Numeros 10:35 - Chol: I T’an Dios

³⁵ Che' bʌ tsa' caji ti majlel jini Arca, Moisés tsi' pejca lac Yum: C Yum, tsictesan a p'ʌtʌlel ti' tojlel a contrajob, cha'an mi' puts'elob ti' tojel a wut pejtel mu' bʌ i ts'a'leñetob, che'en.

Chol de Tumbalá Bible

³⁵ Che' bʌ tsa' caji ti majlel jini Arca, Moisés tsi' pejca lac Yum: C Yum, tsictesan a p'ʌtʌlel ti' tojlel a contrajob, cha'an mi' puts'elob ti' tojel a wut pejtel mu' bʌ i ts'a'leñetob, che'en.

Jiñi Tsiji' bʌ Wen T'añ cha'añ Estudio

³⁵ Che' bʌ tsa' caji ti majlel jiñi Arca, Moisés tsi' yʌlʌ: “¡C Yum, ch'ojyen! ¡La' pujquic a contrajob! La' puts'icob ti' tojel a wut pejtelel mu' bʌ i ts'a'leñetob.”

Numeros 10:35 Iomraidhean Croise

Salmos 132:8

C Yum, yom ma' wa'tʌl. La' ti chumtʌl ba' mi' mejlel a c'aj a wo Yic'ot jini Arca ba' ma' tsictesan a ñuclel.

Salmos 3:8

Ch'oyol laj coltʌntel ti lac Yum. La' aq'uenticob i wenlel i cha'año' bʌ.

Salmos 9:19

C Yum, pʌsʌ a p'ʌtʌlel ti' tojlel winicob ame mi' cha'leñob bajche' jach yom i bajñel pusic'al. Wets'eyob tilel ti meloñel jini mach bʌ a cha'añobic ti pejtelel lum.

Salmos 94:16

¿Majqui mi caj i coltañon ti contra jini jontolo' bʌ? ¿Majqui mi caj i wa'chocon i bʌ quic'ot, ti' contra jini mu' bʌ i cha'leñob jontolil?

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Deuteronomio 32:41

Mi caj c juc' quespada, mi caj c chajpan c bʌ cha'an meloñel. Mi caj cʌq'ueñob i castigo j contrajob. Mi caj i tojob i mul jini mu' bʌ i ts'a'leñoñob.

Deuteronomio 7:10

Mi' q'uextʌbeñob i mul pejtelob mu' bʌ i ts'a'leñob, mu' bʌ i ñusʌbeñob i t'an. Mi caj i jisañob. Ma'anic mi' jalʌtesan i bʌ cha'an mi' yʌq'ueñob i toj i mul. Muq'uix i yʌq'ueñob i toj.

1 Samuel 4:3

Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca ya' ba' lotol jini xuc'ul bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.