Numeros 1:16 - Chol: I T’an Dios

¹⁶ Jiñʌch i c'aba'ob ili winicob tsa' bʌ wa'chocontiyob ti jujunmojt israelob, jini añobix bʌ i pusic'al ti' tojlel i tatob.

Chol de Tumbalá Bible

¹⁶ Jiñʌch i c'aba'ob ili winicob tsa' bʌ wa'chocontiyob ti jujunmojt israelob, jini añobix bʌ i pusic'al ti' tojlel i tatob.

Jiñi Tsiji' bʌ Wen T'añ cha'añ Estudio

¹⁶ Jiñʌch i c'aba'ob ili wiñicob tsa' bʌ wa'chocontiyob ti' tojlel bajc'ʌl israelob, año' bʌ ñuc bʌ i ye'tel ti' tojlel i tatob.

Numeros 1:16 Iomraidhean Croise

Exodo 18:21

Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Exodo 18:25

Moisés tsi' yajca winicob am bʌ i ña'tʌbal ti pejtelel Israel. Tsi' yʌq'ueyob i ye'tel ti' tojlel i pi'ʌlob ti jujunmojt, juntiquil yumʌl ti' tojlel mil, yambʌ ti' tojlel jo'jo'c'al tac, yic'ot yambʌ ti' tojlel lujuntiquil i yuxc'al tac, yic'ot yambʌ ti' tojlel lujuntiquil tac.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Numeros 1:17

Ti jini jach bʌ q'uin Moisés yic'ot Aarón yic'ot jini winicob tsa' bʌ wa'chocontiyob cha'an mi' coltañob ti' tsicol winicob tsi' pʌyʌyob tilel israelob. Jiñobʌch winicob añobix jujunc'al i jabilel yic'ot i ñumel, che' bajche' tsi' yʌq'ue mandar Moisés lac Yum. Jiñʌch i numerojlel ti jujunmojt israelob che' bajche' an i yonlel ti jujuntiquil i p'olbal:

Numeros 10:4

Pero che' jump'ejl jach mi' wustʌl jini trompeta, cojach yom mi' tilelob ba' añet jini ñuc taco' bʌ i ye'tel loq'uemo' bʌ ti' tojlel pejtel israelob.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 16:2

Tsa' caji i contrajiñob Moisés. Tsi' coltayob lujunc'al yic'ot lujuntiquil i yuxc'al (250) winicob, jini ñuc taco' bʌ i ye'tel ti' tojlel israelob, yajcʌbilo' bʌ cha'an mi' cʌntañob winicob.

Numeros 30:1

Moisés tsi' sube jini ñuco' bʌ i ye'tel ti Israel:

Numeros 7:2

Che' jini pejtelel jini ñuc taco' bʌ i ye'tel ti' tojlel israelob, jini yumʌlob ti mojt ti mojt tsa' bʌ i coltayob ti' chajpʌntel jini lista tac, tsa' caji i ch'ʌmob tilel majtañʌl.

Deuteronomio 1:15

Jini cha'an tsac pʌyʌ jini ñuc taco' bʌ i ye'tel ti la' tojlel año' bʌ cabʌl i ña'tʌbal. Tsac wa'chocoyob ti' ye'tel cha'an mi' cʌntañob winicob. An tsa' bʌ i tajayob ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.

Juezob 6:15

Gedeón tsi' yʌlʌ: C Yum, ¿bajche' mi mejlel j coltan jini israelob? Come p'ump'uñob c pi'ʌlob i p'olbalob Manasés. Joñon ja'el cojix bʌ i yalobilon c tat, che'en.

1 Samuel 22:7

Saúl tsi' subeyob: Ubinla wʌle, jatetla benjamiñob. Mero c pi'ʌletla. ¿Mu' ba la' lon ña'tan mux caj la' wʌq'uentel lum yic'ot pʌc'ʌbʌl che' mi la' yuman i yalobil Isaí? ¿Mu' ba caj i yotsañetla ti ñuc bʌ e'tel ti' tojlel jump'ejl mil yic'ot ti' tojlel jo'c'al winicob?

1 Samuel 23:23

Wen tsajinla. Yom mi la' wen cʌn jini ch'en ba' mi' muc i bʌ. Cha' sujtenla tilel cha'an mi la' subeñon baqui mero mucul. Che' jini muq'uix c majlel la' wic'ot. Mi wʌ'to an ti ili pañimil David, mi cajel c sʌclan ti pejtelel xchumtʌl tac ti Judá. Che' tsi' yʌlʌ Saúl.