Mateo 5:5 - Chol: I T’an Dios

⁵ Tijicñayob jini pec' bʌ mi' melob i bʌ, come mi caj i yʌq'uentelob pañimil.

Jiñi Tsiji' bʌ Wen T'añ cha'añ Estudio

⁵ Tijicñayob jiñi utso' bʌ i pusic'al, come mi caj i yʌq'ueñtelob pañimil.

Chol de Tumbalá Bible

⁵ Tijicñayob jini pec' bʌ mi' melob i bʌ, come mi caj i yʌq'uentelob pañimil.

Jiñi Tsiji' bʌ Wen T'añ cha'añ Estudio

⁵ Tijicñayob jiñi utso' bʌ i pusic'al, come mi caj i yʌq'ueñtelob pañimil.

Chol Tila

⁵ Tijicñayob jini mu' bʌ i ju'san i bʌ como mi quejel i yʌq'uentyelob ti pejtyelel wen tyac bʌ i cha'an bʌ mulawil bajche' ti wʌ alʌ Dios mi quejel i yʌq'uentyelob.

Mateo 5:5 Iomraidhean Croise

Salmos 147:6

Lac Yum mi' p'ʌtesan jini utso' bʌ. Mi' jisʌbeñob i p'ʌtʌlel jini jontolo' bʌ.

Salmos 149:4

Come lac Yum tijicña mi' q'uel i cha'año' bʌ. Mi' coltan jini utso' bʌ.

Salmos 22:26

Jini mu' bʌ i yubiñob wocol mi' cajelob ti we'el. Mi caj i ñaj'añob, Jini mu' bʌ i sajcañob lac Yum, mi caj i ch'ujutesañob. La' ajnicob ti pejtelel ora jini mu' bʌ i sajcañob.

Salmos 25:13

Wen chumul mi' caj ti ajñel, tijicña i pusic'al. I p'olbal mi caj i yʌq'uentel i lumal ti' majtan.

Salmos 25:9

Mi' pʌsben jini utso' bʌ i pusic'al bajche' yom mi' melob. Mi' toj'esan majlel jini pec'o' bʌ ti' bijlel.

Salmos 37:11

Jini utso' bʌ i pusic'al mi caj i yʌq'uentelob i wenlel. Tijicña mi caj i yubiñob che' ñʌch'ʌlob i pusic'al.

Salmos 37:22

Jini c'uxbibilo' bʌ ti lac Yum mi caj i yʌq'uentelob jini lum. Jini chocbilo' bʌ ti lac Yum mi caj i jisʌntelob.

Salmos 37:29

Mi caj i yʌq'uentelob jini pañimil jini tojo' bʌ. Mi caj i yajñelob ti pejtelel ora.

Salmos 37:34

Ñopo lac Yum, jac'ben chuqui mi' yʌl. Mi caj i yʌq'ueñet a ñuclel. Mi caj a wʌq'uentel jini pañimil. Mi caj a q'uel che' mi' jisʌntelob jini jontolo' bʌ.

Salmos 37:9

Jini mu' bʌ i cha'leñob jontolil mi caj i chojquelob ti tojmulil. Jini mu' bʌ i chʌn pijtañob lac Yum mi caj i yʌq'uentelob i wenlel.

Salmos 69:32

Jini utso' bʌ i pusic'al mi caj i q'uelob. Jini cha'an tijicñayob. La' cha' p'ʌt'acob i pusic'al jini mu' bʌ i sajcañob Dios.

Isaias 11:4

Mi caj i coltan jini p'ump'uño' bʌ yic'ot jini utso' bʌ mu' bʌ i tic'lʌntelob. Ti' t'an jach mi caj i jisan jini tsʌtso' bʌ i pusic'al yic'ot xjontolilob.

Isaias 29:19

Tijicña mi caj i yubiñob ti lac Yum jini pec' bʌ mi' melob i bʌ. Jini pobrejo' bʌ mi caj i tajob i ñuclel ti jini Ch'ujul Bʌ i cha'an Israel.

Isaias 60:21

Toj mi caj i yajñelob la' pi'ʌlob ti jujuntiquil. Mi caj i yajñelob ti jini lum ti pejtelel ora che' bajche' c'oc' bʌ i buts te' tsa' bʌ c pʌc'ʌ mu' bʌ i wen colel. Jiñʌch c melbal tsa' bʌ c mele. Ñuc mi caj c pʌs c bʌ ti' tojlelob.

Isaias 61:1

An i yEspíritu lac Yum Dios tic pusic'al, come lac Yum tsi' yajcayon cha'an mic subeñob jini wen t'an jini utso' bʌ. Tsi' chocoyon tilel cha'an mic lajmesʌbeñob i ch'ijiyemlel i pusic'al jini ch'ijyemo' bʌ, cha'an mic subeñob loq'uel jini ñup'ulo' bʌ, cha'an mic jambeñob i ti' mʌjquibʌl ba' ñup'ulob,

Sofonias 2:3

C'ajtiben la' coltʌntel pejtel utso' bʌ la' pusic'al tsa' bʌ la' ñopbe i t'an. Yom mi la' sajcan la' toj'esʌntel yic'ot i yutslel la' pusic'al. Tic'ʌl che' jini mi caj i ñusañet lac Yum che' mi' choc tilel i mich'ajel ti jini bʌc'ñʌbil bʌ q'uin.

Numeros 12:3

Lac Yum tsi' yubibeyob i t'an. Uts i pusic'al Moisés ñumen bajche' pejtelel winicob ti pañimil.

Mateo 11:29

Yu'u a bic' cha'an ma' wochel wʌ' tij q'uech. Ñopoyon come utson. Pec' mic mel c bʌ. Muq'uix caj la' taj c'aj o cha'an la' pusic'al.

Mateo 21:5

“Subenla x'ixicob ya' ti Sion, awilan, la' Yum woli' tilel ba' añetla. Pec' mi' mel i bʌ. C'ʌchʌl ti burro woli' tilel, c'ʌchʌl ti' yal burro yujil bʌ cuchijel”, che'en.

Romanos 4:13

Tsa' q'uejli ti toj Abraham cha'an tsi'ñopo Dios. Jini cha'an Dios tsi' yʌq'ue i t'an. Mach cha'anic ti' jac'ol jini mandar, pero cha'an ti' ñopol Dios tsa' subenti Abraham yic'ot i p'olbal mux i yʌq'uentelob jini pañimil ti' wenta.

Gálatas 5:23

la cutslel, yic'ot i tic'ol lac pusic'al. Mach tic'bilic jini mu' bʌ i mel bajche' iliyi.

Efesios 4:2

Ajñenla ti pec' ti' yutslel la' pusic'al. Chʌn cuchbeñob i sajtemal la' pi'ʌlob ti la' c'uxbiya.

Colosenses 3:12

Yajcʌbiletla i cha'an Dios, ch'ujuletla, c'uxbibiletla. Jini cha'an lʌpʌla tsiji' bʌ la' pusic'al yujil bʌ p'untaya yic'ot c'uxbiya. Q'uele la' bʌ ti pec'. Yom uts la' pusic'al. Cuchula wocol.

1 Timoteo 6:11

Jatet i winiquet bʌ Dios, puts'tan pejtelel mulil. Chʌn tsajcan chuqui toj yic'ot chuqui ch'ujul. Chʌn ñopo Dios ti xuc'ul yic'ot c'uxbiya, yic'ot i cuchol wocol ti uts'at, yic'ot uts bʌ a pusic'al.

2 Timoteo 2:25

Yom mi' toj'esan i contrajob yic'ot uts bʌ t'an. Tic'ʌl mi Dios mi caj i yʌq'ueñob i cʌy i mul cha'an mi' ñopob chuqui isujm,

Tito 3:2

Suben xñopt'añob cha'an ma'anic mi' cha'leñob u'yaj, cha'an ma'anic mi' cha'leñob leto, cha'an utsob jach mi' pʌsbeñob pejtelel winicob i yutslel i pusic'al.

Santiago 1:21

Jini cha'an cʌyʌla pejtelel chuqui tac bibi' yic'ot pejtelel jontolil. Ti' yutslel la' pusic'al ch'ujbinla jini t'an tsa' bʌ ochi ti la' pusic'al che' bajche' pac' mu' bʌ mejlel i coltan la' ch'ujlel.

Santiago 3:13

Majqui jach an cabʌl i pusic'al yic'ot cabʌl i ña'tʌbal, la' i tsictesan ti wen bʌ i melbal. Yom pec' mi' mel i pusic'al che' mi' mel chuqui wen yic'ot wen bʌ i ña'tʌbal.

1 Pedro 3:15

Pero chʌn yumanla Cristo ti la' pusic'al. Yom chajpʌbil la' pusic'al ti pejtelel ora cha'an mi la' suben la' pi'ʌlob baqui tilem la' pijtaya che' mi' c'ajtibeñetla. Subenla ti uts bʌ t'an yic'ot c'uxbiya.

1 Pedro 3:4

Pero yom i ch'ʌjlil la' pusic'al mach bʌ anic mi' jilel, jiñʌch i yutslel yic'ot i ñʌch'tʌlel la' pusic'al. Jiñʌch c'ax uts'at bʌ ti' wut Dios.