Mateo 7:13 - Chol: I T’an Dios

¹³ Ochenla ti ch'o'ch'oc bʌ i ti', come colem i ti', ñuc i bijlel mu' bʌ i majlel ti tojmulil. Cabʌlob mi' yochelob ya'i.

Jiñi Tsiji' bʌ Wen T'añ cha'añ Estudio

¹³ Ochenla ti ch'och'oc bʌ i ti', come colem i ti', ñuc i bijlel mu' bʌ i pʌyonla majlel ti wocol. Ca'bʌl mi' yochelob ya'i.

Chol de Tumbalá Bible

¹³ Ochenla ti ch'o'ch'oc bʌ i ti', come colem i ti', ñuc i bijlel mu' bʌ i majlel ti tojmulil. Cabʌlob mi' yochelob ya'i.

Jiñi Tsiji' bʌ Wen T'añ cha'añ Estudio

¹³ Ochenla ti ch'och'oc bʌ i ti', come colem i ti', ñuc i bijlel mu' bʌ i pʌyonla majlel ti wocol. Ca'bʌl mi' yochelob ya'i.

Chol Tila

¹³ Che' wʌ' tyo añetla ti mulawil cha'lenla xʌmbal ti bij saj bʌ i ti' yubil. Colem i pochtyʌlel, ñuc i ti' jini bij ba' mi' majlelob ti xot'mulil. An cabʌl mu' bʌ i yochelob ya'i.

Mateo 7:13 Iomraidhean Croise

Genesis 6:12

Dios tsi' q'uele jontol jax pejtel winicob x'ixicob, come tsi' socoyob i bʌ ti pañimil.

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Proverbios 16:25

Toj mi' lon q'uelob i bijlel winicob x'ixicob, pero mi' cajelob ti chʌmel mu' bʌ i xʌñob majlel.

Proverbios 7:27

Jini am bʌ ti mal i yotot anix ti' bijlel chʌmel. Wolix i jubel majlel ti' bijlel mucoñibʌl.

Proverbios 9:6

Cʌyʌx a mul. Taja a cuxtʌlel. Toj yom ma' mel che' bajche' jini mu' bʌ i ch'ʌmbeñob isujm, che'en.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Isaias 35:8

Ya'i mi caj i ñumel colem bij. Jini bij mi caj i yotsʌbentel i c'aba' Ch'ujul bʌ bij. Come ma'anic mi caj i xʌñob jini año' bʌ i mul. Lac Yum mi caj i cha'len xʌmbal a wic'ot ti jini bij. Ma'anic mi caj i chʌn sajtel jini mu' bʌ i cha'len xʌmbal ya'i anquese ma'anic i ña'tʌbal.

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Mateo 23:13

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come woli la' mʌctʌbeñob winicob x'ixicob i ti' ba' mi' yochelob ti' yumʌntel jini am bʌ ti panchan. Jatetla ma'anic mi la' wochel. Che' ja'el, ma'anic mi la' wʌc'ob ti ochel jini yomo' bʌ ochel.

Mateo 25:41

Che' ja'el, mi caj i subeñob año' bʌ ti' ts'ej: “Cucula, chojquemet bʌ la ti Dios. Ochenla ti c'ajc mach bʌ anic mi' jilel, jini c'ajc chajpʌbil bʌ cha'an xiba yic'ot i yángelob.

Mateo 25:46

Jini cha'an mi caj i majlelob ti tojmulil mach bʌ anic mi' jilel. Jini tojo' bʌ i pusic'al mi caj i majlelob ba' ma'anic mi' jilel i cuxtʌlel, che'en Jesús.

Mateo 3:2

Tsi' yʌlʌ: Cʌyʌx la' mul come lʌc'ʌlix i yumʌntel jini am bʌ ti panchan, che'en.

Mateo 3:8

Melela toj bʌ la' melbal mi woli la' cʌy la' mul.

Mateo 7:14

Come ch'o'ch'oc i ti', ch'o'ch'oc i bijlel ba' mi la' taj la' cuxtʌlel. Ts'ita' jax jini mu' bʌ i yochelob i taj i cuxtʌlel.

Lucas 14:33

Che' ja'el, mi an juntiquil mach bʌ yomic i len cʌy pejtelel i chubʌ'an, mach mejlic ti ochel ti xcʌnt'an c cha'an.

Lucas 9:33

Che' bʌ tsa' cajiyob ti majlel jini cha'tiquil, Pedro tsi' sube Jesús: Maestro, uts'at mi laj cʌytʌl ilayi. La' c mel lojon uxp'ejl lejchempat, jump'ejl cha'añet, jump'ejl cha'an Moisés, jump'ejl cha'an Elías, che'en. Ma'anic tsi' ña'ta Pedro chuqui woli yʌl.

Juan 10:9

Joñon i Ti'on ba' mi' yochel tiñʌme'. Jini mu' bʌ i yochel ti joñon mi caj i coltʌntel. Mi' caj ti ochel. Mi' caj ti loq'uel. Mi caj i taj wen bʌ jam.

Juan 14:6

Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Hechos 3:19

Jini cha'an cʌyʌ la' mul. Sutq'uin la' bʌ cha'an mi' yajpel la' mul, cha'an mi la' taj la' p'ʌtʌlel ti Espíritu yic'ot tijicña bʌ la' pusic'al ti lac Yum. Dios mi caj i chocbeñetla tilel Jesús jini Cristo wa'chocobil bʌ i cha'an.

Romanos 9:22

¿Chuqui che' jini? Anquese yom Dios i pʌs i mich'ajel yic'ot i p'ʌtʌlel, wen jal tsi' cuchbeyob i mul jini tsa' bʌ i techbeyob i mich'ajel mu' bʌ caj i jisʌntelob.

2 Corintios 4:4

Satanás, jiñʌch i dios jini jontolo' bʌ ti pañimil. Tsa'ix i yʌpbeyob i wut jini mach bʌ anic mi' ñopob Cristo, ame i q'uelob i sʌclel jini wen t'an ba' tsiquil i ñuclel Cristo i yejtal bʌ Dios.

2 Corintios 6:17

“Jini cha'an loq'uenla ti' tojlel mach bʌ anic mi' ñopob. Tʌts'ʌ la' bʌ ba' añob”, che'en lac Yum. “Mach mi la' ñochtan chuqui tac bibi'. Mi caj c pʌyetla tilel ba' añon.

Gálatas 5:24

Pejtelel i cha'año' bʌ Cristo tsa'ix i ch'ijiyob ti cruz i tsucul pusic'al yic'ot pejtelel i colosojlel yic'ot chuqui mi' mulan.

Filipenses 3:19

Mi caj i jisʌntelob come woli' diosiñob chuqui yom i bʌc'tal. Mi' lon q'uelob i bʌ ti ñuc cha'an i melbalob anquese quisintic. Mi' yʌc'ob ti' pusic'al chuqui jach an ti pañimil.

1 Juan 5:19

La cujil i cha'añonla Dios. Pejtelel i cha'año' bʌ pañimil añob ti' c'ʌb jini xjontolil.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.

Apocalipsis 20:15

Majqui jach mach ts'ijbubilic i c'aba' ti jun ba' ts'ijbubil i c'aba' jini año' bʌ i cuxtʌlel, tsa' chojqui ochel ti colem c'ajc.

Apocalipsis 20:3

Tsi' choco ochel ti ch'en mach bʌ anic i yebal. Tsi' ñup'u. Tsi' yʌq'ue i sellojlel cha'an ma'anic mi' chʌn lotin tejclumob ti pañimil c'ʌlʌl jinto mi' ts'ʌctiyel lujunc'al i yuxbajc' jab. Che' ñumenix, wersa mi' colel jumuc'.