Mateo 7:11 - Chol: I T’an Dios

¹¹ Anquese jontoletla la' wujil la' wʌq'uen la' walobilob chuqui uts'at. ¿Mach ba ñumenic yujil la' Tat am bʌ ti panchan? Mi' yʌq'ueñob chuqui uts'at jini mu' bʌ i c'ajtibeñob.

Jiñi Tsiji' bʌ Wen T'añ cha'añ Estudio

¹¹ Anquese jatetla jontoletla, la' wujil i yʌq'uentel la' walobilob chuqui uts'at. ¿Mach ba ñumen yujilic ac'ol chuqui uts'at la' Tat am bʌ ti panchan che' mi la' c'ajtiben?

Chol de Tumbalá Bible

¹¹ Anquese jontoletla la' wujil la' wʌq'uen la' walobilob chuqui uts'at. ¿Mach ba ñumenic yujil ac'ol la' Tat am bʌ ti panchan? Mi' yʌq'ueñob chuqui uts'at jini mu' bʌ i c'ajtibeñob.

Jiñi Tsiji' bʌ Wen T'añ cha'añ Estudio

¹¹ Anquese jatetla jontoletla, la' wujil i yʌq'uentel la' walobilob chuqui uts'at. ¿Mach ba ñumen yujilic ac'ol chuqui uts'at la' Tat am bʌ ti panchan che' mi la' c'ajtiben?

Chol Tila

¹¹ Che' jini, jatyetla, aunque simaroñetla, a wujila la' wʌq'uen la' walobil wen tyac bʌ. Lac Tyat am bʌ ti panchan más tyo mi quejel i yʌq'uen wen tyac bʌ jini mu' bʌ i c'ajtin.

Mateo 7:11 Iomraidhean Croise

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

2 Samuel 7:19

Come tsa' yajcayon che' maxto anic j c'ʌjñibal. Tsa' wa'chocoyon ti rey. Pero wʌle ñumen cabʌl mi caj a pʌsbeñon i yutslel a pusic'al ti' tojlel c p'olbalob ti pejtelel ora. C Yum Dios, mach che'ic mi' melob winicob bajche' jini.

Job 15:16

Jixcu jatet tuw a tsoy. Ts'a'lebilet ti winicob. ¿Sʌquet ba? Che' bajche' mi' chʌy ja' esponja, che'ʌch mi' toyet a mul.

Salmos 84:11

Come lac Yum Dios lac Mʌctʌjibʌch, lac Sʌclelʌch. Lac Yum mi' p'untañonla. Mi' yʌq'ueñonla lac ñuclel. Mux i yʌq'uentelob chuqui tac uts'at jini sʌco' bʌ i pusic'al.

Salmos 85:12

Isujm, lac Yum mi caj i yʌc' chuqui tac uts'at. Mi caj i yʌq'uen i wut lac pʌc'ʌbʌl.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Isaias 49:15

Pero mach isujmic. ¿Mu' ba ñajʌyel i cha'an x'ixic i yalobil? ¿Mu' ba i cʌy i c'uxbin i yalobil tsa' bʌ i yʌc'ʌ ti pañimil? Añʌch mu' bʌ i cʌy mu' bʌ i ñajʌyel i cha'an. Pero joñon mach che'icon. Mach ñajʌyiyetic c cha'an.

Isaias 63:7

Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi.

Jeremias 17:9

Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Jeremias 33:14

Tal to i yorajlel che' mi caj c ts'ʌctesan pejtel c t'an tsa' bʌ c wʌn subeyet. Mi caj j coltan i p'olbal Israel yic'ot i p'olbal Judá.

Oseas 14:2

Yom mi la' c'ajtiben lac Yum ti wocol t'an: Lu' loc'sʌbeñon lojon c sojquemal. Pʌsbeñon lojon i yutslel a pusic'al. Yom uts'at ma' q'uelon lojon. Che' jini mi caj c sub lojon a ñuclel.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Malaquias 1:6

Jini ch'iton mi' q'uel ti ñuc i tat. Jini x'e'tel mi' q'uel ti ñuc i yum. Ubinla motomajob, la' taton. ¿Chucoch ma'anic mi la' c'uxbiñon? La' Yumon. ¿Chucoch ma'anic mi la' q'uelon ti ñuc? che'en i Yum Panchan yic'ot Pañimil. Mi la' lon al: “¿Bajche' tsac ts'a'lebeyet a c'aba'?” che'etla.

Mateo 23:9

Mach mi la' tatin yambʌ winic ti pañimil, come juntiquil jach la' Tat, jiñʌch am bʌ ti panchan.

Mateo 7:10

Mi tsi' c'ajtibe chʌy, ¿mu' ba i yʌq'uen lucum?

Juan 3:16

Come che'i tsi' wen c'uxbi jini año' bʌ ti pañimil Dios. Tsi' yʌc'ʌ cojach bʌ i Yalobil. Majqui jach mi' ñop i Yalobil, ma'anic mi' sajtel. Mi' taj i cuxtʌlel mach bʌ anic mi' jilel.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

Romanos 3:9

Jixcu jini judíojob, ¿mu' ba i lon ña'tañob tojob? ¿Mach ba lajalobic bajche' jini gentilob? Lajalob cu, come tsa'ix c subu lojon an i mul israelob yic'ot gentilob, come ti pejtelonla chuculonla ti' p'ʌtʌlel mulil.

Romanos 8:32

Dios ma'anic tsi' p'unta i Yalobil, pero tsi' yʌc'ʌ ti chʌmel cha'añonla ti lac pejtelel. ¿Mach ba muq'uic i yʌq'ueñonla yic'ot Cristo pejtelel chuqui yom lac cha'an?

Gálatas 3:22

Pero i t'an Dios mi' yʌl woli' yajñelob ti' p'ʌtʌlel mulil pejtelel año' bʌ ti pañimil cha'an mi la cʌq'uentel jini albil bʌ ti Dios che' mi lac ñop Jesucristo, come majqui jach mi' ñop mi' coltʌntel.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

1 Juan 3:1

Cabʌl tsi' c'uxbiyonla lac Tat. Jini cha'an mi lac pejcʌntel ti' yalobil Dios. Melel i yalobilonla. Jini cha'an ma'anic mi' cʌñonla i cha'año' bʌ pañimil, come mach i cʌñʌyobic Dios.

1 Juan 4:10

Jiñʌch mero c'uxbiya. Mach joñonicla tsa' laj c'uxbi Dios pero jini tsi' c'uxbiyonla. Tsi' choco tilel i Yalobil cha'an mi' toj lac mul, cha'an mi' lajmel i mich'ajel ti lac tojlel.