Mateo 6:9 - Chol: I T’an Dios

⁹ Cha'lenla oración che' bajche' jini: C Tat lojon añet bʌ ti panchan, la' ch'ujutesʌntic a c'aba'.

Jiñi Tsiji' bʌ Wen T'añ cha'añ Estudio

⁹ Cha'lenla oración che' bajche' iliyi: C Tat lojon añet bʌ ti panchan, la' ch'ujutesʌntic a c'aba'.

Chol de Tumbalá Bible

⁹ Cha'lenla oración che' bajche' jini: C Tat lojon añet bʌ ti panchan, la' ch'ujutesʌntic a c'aba'.

Jiñi Tsiji' bʌ Wen T'añ cha'añ Estudio

⁹ Cha'lenla oración che' bajche' iliyi: C Tat lojon añet bʌ ti panchan, la' ch'ujutesʌntic a c'aba'.

Chol Tila

⁹ Jin cha'an chʌ'ʌch yom mi la' cha'len oración. Yom mi la' wʌl: C Tyat lojon, ya' bʌ añet ti panchan, la' ch'ujutisʌntiquet.

Mateo 6:9 Iomraidhean Croise

2 Samuel 7:26

La' q'uejlic ti ñuc a c'aba' ti pejtelel ora. La' i subob winicob: “Jini Yumʌl am bʌ pejtelel i p'ʌtʌlel jiñʌch i Dios israelob”, che'ob che' wa'chocobilob c p'olbalob tic buchlib ti a tojlel.

1 Reyob 8:43

yom ma' q'uelob ya' ba' chumulet ti panchan. Ubibeñob i t'an jini ñajt bʌ chumulob. Mele che' bajche' mi' c'ajtibeñet cha'an mi' laj cʌñob a c'aba' ti pejtelel pañimil cha'an mi' bʌc'ñañetob che' bajche' mic bʌc'ñañet lojon. La' i ña'tañob ma' wʌc' a bʌ ti cʌjñel wʌ' ti Templo tsa' bʌ c wa'choco.

1 Cronicas 17:24

La' chʌn ñuq'uesʌntic a c'aba' ti pejtelel ora, cha'an mi' chʌn subob: “I Yum panchan jiñʌch i Dios israelob”, che'ob. Jini cha'an la' chʌn ajnic ti uts'at ti a wut jini calobilob yic'ot c p'olbalob.

2 Cronicas 20:6

Tsi' cha'le oración: C Yum i Dioset c ñojte'el lojon. ¿Mach ba Diosetic ya' ti panchan yic'ot ti' tojlel pejtelel yumʌlob ti pañimil? Wen cabʌl a p'ʌtʌlel. Ma'anic majch mi' mʌjlel i cha'an ti a tojlel mi chan mi' q'uel i bʌ.

Nehemias 9:5

Jini levíjob: Jesúa, Cadmiel, Bani, Hasabnías, Serebías, Hodías, Sebanías yic'ot Petaías tsi' subeyob israelob: Wa'i'la. Ch'ujutesan la' Yum Dios wʌle yic'ot ti pejtelel ora, che'ob. Tsa' caji' pejcañob Dios: La' ch'ujutesʌntic jini ñuc bʌ a c'aba'. Ñumen ñuc a c'aba' bajche' mi mejlel i subob winicob, che'ob.

Salmos 111:9

Lac Yum tsi' mʌñʌ i cha'año' bʌ. Tsi' yʌc'ʌ xuc'ul bʌ i t'an mu' bʌ i yajñel ti pejtelel ora. Ch'ujul i c'aba', bʌc'ñʌbil ja'el.

Salmos 115:3

Ya'ʌch an lac Dios ti panchan. Mi' mel chuqui jach yom i pusic'al.

Salmos 72:18

La' ch'ujutesʌntic lac Yum Dios, i Dios Israel, Mu' bʌ i bajñel mel ñuc tac bʌ i melbal.

Isaias 37:20

Wʌle, c Yum, c Dioset bʌ lojon, coltañon lojon ti a p'ʌtʌlel. La' loq'uicon lojon ti' p'ʌtʌlel cha'an mi' ña'tañob pejtelel yumʌlob ti pañimil jatet jach cojach bʌ Dioset. Che' tsi' cha'le oración.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 6:3

Mi' jac'ob i bʌ ti c'ay: Ch'ujulet, wen Ch'ujulet Dios, i Yumet Panchan yic'ot Pañimil. But'ul pejtel pañimil ti a ñuclel, che'ob.

Isaias 63:16

Mach chʌn mejlix i coltañon lojon jini Abraham yic'ot Jacob, pero mi mejlel jatet, come c Tatet lojon, Caj Coltayajet lojon. Jiñʌch a c'aba' ti pejtelel ora.

Isaias 64:8

Pero c Yumet lojon, c Tatet lojon. Añon lojon ti a c'ʌb che' bajche' oc'ol ti' c'ʌb xmel p'ejt. Tic pejtelel lojon a melbalon lojon.

Isaias 66:1

Lac Yum tsi' yʌlʌ: Jini panchan jiñʌch c buchlib. Jini pañimil jiñʌch i yajñib coc. ¿Baqui mi caj la' wa'chocobeñon cotot? ¿Baqui mi caj la' melbeñon c chumlib ba' mij c'aj co?

Ezequiel 36:23

Muq'uix c cha' ac' ti cʌjñel j c'aba' mach bʌ anic tsa' la' p'isi ti wenta ti' tojlel winicob ti pañimil. Che' mic pʌyetla loq'uel cha'an ch'ujul mi la' wajñel tic tojlel, mi caj i ña'tañob ch'ujulon, Dioson.

Ezequiel 38:23

Che'ʌch mi caj c pʌs c ñuclel come ch'ujulon. Mi caj cʌc' ti c'uxbintel j C'aba' ti' tojlel cabʌl tejclum tac. Mi caj i ña'tañob Yumʌlon”. Che' yom ma' suben Gog, che'en Dios.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Habacuc 2:14

Tal i yorajlel che' mi caj i wen p'ojlel i ña'tʌntel lac Yum ti pejtelel pañimil che' bajche' mi' mʌctan lum jini colem ñajb.

Zacarias 14:9

Lac Yum mi caj i yochel ti Rey ti' tojlel pejtel pañimil. Ti jim bʌ ora jini jach lac Yum mi caj i ch'ujutesʌntel come juntiquil jach. Ma'anic yambʌ.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

Mateo 10:29

¿Mach ba anic mi' chojñel cha'cojt xpuruwoc ti jump'ejl taq'uin? Pero mi mach yomic la' Tat, ma'anic mi' yajlel ti lum mi juncojtic.

Mateo 23:9

Mach mi la' tatin yambʌ winic ti pañimil, come juntiquil jach la' Tat, jiñʌch am bʌ ti panchan.

Mateo 26:29

Pero mic subeñetla, ma'anix mic chʌn jap i ya'lel ts'usub jinto che' temel quic'otetla mic jap jini tsiji' bʌ ti' yumʌntel c Tat, che'en Jesús.

Mateo 26:42

Ti' cha'yajlel tsa' majli Jesús i cha'len oración. Tsi' yʌlʌ: C Tat mi mach mejlic ti tʌjts'el ili wocol, mi wersa yom mij cuch, mele bajche' yom a pusic'al, che'en.

Mateo 5:16

Che' yom mi la' pʌsbeñob winicob x'ixicob la' sʌclel yic'ot wen bʌ la' we'tel. Che' mi' q'uelob mi caj i tsictesañob i ñuclel la' Tat am bʌ ti panchan.

Mateo 5:48

Jini cha'an yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan.

Mateo 6:14

Come mi woli la' ñusʌben i mul la' pi'ʌlob, la' Tat ti panchan mi' ñusʌbeñetla la' mul.

Mateo 6:6

Pero jatet, che' ma' cha'len oración, ochen ti' mal a wotot. Mʌcʌ i ti' a wotot. Pejcan a Tat am bʌ ti mucul. Jini a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal ti jamʌl.

Mateo 7:11

Anquese jontoletla la' wujil la' wʌq'uen la' walobilob chuqui uts'at. ¿Mach ba ñumenic yujil la' Tat am bʌ ti panchan? Mi' yʌq'ueñob chuqui uts'at jini mu' bʌ i c'ajtibeñob.

Lucas 15:18

Mi caj c ch'ojyel. Muq'uix c majlel ba'an c tat. Mi caj c suben c tat: Tsac cha'le mulil ti' contra jini am bʌ ti panchan yic'ot ti a tojlel.

Lucas 15:21

I yalobil tsi' sube: “C tat, tsac cha'le mulil ti' contra jini am bʌ ti panchan yic'ot ti a tojlel. Mach uts'aticon cha'an mic pejcʌntel ti a walobil”, che'en.

Lucas 2:14

Tsi' yʌlʌyob: Wen ñuc Dios am bʌ ti panchan. Wʌ' ti pañimil woli' yʌq'uentelob i ñʌch'tilel i pusic'al winicob x'ixicob mu' bʌ i q'uejlelob ti uts'at ti Dios, che'ob.

Juan 20:17

Jesús tsi' sube: Mach a chʌn chucon, come maxto anic tsa' letsiyon majlel ba'an c Tat. Cucu ba'an quermanojob. Subeñob: “Mic letsel majlel ba'an c Tat, jiñʌch la' Tat ja'el. Mic letsel majlel ba'an c Dios, jiñʌch la' Dios ja'el”, che'en.

Romanos 1:7

Wolic ts'ijbubeñetla jini jun pejteletla añet bʌ la ti Roma. C'uxbibiletla i cha'an Dios tsa' bʌ i pʌyʌyetla cha'an mi la' wochel ti ch'ujul. La' i yʌq'ueñetla Dios yic'ot lac Yum Jesucristo i yutslel yic'ot i ñʌch'tilel i pusic'al.

Romanos 8:15

Dios tsi' yʌq'ueyetla i yEspíritu. Ma'anic tsi' yotsayetla ti mozo cha'an mi la' mel to'ol e'tel yic'ot bʌq'uen. Mi' yʌq'ueñetla la' ña'tan ochemetla ti' yalobil Dios. Jini cha'an mi la cʌl: Papa, c Tat, cho'onla.

Gálatas 1:1

Pablojon, apóstolon. Mach chocbilonic majlel i cha'an winicob mi ti' p'ʌtʌlelic winic. Chocbilon majlel i cha'an Jesucristo yic'ot Dios lac Tat tsa' bʌ i teche ch'ojyel Jesús ba'an chʌmeño' bʌ.

Gálatas 4:6

I yalobiletla. Dios tsi' choco tilel ti lac pusic'al i yEspíritu i Yalobil mu' bʌ i yʌl: Papa, c Tat, che'en.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

1 Pedro 1:17

Mi woli la' pejcan ti la' Tat jini mu' bʌ i mel pejtel winicob ti toj, mu' bʌ caj i meletla ti jujuntiquil che' bajche' an la' melbal, ajñenla ti bʌq'uen che' wʌ'to añetla ba' mach mero la' lumalic.

Apocalipsis 4:11

Uts'at c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac an. Ti pejtelel tsa' mejli cha'an che'ʌch a wom. Tsa' laj aq'ue i cuxtʌlel, che'ob.

Apocalipsis 5:12

Tsi' yʌlʌyob ti c'am bʌ t'an: Uts'at jini Tiñʌme' tsa' bʌ tsʌnsʌnti. Uts'at mi' ch'ʌm i ye'tel yic'ot i chubʌ'an, yic'ot i ña'tʌbal, yic'ot i p'ʌtʌlel yic'ot i ñuclel. Uts'at mi lac sub i ñuclel, che'ob.