Mateo 7:7 - Chol: I T’an Dios

⁷ C'ajtinla. Mi caj la' wʌq'uentel. Sajcanla. Mi caj la' taj. Pejcanla i yum otot. Mi caj la' jambentel.

Jiñi Tsiji' bʌ Wen T'añ cha'añ Estudio

⁷ C'ajtinla, mi caj la' wʌq'uentel. Sajcanla, mi caj la' taj. Pejcanla, mi caj la' jambentel.

Chol de Tumbalá Bible

⁷ C'ajtinla. Mi caj la' wʌq'uentel. Sajcanla. Mi caj la' taj. Pejcanla i yum otot. Mi caj la' jambentel.

Jiñi Tsiji' bʌ Wen T'añ cha'añ Estudio

⁷ C'ajtinla, mi caj la' wʌq'uentel. Sajcanla, mi caj la' taj. Pejcanla, mi caj la' jambentel.

Chol Tila

⁷ Bej c'ajtibenla Dios chʌ bʌ yom la' cha'an. Mi quejel i yʌq'ueñetla. Bej sʌclanla. Mi quejel la' tyaje'. C'ajtibenla Dios, che' bajche' chʌncol la' jats'e' i ti' otyot yubil. Mi quejel i jambeñetla.

Mateo 7:7 Iomraidhean Croise

Genesis 26:32

Ti jini jach bʌ q'uin i winicob Isaac tsa' tili i subeñob i yum che' bʌ tsi' cha' piquiyob pozo. Tsac taja lojon ja', che'ob.

1 Reyob 3:5

Ti jump'ejl ac'ʌlel che' ya'an Salomón ti Gabaón, tsi' q'uele lac Yum ti' ñajal. Dios tsi' sube: C'ajtibeñon chuqui a wom, che'en.

Salmos 10:17

C Yum, tsa'ix a wubi chuqui yom jini uts bʌ. Wola' xuc'chocoben i pusic'al. Wola' wen ubiben i t'an.

Salmos 10:4

Jini jontol bʌ ma'anic mi' sʌclan Dios come mi' chañ'esan i bʌ, Mi' lon al ti' pusic'al ma'anic Dios.

Salmos 119:12

Uts'atet c Yum, cʌntesañon ti a mandar.

Salmos 27:8

Tsa' subeyon: Sajcañon cha'an ma' q'uelbeñon c wut, che'et. Tsac jac'ʌ: Wolic letsan c wut cha'an mij q'uelet, c Yum, cho'on.

Salmos 34:4

Tsac sajca lac Yum. Tsi' yubiyon. Tsi' loc'sʌbeyon pejtelel c bʌq'uen.

Salmos 37:4

Yom tijicñayet ti lac Yum. Mi caj i yʌq'ueñet chuqui yom a pusic'al.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 69:32

Jini utso' bʌ i pusic'al mi caj i q'uelob. Jini cha'an tijicñayob. La' cha' p'ʌt'acob i pusic'al jini mu' bʌ i sajcañob Dios.

Salmos 70:4

La' i yubiñob i tijicñʌyel i pusic'al yic'ot i ñʌch'tilel pejtelel jini mu' bʌ i sajcañet. La' i yʌlob ti pejtelel ora: La' sujbic i ñuclel Dios. Mi' c'uxbiñetob cha'an tsa' coltayob.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Proverbios 8:17

Mij c'uxbin jini mu' bʌ i cha'leñob wersa i tajob wen bʌ i ña'tʌbal. Jini mu' bʌ i sajcañob wen bʌ i ña'tʌbal mi caj i tajob.

Cantares 3:2

Tsajni c sʌclan ñumel ti' bijlel tejclum yic'ot ti choñoñibʌl. Pero mach c tajayic jini c'uxbibil bʌ c cha'an.

Isaias 30:19

Winicob x'ixicob c cha'año' bʌ ti Jerusalén, ma'anix mi caj la' chʌn cha'len uq'uel. Mi caj i pʌsbeñetla i yutslel che' mi' yubin la' wuq'uel. Mi caj i jac'beñetla.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Amos 5:4

Come lac Yum woli' suben israelob: La'la ba' añon cha'an cuxul mi la' wajñel.

Mateo 18:19

Mic subeñetla ja'el, mi an cha'tiquilob ti pañimil mu' bʌ i temob i t'an cha'an chuqui mi' c'ajtiñob, che' jini mi caj i yʌq'uentelob cha'an c Tat am bʌ ti panchan.

Mateo 21:22

Mi mux la' ñop mi caj la' wʌq'uentel pejtelel chuqui tac mi la' c'ajtin ti oración, che'en Jesús.

Mateo 6:33

Ñaxan sajcanla i yumʌntel Dios yic'ot i tojel. Che' jini mi caj la' wʌq'uentel pejtelel chuqui tac anto yom la' cha'an.

Mateo 7:11

Anquese jontoletla la' wujil la' wʌq'uen la' walobilob chuqui uts'at. ¿Mach ba ñumenic yujil la' Tat am bʌ ti panchan? Mi' yʌq'ueñob chuqui uts'at jini mu' bʌ i c'ajtibeñob.

Mateo 7:8

Come majqui jach mi' c'ajtin mi caj i yʌq'uentel. Jini mu' bʌ i sajcan mi' taj. Jini mu' bʌ i pejcan i yum otot mi caj i jambentel.

Marcos 11:24

Jini cha'an mic subeñetla: Pejtelel chuqui mi la' c'ajtiben Dios ti oración, ñopola mi caj la' wʌq'uentel. Che' jini mi caj la' wʌq'uentel.

Lucas 13:25

I yum otot mi caj i ch'ojyel i ñup'ben i ti' otot. Ti wi'il mi caj la' wa'tʌl ti' pat otot. Mi caj la' pejcan i yum ya' ti' ti' otot. Mi caj la' wʌl: “C Yum, c Yum, jambeñon lojon”, che'etla. I yum otot mi caj i subeñetla: “Mach cujilic baqui ch'oyoletla”, che'en.

Lucas 18:1

Jesús tsi' sube xcʌnt'añob jini lajiya ti cʌntesa cha'an mi' cha'leñob oración ti pejtelel ora. Mach yomic mi' lujb'añob.

Juan 15:16

Jatetla ma'anic tsa' la yajcayon. Joñon tsac yajcayetla. Tsa cʌq'ueyetla la' we'tel cha'an mi la' majlel la' wʌc' la' wut mu' bʌ caj i jalijel, cha'an mi' yʌq'ueñetla c Tat pejtelel chuqui mi la' c'ajtiben tij c'aba'.

Juan 15:7

Mi woli la' wajñel ti joñon, mi woli' yajñel c t'an ti jatetla, c'ajtinla chuqui tac jach la' wom, mi caj la' jac'bentel.

Juan 4:10

Jesús tsi' jac'be: Tsa'ic a cʌñʌ a majtan ch'oyol bʌ ti Dios, tsa'ic a cʌñʌ jini woli' bʌ i c'ajtibeñet ja', tsa'ix a c'ajtibeyon ja' cha'an mi cʌq'ueñet cuxul bʌ ja', che'en.

Romanos 2:7

Jini mu' bʌ i chʌn cha'leñob chuqui uts'at cha'an yomob i ñuclel yic'ot i c'uxbintel yic'ot i cuxtʌlel mach bʌ anic mi' jilel, mi caj i yʌq'uentelob i cuxtʌlel mach bʌ anic mi' jilel.

Romanos 3:11

Ma'anic majqui mi' ch'ʌmben isujm. Ma'anic majqui yom i ñop Dios.

Hebreos 11:6

Mi ma'anic mi lac ñop Dios, mach mejlic i q'uelonla ti uts'at. Come majqui jach yom i cʌn Dios, wersa mi' ñop mi an Dios, come jiñʌch mu' bʌ i yʌq'uen i chobejtʌbal majqui jach mi' tsajcan.

Santiago 5:15

Mi woli lac ñop ti lac pusic'al che' mi lac pejcan Dios, mi caj i coltan jini xc'amʌjel. Lac Yum mi caj i lajmesan. Mi tsi' cha'le mulil, mux i ñusʌbentel.

1 Juan 3:22

Che' jini mi la cʌq'uentel ti Dios chuqui jach mi laj c'ajtiben, come woli lac ch'ujbiben i mandar. Woli lac mel chuqui mi' mulan Dios.