Mateo 6:4 - Chol: I T’an Dios

⁴ Ti mucul yom ma' wʌc' a chubʌ'an. Jini a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal ti jamʌl.

Jiñi Tsiji' bʌ Wen T'añ cha'añ Estudio

⁴ Ti mucul yom ma' wʌc' a chu'bʌañ. Jiñi a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal [ti jamʌl.]

Chol de Tumbalá Bible

⁴ Ti mucul yom ma' wʌc' a chubʌ'an. Jini a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal ti jamʌl.

Jiñi Tsiji' bʌ Wen T'añ cha'añ Estudio

⁴ Ti mucul yom ma' wʌc' a chu'bʌañ. Jiñi a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal [ti jamʌl.]

Chol Tila

⁴ Che' mi la' cotyañob p'ump'uño' bʌ, mucu aq'ueñob jini mu' bʌ a wʌq'ueñob. Che' jini, lac Tyat am bʌ ti panchan chʌncol bʌ i lu' q'uel chʌ bʌ mi' mucu cha'len quixtyañujob mi quejel i yʌq'ueñetla i tyojol la' cha'libal. Che' ti yʌlʌ Jesús.

Mateo 6:4 Iomraidhean Croise

Salmos 139:12

Jini ic'yoch'an bʌ pañimil ma'anic mi' mʌctʌbeñet a wut. Lajal ma' q'uel ac'ʌlel che' bajche' q'uiñil. Lajal mi' c'otel a wut ti ic'yoch'an bʌ che' bajche' ti q'uiñil.

Salmos 17:3

Tsa'ix a wilʌbeyon c pusic'al. Tsa' wʌc'ʌyon ti prueba ti ac'ʌlel. Tsa' q'uele ma'anic jontolil tic pusic'al. Ma'anic jontol bʌ c t'an.

Salmos 44:21

¿Mach ba anic mi' tsictiyel ti a wut? Come cʌmbil i cha'an Dios jini mucul tac bʌ am bʌ ti lac pusic'al.

Proverbios 25:22

Che' jini mux caj a wuts'esʌben i pusic'al. Lac Yum mi caj i tojbeñet.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Jeremias 23:24

¿Mach ba lu' q'uelelic c cha'an ti pejtelel pañimil? Ma'anic majqui mi mejlel i muc i bʌ ba' ma'anic mij q'uel, che'en lac Yum. Ma'anic ba' jochol panchan mi pañimil. Laj c chumlibʌch, che'en lac Yum.

Mateo 10:42

Majqui jach mi' yʌq'uen mi jump'ejlic vaso tsʌni ja' juntiquil ch'o'ch'oc bʌ cha'an xcʌnt'añʌch, isujm mic subeñetla, mi caj i yʌq'uentel i chobejtʌbal. Che' tsi' yʌlʌ Jesús.

Mateo 6:18

Che' jini ma'anic mi' tsictiyel ti' wut winicob x'ixicob mi woliyet ti ch'ajb. Pero mi' tsictiyel ti' wut a Tat am bʌ ti mucul. Jini a Tat, mu' bʌ i q'uel pejtelel mucul tac bʌ, mi caj i yʌq'ueñet a chobejtʌbal ti jamʌl.

Mateo 6:3

Che' ma' wʌq'uen a chubʌ'an p'ump'uño' bʌ, mach ma' wʌc' ti q'uejlel jini woli bʌ a wʌc'.

Mateo 6:6

Pero jatet, che' ma' cha'len oración, ochen ti' mal a wotot. Mʌcʌ i ti' a wotot. Pejcan a Tat am bʌ ti mucul. Jini a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal ti jamʌl.

Lucas 14:14

Mi caj a taj i tijicñʌyel a pusic'al come mach mejlic i cha' q'uextʌbeñet. Mi caj a q'uextʌbentel che' mi' cha' ch'ojyelob jini tojo' bʌ, che'en Jesús.

Lucas 8:17

Ma'anic mucul tac bʌ mach bʌ anic mi' caj ti pʌstʌl. Ma'anic mucul tac bʌ mach bʌ anic mi' caj ti cʌjñel, come mi' caj ti tsictiyel ti' sʌclel pañimil.

1 Corintios 4:5

Jini cha'an mach mi la' sub mi uts'at o mi mach uts'atobic winicob x'ixicob che' maxto i yorajlelic, che' maxto tilemic lac Yum. Come lac Yum mi caj i tsictesan jini mucul tac bʌ mach bʌ tsictiyemic. Mi caj i yʌc' ti tsictiyel chuqui woli lac ña'tan ti lac pusic'al. Che' jini Dios mi caj i tsictesʌbeñob i ñuclel winicob ti jujuntiquil.

Hebreos 4:13

Ma'anic mucul tac bʌ ti' wut Dios. Jamʌl ti' wut pejtel chuqui tac an. Wersa mi caj lac mel lac bʌ ti' tojlel jini mu' bʌ i lu' q'uel.

Judas 1:24

An i p'ʌtʌlel lac Yum cha'an mi' cʌntañetla cha'an ma'anic mi la' yajlel. Tijicña mi caj i yʌq'uetla ti' tojlel i ñuclel, sʌq'uesʌbiletla ti mulil.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.