Mateo 5:3 - Chol: I T’an Dios

³ Tijicña jini mu' bʌ i ña'tañob ma'anic i bajñel wenlel ti' pusic'al, come i cha'añob i yumʌntel jini am bʌ ti panchan.

Jiñi Tsiji' bʌ Wen T'añ cha'añ Estudio

³ Tijicñayob jiñi mu' bʌ i ña'tañob ma'añic i bajñel wenlel i pusic'al come i cha'añob i yumʌntel jiñi am bʌ ti panchan.

Chol de Tumbalá Bible

³ Tijicña jini mu' bʌ i ña'tañob ma'anic i bajñel wenlel ti' pusic'al, come i cha'añob i yumʌntel jini am bʌ ti panchan.

Jiñi Tsiji' bʌ Wen T'añ cha'añ Estudio

³ Tijicñayob jiñi mu' bʌ i ña'tañob ma'añic i bajñel wenlel i pusic'al come i cha'añob i yumʌntel jiñi am bʌ ti panchan.

Chol Tila

³ Tijicñayob jini mu' bʌ i ña'tyañob cha'an mach'an i bajñel wenlel i pusic'al como jiñob mi quejel i yajñel ba' mi' cha'len yumʌl Dios ya' ti panchan.

Mateo 5:3 Iomraidhean Croise

2 Cronicas 33:12

Che' cabʌl i wocol Manasés, tsi' wen peq'uesa i bʌ ti' tojlel lac Yum, i Dios i ñojte'elob.

2 Cronicas 33:19

Laj ts'ijbubil ti' juñilel jini x'alt'añob i yoración Manasés, yic'ot i p'untʌntel ti Dios, yic'ot pejtelel i mul che' bʌ tsi' ñusʌbe i t'an Dios, yic'ot i c'aba' jini tejclum tac ba' tsi' wa'choco pulʌntib, yic'ot ba' tsi' mele jini dios Asera yic'ot yan tac bʌ dioste' che' maxto anic tsi' peq'uesa i bʌ.

2 Cronicas 33:23

Pero ma'anic tsi' peq'uesa i bʌ ti' wut lac Yum che' bajche' i tat. Tsa' caji i yutsi mel chuqui jontol ti' wut lac Yum.

2 Cronicas 34:27

Tsa' mele a pusic'al. Tsa' peq'uesa a bʌ ti' tojlel Dios che' bʌ tsa' wubibe i t'an ti contra ili lum yic'ot i winicob. Tsa' tsili a pislel, tsa' cha'le uq'uel tic tojlel. Jini cha'an tsa'ix c ñich'tʌbeyet a t'an, che'en lac Yum.

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Salmos 1:1

Tijicña jini winic mach bʌ anic mi' pi'len ti xʌmbal jontol bʌ winicob cha'an mi' jac'beñob i t'an, Jini mach bʌ anic mi' wa'tʌl ti' bijlel xmulilob, Jini mach bʌ anic mi' buchtʌl yic'ot xwajleyajob.

Salmos 112:1

¡Aleluya! Tijicña jini winic mu' bʌ i bʌc'ñan lac Yum, mu' bʌ i taj i tijicñʌyel i pusic'al cha'an i mandar.

Salmos 128:1

Tijicñayob pejtel mu' bʌ i bʌc'ñañob lac Yum, Mu' bʌ i cha'leñob xʌmbal ti' bijlel.

Salmos 146:5

Tijicña mu' bʌ i taj i coltʌntel ti' Dios Jacob. Ñʌch'ʌl i pusic'al woli' pijtan lac Yum, come jiñʌch i Dios.

Salmos 2:12

Ts'ujts'unla i Yalobil lac Yum ame mich'ac, Ame jiliquetla ti la' bijlel Che' mi' bʌc' mich'an Dios. Tijicñayob pejtel mu' bʌ i sʌclañob i coltʌntel ti lac Yum.

Salmos 34:18

Lʌc'ʌl an lac Yum ba'an ch'ijiyemo' bʌ i pusic'al. Mi' coltan jini woli bʌ i melob i pusic'al.

Salmos 41:1

Tijicña jini mu' bʌ i ña'tan jini p'ump'un bʌ. Lac Yum mi caj i col che' mi' yubin wocol.

Salmos 51:17

Jini mu' bʌ a mulan jiñʌch ju'sʌbilix bʌ c pusic'al lojon, I wenta tsʌnsʌbil bʌ a majtan. Dios, ma'anic ma' ts'a'len jini ju'sʌbilix bʌ i pusic'al mu' bʌ i cʌy i mul.

Salmos 84:12

I Yumet bʌ Panchan yic'ot Pañimil, tijicña jini xuc'ul bʌ i pusic'al ti a tojlel.

Proverbios 16:19

Jini uts bʌ mu' bʌ i wen pejcan utso' bʌ ñumen tijicña i pusic'al bajche' jini ñuco' bʌ mu' bʌ i t'oxob i xujch'.

Proverbios 29:23

Jini mu' bʌ i chañ'esan i bʌ mi cajel i q'uejlel ti pec'. Jini mu' bʌ i peq'uesan i bʌ mi cajel i q'uejlel ti ñuc.

Proverbios 8:32

Jini cha'an wʌle, calobilob, ñich'tʌben i t'an Dios am bʌ wen bʌ i ña'tʌbal. Come an i coltʌntel jini mu' bʌ i tajob wen bʌ i ña'tʌbal.

Isaias 30:18

Pero lac Yum woli to i pijtañetla jinto mi la' sutq'uin la' bʌ, cha'an mi' pʌsbeñetla i yutslel i pusic'al. Yom i p'untañetla, come tojʌch lac Yum Dios. Tijicñayob pejtelel mu' bʌ i pijtañob lac Yum.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 61:1

An i yEspíritu lac Yum Dios tic pusic'al, come lac Yum tsi' yajcayon cha'an mic subeñob jini wen t'an jini utso' bʌ. Tsi' chocoyon tilel cha'an mic lajmesʌbeñob i ch'ijiyemlel i pusic'al jini ch'ijyemo' bʌ, cha'an mic subeñob loq'uel jini ñup'ulo' bʌ, cha'an mic jambeñob i ti' mʌjquibʌl ba' ñup'ulob,

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Miqueas 6:8

Tsa'ix i pʌsbeyet chuqui uts'at ti' wut. Jini jach woli' c'ajtibeñet. Mele chuqui tac toj. Pʌsʌ i yutslel a pusic'al yic'ot c'uxbiya. Peq'uesan a bʌ ti' tojlel a Dios.

Mateo 11:25

Ti jim bʌ ora Jesús tsi yʌlʌ: Mic subeñet a ñuclel, c Tat, i Yumet Panchan yic'ot Pañimil. Come tsa' mucbeyob a t'an jini año' bʌ cabʌl i ña'tʌbal yic'ot jini p'ip'o' bʌ i pusic'al, pero tsa' wʌq'ueyob i ch'ʌmbeñob isujm alʌlob.

Mateo 11:6

Tijicña jini mach bʌ anic mi' lon tejchel tile bixel bʌ i pusic'al cha'an c melbal, che'en Jesús.

Mateo 13:16

Tijicñayetla come mi' c'otel la' wut. Mi la' wubin t'an ti la' chiquin.

Mateo 19:14

Jesús tsi' yʌlʌ: La' tilicob alobob ba' añon. Mach mi la' tic'ob, come pejtelel mu' bʌ i tilelob bajche' jini mi caj i yochelob ti' yumʌntel jini am bʌ ti panchan, che'en.

Mateo 24:46

Tijicña jini x'e'tel uts'at bʌ woli' mel i ye'tel che' mi' c'otel i taj i yum.

Mateo 25:34

Jini Rey mi caj i suben jini año' bʌ ti' ñoj: “La' cu la, ochemet bʌ la ti' yutslel c Tat. Ch'ʌmʌ la' yumʌntel chajpʌbebiletla c'ʌlʌl ti' cajibal pañimil.

Mateo 3:2

Tsi' yʌlʌ: Cʌyʌx la' mul come lʌc'ʌlix i yumʌntel jini am bʌ ti panchan, che'en.

Mateo 8:11

Mic subeñetla, mi caj i tilelob cabʌl ch'oyolo' bʌ ti' pasibal q'uin yic'ot ti' bʌjlibal q'uin. Ya' mi caj i buchtʌlob yic'ot Abraham yic'ot Isaac yic'ot Jacob ti' yumʌntel jini am bʌ ti panchan.

Marcos 10:14

Jesús tsa' mich'a che' bʌ tsi' q'uele. Tsi' subeyob: La' tilicob alobob ba' añon. Mach mi la' tic'ob, come i cha'añob i yumʌntel Dios.

Lucas 11:28

Jesús tsi' sube: Ñumen tijicñayob mu' bʌ i yubibeñob i t'an Dios mu' bʌ i jac'ob, che'en.

Lucas 18:14

Mic subeñetla: Dios tsi' q'uele ti toj ili winic che' bʌ tsa' jubi majlel ti' yotot. Pero ma'anic tsi' q'uele ti toj jini yambʌ. Come majqui jach chan mi' mel i bʌ mi caj i peq'uesʌntel. Majqui jach pec' mi' mel i bʌ, mi caj i chan'esʌntel, che'en Jesús.

Lucas 22:29

Joñon mi caj cʌq'ueñetla la' yumʌntel che' bajche c tat tsi' yʌq'ueyon c yumʌntel.

Lucas 22:30

Che' jini mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'an mi la' mel jini lajchʌnmojt i p'olbal Israel. Che' tsi' yʌlʌ Jesús.

Lucas 4:18

“An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Juan 20:29

Jesús tsi' sube: Cha'an jach tsa' q'ueleyon, tsa' ñopoyon. Tijicñayob jini tsa' bʌ i ñopoyoñob che' maxto anic tsi' q'ueleyoñob, che'en.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Santiago 1:10

Jini wen chumul bʌ winic la' ñuc'ac i pusic'al cha'an peq'uesʌbil ti' tojlel Dios, come mi' caj ti jilel che' bajche' i nich pimel.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.

Apocalipsis 19:9

Jini ángel tsi' subeyon: Ts'ijban ti jun: “Tijicñayob jini mu' bʌ i pʌjyelob ti c'ux waj che' mi' cha'len ñujpuñel jini Tiñʌme'”, che'en. Jini ángel tsi' subeyon: Jiñʌch i t'an Dios. Isujm jini t'an, che'en.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.

Apocalipsis 3:17

Mi la' lon al: Wen chumulon lojon. Cabʌl tsa' p'ojli c chubʌ'an. Ma'anic chuqui an to yom c cha'an lojon, che'etla. Ma'anic mi la' ña'tan mach wen chumuleticla, c'ax p'ump'uñetla, ma'anic la' chubʌ'an, xpots'etla, pits'iletla yilal.