Numeros 1:50 - Chol: I T’an Dios

⁵⁰ Come jini levíjob tsa' aq'uentiyob i ye'tel ya' ti Tabernáculo. An ti' wenta cha'an mi' cuchob majlel jini Tabernáculo yic'ot pejtelel i bʌl. Lʌc'ʌl mi' chumtʌlob ti Tabernáculo.

Chol de Tumbalá Bible

⁵⁰ Come jini levíjob tsa' aq'uentiyob i ye'tel ya' ti Tabernáculo. An ti' wenta cha'an mi' cuchob majlel jini Tabernáculo yic'ot pejtelel i bʌl. Lʌc'ʌl mi' chumtʌlob ti Tabernáculo.

Jiñi Tsiji' bʌ Wen T'añ cha'añ Estudio

⁵⁰ mi caj a wʌq'ueñob ti' wenta levijob jiñi Tabernáculo ba' lotol jiñi Mandar yic'ot pejtelel mu' bʌ i c'ʌjñel tac yic'ot pejtelel añ tac bʌ ya'i. Jiñob mi caj i cuchob majlel jiñi Tabernáculo yic'ot pejtelel i bʌl, ya'i mi caj i melob i ye'tel yic'ot ya' mi' caj i chumtʌlob ti' joytʌlel jiñi Tabernáculo.

Numeros 1:50 Iomraidhean Croise

2 Cronicas 24:6

Jini cha'an jini rey tsi' pʌyʌ tilel Joiada jini ñuc bʌ motomaj. Tsi' sube: ¿Chucoch ma'anic tsa' wersa xiq'uiyob jini levíjob? Subeñob cha'an mi' ch'ʌmob tilel i yofrenda jini chumulo' bʌ ti Judá yic'ot ti Jerusalén che' bajche' tsi' yʌc'ʌ mandar Moisés jini x'e'tel i cha'an lac Yum, cha'an mi lac cha' wen mel jini Templo. Che' tsi' yʌlʌ Joás.

Nehemias 12:22

Che' ti' yorajlel Eliasib yic'ot Joiada yic'ot Johanán yic'ot Jadúa tsa' ts'ijbuntiyob i c'aba' levíjob. Yumʌlobʌch ti' yotot i tatob ti jujuntiquil. Tsa' ts'ijbuntiyob ja'el i c'aba'ob jini motomajob jinto che' bʌ tsa' caji ti yumʌntel Darío ti Persa.

Nehemias 12:47

Ti jujump'ejl q'uin che' cuxul to Zorobabel yic'ot Nehemías, pejtel israelob tsi' yʌq'ueyob i bʌl i ñʌc' jini xc'ayob yic'ot xcʌnta ti'ob. Tsi' yʌq'ueyob levíjob ja'el chuqui yom i cha'añob. Jini levíjob tsi' cha' aq'ueyob i p'olbal Aarón chu' bʌ yom che' bajche' ts'ijbubil.

Nehemias 12:8

Jiñobʌch levíjob: Jesúa, Binúi, Cadmiel, Serebías, Judá, Matanías, yic'ot i pi'ʌlob Matanías año' bʌ ti' wenta cha'an mi' subeñob Dios wocolix i yʌlʌ ti c'ay.

Nehemias 13:22

Tsac subeyob levíjob cha'an mi' sʌq'uesañob i bʌ cha'an mi' tilel i cʌntañob i ti' tac tejclum cha'an yom mi' q'uejlel ti ch'ujul i yorajlel c'aj o. Jini cha'an, c Dios, ña'tañon. Q'ueleyon ti uts'at cha'an jini tsa' bʌ c mele. Coltañon come wen awujil p'untaya. Cabʌlʌch a c'uxbiya, cho'on.

Nehemias 13:5

tsi' chajpa colem bʌ i mal otot cha'an mi' yajñel Tobías ya' ba' mi' lojtel i majtan tac Dios: jini melbil tac bʌ ti harina, yic'ot pom, yic'ot latu tac, yic'ot i diezmojlel trigo, yic'ot tsiji' bʌ vino, yic'ot aceite aq'uebilo' bʌ levíjob yic'ot xc'ayob yic'ot xcʌnta ti'ob yic'ot motomajob che' bajche' ts'ijbubil ti mandar.

Salmos 122:4

Wʌ' mi' letselob tilel jini israelob i cha'añob lac Yum ti mojt ti mojt Cha'an mi' yʌq'ueñob wocolix i yʌlʌ lac Yum cha'an i c'aba', che' bajche' tsi' subeyob.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i t'an ti' c'ʌb Dios.

Exodo 38:21

Jiñʌch iliyi che' bajche' melbil jini Tabernáculo ba' mi' yotsañob jini Arca, ba' mi mejlel i melob i ye'tel jini levíjob. Tsi' yʌc'ʌ mandar Moisés che' bajche' yom melol. Tsi' q'uele jini e'tel i yalobil jini motomaj Aarón jiñʌch Itamar.

Numeros 1:53

Jini levíjob mi caj i melob i yotot ya' ti' pam jini Tabernáculo cha'an ma'anic mic mich'len israelob. An ti' wenta jini levíjob cha'an mi' cʌntañob Tabernáculo. Che' tsi' yʌlʌ lac Yum.

Numeros 10:21

Tsa' loq'uiyob majlel ja'el i p'olbalob Coat woli bʌ i q'uechob majlel jini Ch'ujul bʌ i bʌl Tabernáculo. Che' bʌ tsa' c'otiyob jini wi'ipato' bʌ, cha' wa'chocobilix jini Tabernáculo ya' ba' mi caj i jijlelob.

Numeros 17:7

Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

Numeros 18:5

Cojach jatetla motomajet bʌ la, an ti la' wenta jini e'tel ti Ch'ujul bʌ Ajñibʌl yic'ot ya' ti' t'ejl pulʌntib. Che' jini mi xuc'uletla ma'anix mi' chʌn tilel c mich'ajel ti' contra israelob.

Numeros 20:11

Che' jini Moisés tsi' q'ueche i c'ʌb. Cha'yajl tsi' jats'ʌ jini xajlel. Tsa' caji ti loq'uel tilel cabʌl ja' cha'an mi' japob israelob yic'ot i yʌlac'.

Numeros 4:15

Aarón yic'ot i yalobilob mi caj i pixob jini Ch'ujul bʌ Ajñibʌl, yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl. Che' laj pixbilix mi caj i tilelob i yalobilob Coat cha'an mi' ch'ʌmob majlel che' mi' techob i xʌmbal. Pero mach mejlic i tʌlob jini ch'ujul tac bʌ ame chʌmicob. Jiñʌch ch'ujul bʌ i ye'tel i p'olbal Coat.

Numeros 4:3

Yom ma' tsic pejtelel winicob añobix bʌ lujump'ejl i cha'c'al (30) i jabilel, c'ʌlʌl ti lujump'ejl i yuxc'al (50), jiñobʌch mu' bʌ i mejlel i cha'leñob i yetel ya' ti Tabernáculo.

Numeros 8:19

Tsa cʌc'ʌyob ti' wenta Aarón yic'ot i yalobilob cha'an mi' cha'leñob e'tel ti Tabernáculo ti' q'uexol israelob. Mi caj i yʌq'ueñoñob c majtan tac cha'an i mul israelob. Che' jini muq'uix i mʌctañob wocol ba' ora mi' lʌc'tesañob i bʌ ya' ti Ch'ujul bʌ Ajñibʌl jini israelob. Che' tsi' yʌlʌ lac Yum.

Numeros 8:20

Che'ʌch tsi' meleyob Moisés yic'ot Aarón yic'ot pejtelel jini israelob. Tsi' ts'ʌctesayob pejtelel jini mandar tsa' bʌ aq'uenti Moisés ti lac Yum.

Numeros 8:22

Ti wi'il tsa' cajiyob ti tilel jini levíjob cha'an mi' melob i ye'tel ti Tabernáculo ti' tojlel Aarón yic'ot i yalobilob. Che'ʌch tsa' laj ts'ʌctiyi i mandar lac Yum tsa' bʌ subenti Moisés cha'an jini levíjob.

Apocalipsis 15:5

Ti wi'il tsaj q'uele, awilan, tsa' jajmi jini Templo, i yotlel Dios am bʌ ti panchan, ba' lotol i ts'ijbujel Dios.