Nahum 1:3 - Chol: I T’an Dios

³ Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Chol de Tumbalá Bible

³ Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Nahum 1:3 Iomraidhean Croise

2 Samuel 22:10

Lac Yum tsi' ju'sa tilel tocal, tsi' pʌsʌ i p'ʌtʌlel. Wen i'ic' ya' ti' yebal i yoc.

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Job 10:14

Mi tsac cha'le mulil q'uelel a cha'an. Ma'anic mi caj a ñusʌbeñon.

Job 38:1

Dios tsa' caji i jac'ben Job ti sutujt ic':

Job 9:4

Come wen cabʌl i pusic'al Dios, wen cabʌl i p'ʌtʌlel. Ti pejtelel ora ma'anic mi juntiquilic tsa' bʌ i contraji tsa' bʌ mʌjli i cha'an.

Salmos 103:8

Lac Yum mi' cha'len p'untaya, uts i pusic'al. Jal mi' mich'an. Cabʌl mi' p'untañonla.

Salmos 104:3

Ma' wa'chocon a chumlib ti pam jini tocal. Ma' c'ʌn jini tocal i wenta carreta.

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 147:5

Ñuc lac Yum, cabʌl i p'ʌtʌlel. Ma'anic i p'isol i ña'tʌbal.

Salmos 50:3

Tal lac Dios. Mach ñʌch'ʌlic che' mi' tilel. Mi' lejmel c'ajc ti' tojel i wut. An p'ʌtʌl bʌ ic' ti' joytilel.

Salmos 62:11

Tsi' cha'le t'an Dios. Cha'yajl tsa cubi iliyi: I bajñel an i p'ʌtʌlel Dios.

Salmos 66:3

Subenla Dios: Bʌbʌq'uen a melbal. Jini cha'an mi' yumañet a contrajob cha'an wen ñuc a p'ʌtʌlel.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Isaias 29:6

Joñon i Yumon Panchan yic'ot Pañimil, mi caj c tilel ti' tojlelob yic'ot i t'an chajc, yic'ot i yujquel lum, yic'ot sutujt ic', yic'ot c'ajc.

Isaias 66:15

Come lac Yum mi caj i tilel yic'ot c'ajc. Mi caj i choc tilel wocol che' bajche' p'ʌtʌl bʌ ic' cha'an mi' jisan i contrajob che' cʌlʌxix i mich'ajel che' bajche' i nich c'ajc.

Jeremias 4:13

Q'uelela tocal. Ix tilel lac Yum ti tocal. Ajñel woli ti xʌmbal tilel ti carreta ti p'ʌtʌl bʌ ic'. Ñumen ajñel i c'ʌchlib bajche' xiye'. Bʌbʌq'uen jax lac wocol mu' bʌ caj i tajonla. Obol jax lac bʌ come sajtemonla.

Daniel 7:13

Tsaj q'uele tsa' tili juntiquil che' bajche' I Yalobil Winic ti pam tocal. Tsa' pʌjyi tilel lʌc'ʌl ba'an jini Am bʌ Cabʌl i Jabilel.

Oseas 8:7

Woliyob ti pac' ti ic', pero tal jini sutujt ic' cha'an mi' jisañob. To'ol pots' i te'el ixim. Ma'anic chuqui mi caj i c'ajob. Mi tsa' loq'ui ts'ita' i wut, yambʌ mi caj i c'ux.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Zacarias 9:14

Mi caj i ñaxan majlel lac Yum ti guerra ti' tojel i wut i winicob. Mi caj i loq'uel che' bajche' i te'el jalʌjb che' bajche' i xu'il chajc. Lac Yum Dios mi caj i wus trompeta. Mi' caj ti guerra ti' tojlel i contrajob che' bajche' sutujt ic' tilem bʌ ti sur.

Numeros 14:18

Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Mateo 26:64

Jesús tsi' sube: Joñon cu. Pero mic subeñetla, wʌle c'ʌlʌl ti pejtelel ora i Yalobil Winic mi' caj ti buchtʌl ti' ñoj jini P'ʌtʌl bʌ Dios. Mi caj la' q'uel che' mi' tilel ti tocal ti panchan, che'en.

Santiago 1:19

Jini cha'an c'uxbibil bʌ quermanojob, yom p'ip'etla che' mi la' ñich'tan t'an. Mach yomic ora mi la' cha'len t'an. Mach yomic mi la' bʌc' mich'an.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.