Numeros 10:29 - Chol: I T’an Dios

²⁹ Moisés tsi' pejca Hobab i ja'an, jiñʌch i yalobil Ragüel am bʌ ti Madián. Tsi' sube: Muq'uix c majlel lojon ya' ti lum ba' mi caj i yʌq'ueñon lojon lac Yum. Conla. Mi a wom majlel quic'ot lojon tijicña mi caj a wajñel, come lac Yum tsa'ix i subeyob israelob mi caj i pʌsbeñob i yutslel i pusic'al, che'en.

Chol de Tumbalá Bible

²⁹ Moisés tsi' pejca Hobab i ja'an, jiñʌch i yalobil Ragüel am bʌ ti Madián. Tsi' sube: Muq'uix c majlel lojon ya' ti lum ba' mi caj i yʌq'ueñon lojon lac Yum. Conla. Mi a wom majlel quic'ot lojon tijicña mi caj a wajñel, come lac Yum tsa'ix i subeyob israelob mi caj i pʌsbeñob i yutslel i pusic'al, che'en.

Jiñi Tsiji' bʌ Wen T'añ cha'añ Estudio

²⁹ Che' jiñi Moisés tsi' su'be Hobab i ja'añ, jiñʌch i yalobil Ragüel, jiñi madianita: —Joñon lojon mi caj c majlel lojon ya' ti lum ba' tsi' yʌlʌ lac Yum: “Joñon mi caj cʌq'ueñetla.” La' quic'ot lojon, mi caj q'uelet lojon ti uts'at, come lac Yum tsa'ix i su'beyob israelob cha'añ mi caj i pʌsbeñob i yutslel i pusic'al.

Numeros 10:29 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 13:15

Come mi caj cʌq'ueñet pejtel jini lum woli bʌ a q'uel. Mi caj cʌq'ueñob a p'olbal ti pejtelel ora.

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

Genesis 17:8

Mi caj cʌq'ueñet yic'ot a p'olbal pejtel i lumal Canaán ba' woliyet ti ñumel majlel. La' cha'añʌch ti pejtelel ora, come Dioson, che'en.

Genesis 32:12

Jatet tsa' subeyon: “Isujm mi caj cʌq'ueñet chuqui uts'at. Mi caj c p'ojlesan a walobilob che' bajche' jini ji' am bʌ ti colem ñajb mach bʌ mejlic ti tsicol”. Che' tsa' subeyon, che'en Jacob.

Salmos 100:1

Winicob x'ixicob ti pejtelel pañimil yom tijicña mi la' cha'len t'an ti' tojlel lac Yum.

Salmos 34:8

Ñopola uts'at lac Yum. Ña'tanla, tijicña jini mu' bʌ i taj i coltʌntel ti lac Yum.

Salmos 95:1

Conla, la' lac cha'len c'ay ti' tojlel lac Yum. La' lac pejcan Dios, tijicña lac pusic'al. Jiñʌch p'ʌtʌl bʌ xajlel mu' bʌ i coltañonla.

Exodo 18:1

Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Exodo 18:12

Jetro i nij'al Moisés tsi' yʌq'ue Dios pulbil bʌ yic'ot tsʌnsʌbil bʌ i majtan. Tsa' tili Aarón yic'ot pejtelel xñoxob año' bʌ ti Israel ba'an i nij'al Moisés cha'an temel mi' c'uxob waj ti' tojlel Dios.

Exodo 18:27

Moisés tsa' majli i cʌy ti bij i ñij'al che' bʌ tsa' sujti ti' lumal.

Exodo 2:18

Tsa' sujtiyob ti' yotot ba'an i tat i c'aba' Reuel. I tat tsi' subeyob: Ora jach tsa' sujtiyetla wʌle. ¿Chucoch? che'en.

Exodo 2:21

Moisés tsi' jac'ʌ majlel ya' ti' yotot Reuel. Ya'ix tsa' cʌle. Jini winic tsi' yʌq'ue Moisés xch'oc bʌ i yalobil i c'aba' Séfora cha'an i yijñam.

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 6:4

Tsa cʌq'ueyob xuc'ul bʌ c t'an cha'an mi caj cʌq'ueñob i lumal Canaán ba' tsa' poj ajniyob yic'ot Jacob.

Isaias 2:3

Cabʌl winicob tilemo' bʌ ti yan tac bʌ tejclum mi caj i yʌlob: “La' letsiconla ti' wits lac Yum, ya' ti' Templo i Dios Jacob, cha'an mi' pʌsbeñonla toj bʌ i bijlel, cha'an mi mejlel lac tsajcan majlel. Come ya' ti Sion mi caj i cʌntesañonla. Ya'ʌch ti Jerusalén mi caj i loq'uel i t'an lac Yum”, che'ob.

Jeremias 50:5

Mi caj i c'ajtiñob majlel i bijlel Sion. “Conla”, che'ob. “La' lac ñochtan lac Yum. La' la cʌq'uen lac bʌ ti trato mach bʌ yujilic jejmel ti pejtelel ora”, che'ob. Che' yom ma' subeñob, che'en lac Yum.

Numeros 10:28

Che'ʌch tsa' loq'uiyob majlel jini israelob ti mojt ti mojt.

Numeros 23:19

mach lajalic Dios bajche' winicob yujilo' bʌ lot. Mach lajalic bajche' jini cha'chajp jax bʌ i pusic'al mu' bʌ i q'uextan i t'an. Che' mi' yʌc' i t'an, ¿mach ba anic mi' ts'ʌctesan? Che' tsa'ix i subu chuqui mi caj i cha'len, ¿mach ba anic mi' mel?

Hechos 7:5

Dios ma'anic chuqui tsi' yʌq'ue Abraham ilayi, mi ts'ita'ic lum, pero tsi' yʌq'ue i t'an. Tsi' sube mi caj i yotsan ti' yum jini lum yic'ot i p'olbal ja'el anquese maxto anic i yalobil.

Deuteronomio 30:5

Lac Yum Dios mi caj i cha' pʌyetla tilel ti jini lum aq'uebilo' bʌ la' ñojte'elob. La' cha'anix wʌle. Mi caj i cha' aq'ueñetla la' wenlel. Ñumen mi caj i p'ojlesañetla che' bajche' la' ñojte'elob.

Deuteronomio 4:40

Yom mi' la' jac'ben pejtelel i t'an yic'ot i mandar woli bʌ c subeñetla cha'an mi' tam'esʌntel la' jabilel yic'ot i jabilel la' walobilob. Che' jini mi caj la' wajñel ti ili lum mu' bʌ caj i yʌq'ueñetla. Che' jini la' cha'añʌch ti pejtelel ora.

Tito 1:2

yic'ot cha'an mi' tajob i cuxtʌlel mach bʌ anic mi' jilel, woli bʌ lac pijtan. Come Dios, mach bʌ yujilic lot, tsi' wʌn ac'ʌ i t'an che' maxto anic pañimil.

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.

Apocalipsis 22:17

Jini Espíritu yic'ot jini xch'oc mu' bʌ cajel ti ñujpuñijel mi' yʌlob: La', che'ob. Jini mu' bʌ i yubin, la' i yʌl: La'. Che' yom mi' yʌl. Jini am bʌ i tiquin ti', la' tilic. Majqui jach yom, la' i jap ja' ti' majtan jach, i yejtal bʌ i cuxtʌlel.

Juezob 1:16

I p'olbalob jini ceneo, i nij'al Moisés, tsa' loq'uiyob ti tejclum i c'aba' Palmeras temel yic'otob i p'olbal Judá. Tsa' c'otiyob ti' tiquiñal pañimil am bʌ ti Judá, am bʌ ti' tojel Arad ya' ti sur. Temel tsa' chumleyob yic'ot ya' bʌ añob ti' lumal.

Juezob 4:11

Heber, jini ceneo, tsi' tʌts'ʌ i bʌ ti' tojlel yambʌ ceneojob i p'olbalob Hobab i nij'al Moisés. Tsa' majli i wa'chocon jini pisil bʌ i yotot ya' ti Zaanaim am bʌ ti t'ejl Cedes.

1 Samuel 15:6

Tsi' choco majlel winicob cha'an mi' subeñob jini ceneojob: Cucula ti loq'uel wʌ' ba'añetla. Yom mi la' tʌts' la' bʌ ba'an jini amalecob, ame jisʌntiquetla yic'otob. Com j coltañetla cha'an uts tsa' la' pʌsʌ la' bʌ ti' tojlel israelob che' bʌ tsa' letsiyob loq'uel ti Egipto, che'en Saúl. Jini cha'an tsi' tʌts'ʌyob i bʌ jini ceneojob ti' tojlel amalecob.