi' subeyob: Che'ʌch woli' yʌl lac Yum i Dios israelob: “Joñon tsac loc'sa israelob ya' ti Egipto. Joñon tsaj coltayetla loq'uel ti' c'ʌbob egiptojob ti' tojlel jini yumʌlob tsa' bʌ i tic'layetla.