Mateo 5:4 - Chol: I T’an Dios

⁴ Tijicñayob jini woliyo' bʌ ti uq'uel, come muq'uix i ñuq'uesʌbentelob i pusic'al.

Jiñi Tsiji' bʌ Wen T'añ cha'añ Estudio

⁴ Tijicñayob jiñi woliyo' bʌ ti uq'uel, come muq'uix i ñuq'uesʌbentelob i pusic'al.

Chol de Tumbalá Bible

⁴ Tijicñayob jini woliyo' bʌ ti uq'uel, come muq'uix i ñuq'uesʌbentelob i pusic'al.

Jiñi Tsiji' bʌ Wen T'añ cha'añ Estudio

⁴ Tijicñayob jiñi woliyo' bʌ ti uq'uel, come muq'uix i ñuq'uesʌbentelob i pusic'al.

Chol Tila

⁴ Tijicñayob jini ch'ʌjyemo' bʌ como mi quejel i ñuc isʌbentyelob i pusic'al ti Dios.

Mateo 5:4 Iomraidhean Croise

Isaias 12:1

Ti jim bʌ ora mi caj a wʌl: C Yum, mic subeñet wocolix a wʌlʌ. Isujm tsa' cʌn mich'leyon, pero ti ili ora tsa'ix lajmiyet ti a mich'ajel. Tsa'ix a cha' ñuq'uesʌbeyon c pusic'al.

Isaias 25:8

Lac Yum mi caj i junyajlel jisan jini p'ʌtʌl bʌ mu' bʌ i yʌc'onla ti chʌmel. Che' jini ma'anix majqui mi caj i chʌmel ti pejtelel ora. Lac Yum Dios mi caj i sujcubeñonla i ya'lel lac wut. Ma'anix mi caj i ts'a'lentelob i cha'año' bʌ. Mi caj i yʌc'ob ti ñuc ti' tojlel pejtelel winicob ti pejtelel pañimil. Lac Yum tsa'ix i yʌc'ʌ i t'an.

Isaias 30:19

Winicob x'ixicob c cha'año' bʌ ti Jerusalén, ma'anix mi caj la' chʌn cha'len uq'uel. Mi caj i pʌsbeñetla i yutslel che' mi' yubin la' wuq'uel. Mi caj i jac'beñetla.

Isaias 35:10

Wen tijicñayob i pusic'al mi caj i sujtelob jini mʌmbilo' bʌ i cha'an lac Yum. Cha' talob ti jini bij cha'an mi' majlelob ti Sion. Ti pejtelel ora tijicña mi caj i yubiñob. Mi' cajelob ti c'ay. Mi caj i lajmel wocol yic'ot c'amʌjel.

Isaias 57:18

Tsaj q'uele pejtel i melbal. Pero wʌle mi caj c ts'ʌcañob ti' yutslel c pusic'al. Mi caj c toj'esañob majlel. Mi caj cʌq'uen i ñʌch'tʌlel i pusic'al jini ch'ijiyemo' bʌ mu' bʌ i melob i bʌ cha'an i mul.

Isaias 66:10

Yom tem tijicñayetla yic'ot Jerusalén. La' ñuc'ac la' pusic'al pejteletla mu' bʌ la' c'uxbin. Wen tijicñayetla pejteletla tsa' bʌ la' wuc'ta.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Ezequiel 7:16

Jini mu' bʌ i mejlelob ti puts'el majlel ti chan tac bʌ wits che' bajche' x'ujcuts mi caj i yuc'tañob i mul.

Ezequiel 9:4

Tsi' sube: Yom ma' ñumel ti' yojlil Jerusalén cha'an ma' wʌq'ueñob i marcajlel ya' ti' pam jini winicob mu' bʌ i cha'leñob uq'uel yic'ot tsic pusic'al cha'an i jontolil i pi'ʌlob, che'en.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Lucas 16:25

Abraham tsi' sube: “Calobil, ña'tan bajche' tsa' taja chuqui tac wen che' cuxulet to ti pañimil. Lázaro tsi' yubi wocol. Wʌle ñuq'uesʌbil i pusic'al ilayi. Jatet tic'lʌbilet ti wocol.

Lucas 6:21

Tijicñayetla mu' bʌ la' wubin wi'ñal wʌle, come mi caj la' ñaj'an. Tijicñayetla mu' bʌ la' cha'len uq'uel, come mi caj la' cha'len tse'ñal.

Lucas 6:25

Mi caj la' taj wocol ñajetix bʌ la, come mi caj la' wubin wi'ñal. Mi caj la' taj wocol mu' bʌ la' cha'len tse'ñal wʌle, come mi caj la' tsic la' pusic'al. Mi caj la' cha'len uq'uel.

Lucas 7:38

Che' ya' wa'al jini x'ixic ti' pat Jesús, tsa' caji ti uq'uel. Tsa' chʌjq'ui jubel i ya'lel i wut ti' yoc Jesús. Tsi' sujcube ti' tsutsel i jol. Tsi' ts'ujts'ube i yoc. Tsi' boño ti jini xojocña bʌ ts'ac.

Lucas 7:50

Jesús tsi' sube x'ixic: Coltʌbilet cha'an tsa' ñopo. Cucu ti' ñʌch'tilel a pusic'al, che'en.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

Apocalipsis 21:4

Dios mi caj i sujcubeñob i ya'lel i wut. Ma'anix majch mi' caj ti chʌmel. Ma'anix uc'taya mi uq'uel mi wocol ti pejtelel ora. Come tsa'ix ñumi jini ñaxan tac bʌ, che'en.