Numeros 10:33 - Chol: I T’an Dios

³³ Tsi' cʌyʌyob jini wits i c'aba' Sinaí, jiñʌch i wits lac Yum. Uxp'ejl q'uin tsi' tsʌcleyob majlel jini Arca tsa' bʌ majli ti ñaxan cha'an mi' yajcʌbeñob lum ba' mi' c'ajob i yo.

Chol de Tumbalá Bible

³³ Tsi' cʌyʌyob jini wits i c'aba' Sinaí, jiñʌch i wits lac Yum. Uxp'ejl q'uin tsi' tsʌcleyob majlel jini Arca* tsa' bʌ majli ti ñaxan cha'an mi' yajcʌbeñob lum ba' mi' c'ajob i yo.

Jiñi Tsiji' bʌ Wen T'añ cha'añ Estudio

³³ Che'ʌch tsi' cʌyʌyob jiñi i wits lac Yum, uxp'ejl q'uiñ tsi' xʌñʌyob. Jiñi Arca cha'añ jiñi xuc'ul bʌ i t'añ lac Yum ñaxan tsa' majli, uxp'ejl q'uiñ tsi' tsʌcleyob majlel, cha'añ mi' sʌclʌbeñob jiñi lum ba' mi' c'ajob i yoj.

Numeros 10:33 Iomraidhean Croise

Salmos 95:11

Jini cha'an mich'on tsa cʌc'ʌ c t'an. Ma'anic mi caj cʌq'ueñob i c'aj i yo. Che' tsi' yʌlʌ Dios.

Exodo 19:3

Moisés tsa' letsi ti wits cha'an mi' taj Dios. Lac Yum tsi' pejca ya' ti wits. Tsi' yʌlʌ: Subeñob i p'olbal Jacob, jini israelob:

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

Isaias 11:10

Ti jim bʌ q'uin mi caj i wa'tʌl i p'olbal David mu' bʌ caj i cha'len coltaya ti pejtelel pañimil. Cabʌl winicob x'ixicob mi caj i jac'ob. Wen uts'atax mi caj i q'uelob i lumal jini Ñuc Bʌ.

Isaias 28:12

Diosʌch tsa' bʌ i wʌn subeyob: Ubinla c t'an come jiñʌch i ñʌch'tilel la' pusic'al. Che' jini mux caj la' c'aj la' wo, che'en Dios. Pero mach yomobic. Ma'anic tsi' jac'ʌyob.

Isaias 66:1

Lac Yum tsi' yʌlʌ: Jini panchan jiñʌch c buchlib. Jini pañimil jiñʌch i yajñib coc. ¿Baqui mi caj la' wa'chocobeñon cotot? ¿Baqui mi caj la' melbeñon c chumlib ba' mij c'aj co?

Jeremias 3:16

Che' cabʌletla ti la' lum, che' ñuquetixla, ma'anix mi caj i chʌn ajlel: Jini Arca ba' lotol jini xuc'ul bʌ t'an i cha'an lac Yum. Mach che'ic. Ma'anix mi caj i chʌn ña'tʌntel. Mach chʌn c'ajalix i cha'añob. Ma'anix mi caj i cha' melob yambʌ Arca.

Jeremias 31:2

Lac Yum woli' yʌl: Ya' ba' pam pujquemob i colojbal c winicob mach bʌ anic tsa' chʌmiyob ti espada, mi caj j cʌntañob che' bajche' tsaj cʌntʌbeyob i tatob ya' ti jochol bʌ lum. Tsac pʌsbeyob i yutslel c pusic'al che' bʌ tsi' sʌclayob ba' mi' c'ajob i yo, che'en.

Jeremias 6:16

Lac Yum woli' yʌl: Wa'i'la ba' mi' rusin i bʌ bij cha'an mi la' q'uel. C'ajtibenla xñumelob baqui an jini wen bʌ bij, jini oñiyix bʌ. Ya' yom mi la' cha'len xʌmbal cha'an mi la' taj i tijicñʌyel la' pusic'al. Pero tsi' yʌlʌyob: “Mach comic lojon xʌmbal ya'i”, che'ob.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Numeros 10:12

Che' jini tsa' cajiyob ti xʌmbal majlel jini israelob ya' ti colem bʌ i tiquiñal pañimil i c'aba' Sinaí. Cha'p'ejl uxp'ejl q'uin tsa' jijliyob ya' ti bij. Tsa' wa'le jini Tocal ya' ti colem bʌ i tiquiñal pañimil i c'aba' Parán.

Deuteronomio 1:33

Jini tsa' ñaxan majli ti' tojel la' wut cha'an mi' sʌclʌbeñetla jini lum baqui yom mi la' jijlel. Jini tsi' pʌsbeyetla majlel c'ajc che' ti ac'ʌlel yic'ot jini tocal che' ti q'uiñil.

Deuteronomio 31:26

Lotola i juñilel ili mandar ya' ti' t'ejl jini Arca ba' lotol jini trato i cha'an lac Yum Dios. Jini mi caj i tsictesʌbeñet la' mul.

Deuteronomio 9:9

Che' bʌ tsa' letsiyon ti wits cha'an mic ch'ʌm wechel bʌ xajlel ba' ts'ijbubil i trato lac Yum tsa' bʌ i mele ti lac tojlel, tsa' jal'ayon ti wits cha'c'al q'uin yic'ot cha'c'al ac'ʌlel. Ma'anic chuqui tsac wis c'uxu, ma'anic chuqui tsac japʌ.

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.

Josue 4:7

Mi caj la' subeñob: “Tsi' t'oxo i bʌ jini Jordán ja' ti' tojel Arca che' bʌ tsa' c'axiyon lojon”, che'etla. Jini xajlel tac mi caj i yʌq'ueñob i chʌn ña'tan jini israelob ti pejtelel ora, che'en.

Juezob 20:27

Jini israelob tsi' c'ajtibeyob lac Yum ya'i, come ti jim bʌ ora ya'an ti Betel jini Arca i cha'an lac Yum.

1 Samuel 4:3

Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca ya' ba' lotol jini xuc'ul bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.