Mateo 6:1 - Chol: I T’an Dios

¹ Chʌcʌ q'uele la' bʌ cha'an mi la' mel chuqui toj, pero mach cojic jach ti' wut la' pi'ʌlob cha'an mi' q'ueletla, come che' jini ma'anic mi' yʌq'ueñetla la' chobejtʌbal la' Tat am bʌ ti panchan.

Jiñi Tsiji' bʌ Wen T'añ cha'añ Estudio

¹ Chʌcʌ q'uele la' bʌ cha'añ mi la' mel chuqui toj, pero mach cojic jach ti' wut la' pi'ʌlob cha'añ mi' q'ueletla, come che' jiñi ma'añic mi yʌq'ueñetla la' chobejtʌbal la' Tat am bʌ ti panchan.

Chol de Tumbalá Bible

¹ Chʌcʌ q'uele la' bʌ cha'an mi la' mel chuqui toj, pero mach cojic jach ti' wut la' pi'ʌlob cha'an mi' q'ueletla, come che' jini ma'anic mi' yʌq'ueñetla la' chobejtʌbal la' Tat am bʌ ti panchan.

Jiñi Tsiji' bʌ Wen T'añ cha'añ Estudio

¹ Chʌcʌ q'uele la' bʌ cha'añ mi la' mel chuqui toj, pero mach cojic jach ti' wut la' pi'ʌlob cha'añ mi' q'ueletla, come che' jiñi ma'añic mi' yʌq'ueñetla la' chobejtʌbal la' Tat am bʌ ti panchan.

Chol Tila

¹ Q'uele la' bʌ cha'an mach'an mi la' cha'len wen bʌ la' cha'libal ti wut jach la' pi'ʌlob cha'an jach la' wom i q'ueletla ti wen. Como mi chʌ'ʌch mi la' cha'len ma' mi quejel i yʌq'ueñetla i tyojol la' cha'libal lac Tyat am bʌ ti panchan.

Mateo 6:1 Iomraidhean Croise

2 Reyob 10:16

Jehú tsi' sube: Conla. Yom ma' q'uel jini tsa' bʌ c melbe lac Yum, che'en. Che' jini Jonadab tsi' pi'le majlel ya' ti carreta.

2 Reyob 10:31

Pero Jehú ma'anic tsi' pejca lac Yum ti pejtelel i pusic'al, come tsi' chʌn ch'ujutesa jini wacax tsa' bʌ i mele Jeroboam, tsa' bʌ i yʌsa ti mulil jini israelob.

Salmos 112:9

Mi' wen p'ew i chubʌ'an. Mi' t'oxbeñob jini p'ump'uño' bʌ. Toj mi' yajñel ti pejtelel ora. Mi caj i yʌq'uentel ñuc bʌ i ye'tel yic'ot i c'uxbintel.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Daniel 4:27

Jini cha'an c rey, jac'beñon c t'an. Cʌyʌ a mul. Mele chuqui toj. P'untan jini p'ump'uño' bʌ. Muq'uic a mel bajche' iliyi, tic'ʌl mi caj i ñusʌbeñet a mul cha'an ma' chʌn ajñel ti a tijicñʌyel, che'en Daniel.

Zacarias 13:4

Ti jim bʌ q'uin ma'anix majqui mi caj i lon sub i bʌ ti x'alt'an cha'an mi' chañ'esan i bʌ ti' tojlel i pi'ʌlob. Ma'anix majqui mi caj i lʌp i pislel x'alt'añob cha'an mi' lotin winicob.

Zacarias 7:5

Subeñob pejtel winicob yic'ot jini motomajob: “Che' bʌ tsa' la' cha'le ch'ajb yic'ot uq'uel che' ti agosto yic'ot ti octubre ti jujump'ejl jab ili lujump'ejl i chʌnc'al (70) jab tsa' bʌ ñumi ya' ti Babilonia, ¿tsa' ba la' cʌyʌ la' mul cha'an mi la' tsajcañon? Ma'anic.

Mateo 16:27

Come mi caj i tilel i Yalobil Winic ti' ñuclel i Tat yic'ot i yángelob. Mi caj i yʌq'ueñob i tojol winicob x'ixicob ti jujuntiquil cha'an chuqui tac tsi' meleyob.

Mateo 16:6

Jesús tsi' subeyob: Chʌcʌ q'uele la' bʌ cha'an i levadura jini fariseojob yic'ot saduceojob, che'en.

Mateo 23:13

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come woli la' mʌctʌbeñob winicob x'ixicob i ti' ba' mi' yochelob ti' yumʌntel jini am bʌ ti panchan. Jatetla ma'anic mi la' wochel. Che' ja'el, ma'anic mi la' wʌc'ob ti ochel jini yomo' bʌ ochel.

Mateo 23:5

Ti pejtelel i melbal tac mi' cha'leñob cha'an mi' q'uejlelob ti ñuc ti winicob. Mi' cʌchob ti' jol yic'ot ti' c'ʌb mero ñuc bʌ i yajñib ts'ijbubil bʌ i t'an Dios. Mi' melob wen tam bʌ i ch'ʌjlib rebozo mu' bʌ i xojob ti oración.

Mateo 25:40

Jini Rey mi caj i subeñob: “Isujm mic subeñetla, che' bʌ tsa' la' colta juntiquil quermano, anquese mach ñuquic, tsa' la' coltayon ja'el”, che'en.

Mateo 5:16

Che' yom mi la' pʌsbeñob winicob x'ixicob la' sʌclel yic'ot wen bʌ la' we'tel. Che' mi' q'uelob mi caj i tsictesañob i ñuclel la' Tat am bʌ ti panchan.

Mateo 5:46

Come mi jini jach c'ux woli la' wubin jini c'ux bʌ mi' yubiñetla, ¿uts'at ba ma' q'uejlel che' jini? ¿Mach ba che'ic mi' melob xch'ʌm tojoñelob ja'el?

Mateo 5:48

Jini cha'an yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan.

Mateo 6:16

Che' ja'el che' woliyetla ti ch'ajb, mach mi la' mel ti ch'ijiyem la' wut che' bajche' jini cha'chajp jax bʌ i pusic'al. Leco mi' melob i wut cha'an mi' q'uejlelob che' woliyob ti ch'ajb. Isujm mic subeñetla, tsa'ix i tajayob i chobejtʌbal.

Mateo 6:9

Cha'lenla oración che' bajche' jini: C Tat lojon añet bʌ ti panchan, la' ch'ujutesʌntic a c'aba'.

Marcos 8:15

Jesús tsi' subeyob: Chʌcʌ q'uele la' bʌ cha'an i levadura fariseojob yic'ot i levadura Herodes, che'en.

Lucas 11:35

Q'uele che' jini, ame i'ic'ic ma' q'uel i sʌclel pañimil.

Lucas 12:1

Ti jim bʌ ora tsi' tempayob i bʌ wen cabʌl winicob x'ixicob jinto che' wolix i t'uchtʌbeñob i bʌ i yoc. Jesús tsa' caji i ñaxan pejcan xcʌnt'añob i cha'an. Tsi' yʌlʌ: Chʌcʌ q'uele la' bʌ cha'an i levadura fariseojob, jiñʌch i cha'p'ejlel i pusic'al.

Lucas 12:15

Tsi' subeyob: Chʌcʌ q'uele la' bʌ cha'an ma'anic chuqui tac mi la' tsʌjyun. Mach cuxulobic winicob cha'an ti cabʌl i chubʌ'an, che'en.

Lucas 16:15

Jesús tsi' subeyob: Jatetla, la' wom la' q'uejlel ti toj cha'an winicob. Dios mi' cʌn la' pusic'al. Chuqui tac mi' q'uelob ti ñuc winicob x'ixicob, ts'a' mi' q'uel Dios, che'en.

Juan 12:43

Come tsa' jach i mulayob i ñuclel ti' tojlel winicob. Ma'anic tsi' mulayob i ñuclel ti Dios.

Juan 5:44

¿Bajche' mi mejlel la' ñop? Mi la' taj la' ñuclel ti winicob. Ma'anic mi la' sajcan la' ñuclel ch'oyol bʌ ti jini cojach bʌ Dios.

Hechos 3:12

Pedro che' bʌ tsi' q'ueleyob tsi' subeyob: Winicob ti Israel, ¿chucoch mi' toj sajtel la' pusic'al cha'an tsa'ix p'ʌt'a i yoc jini winic? ¿Chucoch mi la' ch'ujch'uj q'uelon lojon che' bajche' mi tic bajñel p'ʌtʌlel, tic bajñel uts'atlel, tsa cʌq'ue lojon i p'ʌtʌlel ti xʌmbal ili winic?

Gálatas 6:12

Pejtelel yomo' bʌ q'uejlel ti ñuc mi' wersa xic'beñetla cha'an mi la' ch'ʌm tsep pʌchʌlel, come mach yomobic i yubin wocol cha'an i cruz Cristo.

Deuteronomio 24:13

Che' maxto bʌjlemic q'uin, yom ma' cha' sutq'uiben i pislel cha'an mi' c'ʌn ti wʌyel. Che' jini uts'at mi caj i q'uelet. Uts'at mi caj i q'uelet ja'el lac Yum Dios.

Hebreos 11:26

Tsi' ña'ta ti' pusic'al ñumen an i c'ʌjñibal lac tic'lʌntel cha'an Cristo bajche' pejtelel chubʌ'añʌl ti Egipto. Come xuc'ul tsi' pijta i chobejtʌbal.

Hebreos 2:1

Jini cha'an wersa yom mi lac wen ac' ti lac pusic'al jini t'an tsa' bʌ la cubi ame laj cʌy mi mach yʌxʌlic la co.

Hebreos 6:10

Come mach jontolic Dios. Mach ñajʌyic i cha'an la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ. Woli to la' coltañob.

2 Juan 1:8

Chʌcʌ q'uele la' bʌ cha'an ma'anic mi la' sʌt i chobejtʌbal la' we'tel. Yom ts'ʌcʌl mi la' taj la' chobejtʌbal.