Mateo 5:12 - Chol: I T’an Dios

¹² La' ñuc'ac la' pusic'al. Melela ti tijicña la' pusic'al, come ñuc la' chobejtʌbal ti panchan, come che' ja'el tsi' tic'layob x'alt'añob wajali.

Jiñi Tsiji' bʌ Wen T'añ cha'añ Estudio

¹² U'binla i tijicñʌyel la' pusic'al, come ñuc la' chobejtʌbal ti panchan, come che' ja'el tsi' tic'layob x'alt'añob wajali.

Chol de Tumbalá Bible

¹² La' ñuc'ac la' pusic'al. Melela ti tijicña la' pusic'al, come ñuc la' chobejtʌbal ti panchan, come che' ja'el tsi' tic'layob x'alt'añob wajali.

Jiñi Tsiji' bʌ Wen T'añ cha'añ Estudio

¹² U'binla i tijicñʌyel la' pusic'al, come ñuc la' chobejtʌbal ti panchan, come che' ja'el tsi' tic'layob x'alt'añob wajali.

Chol Tila

¹² Mi chʌ'ʌch mi yujtyel, yom c'ajacña la' woj. La' ñʌch'lec la' pusic'al como mi quejel la' wʌq'uentyel ñuc bʌ la' majtyan ya' ti panchan. Chʌ'ʌch je'el ti tyʌc'lʌntiyob jini tsa' bʌ i xiq'ui yʌle' Dios ti ñoj oniyix. Che' ti yʌlʌ Jesús.

Mateo 5:12 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

1 Reyob 18:13

¿Maxto ba anic tsa' subentiyet chuqui tsac mele che' bʌ tsi' tsʌnsa jini x'alt'añob i cha'an lac Yum jini Jezabel? Tsac subeyob puts'el ya' ti ch'en. Tsac t'oxoyob ti lujuntiquil i yuxc'al. Tsac we'sayob ti waj. Tsa cʌq'ueyob ja'.

1 Reyob 19:2

Che' jini Jezabel tsi' choco majlel x'ac'jun ba'an Elías. Tsi' yʌlʌ: Mi caj c tsʌnsañet che' bajche' tsa' tsʌnsa yaño' bʌ. Ijc'ʌl chʌmeñetix che' bajche' ili ora. Machic jini, joñon mic ch'ʌm tic wenta cha'an mic toj ti' tojlel c dios, che'en.

1 Reyob 21:20

Acab tsi' sube Elías: Tsa'ix a cha' tajayon, j contrajet, che'en. Elías tsi' jac'be: Tsa' cu c tajayet, come tsa'ix a wʌc'ʌ a bʌ cha'an ma' mel chuqui jontol ti' wut lac Yum.

1 Reyob 22:8

Jini rey ti Israel tsi' jac'be: Ancu juntiquil x'alt'an i cha'an lac Yum, jiñʌch Micaías (i yalobil Imla). Mu'cu mejlel laj c'ajtiben, pero ts'a' mij q'uel jini winic, come ti pejtelel ora ma'anic mi' subeñon chuqui wen. Jini jach tsʌts tac bʌ mi' subeñon, che'en. Josafat tsi' sube Acab: Mach ma' cha'len t'an che' bajche' jini. Pʌyʌ, che'en.

2 Reyob 1:9

Jini rey tsi' choco majlel lujuntiquil i yuxc'al (50) soldadojob yic'ot i yum cha'an mi' chucob Elías. Tsi' tajayob ya' ba' buchul ti bujtʌl. I yum soldadojob tsi' sube Elías: Jatet x'e'telet i cha'an Dios. Jini rey tsi' yʌc'ʌ mandar. Wersa ma' majlel quic'ot lojon, che'en.

2 Cronicas 16:10

Che' bʌ tsi' yubibe i t'an jini x'etel i cha'an Dios, Asa tsi' wen mich'le jini x'alt'an. Tsi' yotsa ti mʌjquibʌl. Asa cabʌl tsa' caji i tic'lan winicob ti jim bʌ ora.

2 Cronicas 36:16

Pero tsi' chʌn wajleyob jini subt'añob i cha'an lac Yum. Tsi' ñusʌbeyob i t'an. Tsi' ts'a'leyob x'alt'añob jinto lac Yum tsi' wen mich'leyob. Ma'anix tsi' chʌn coltayob.

Nehemias 9:26

Pero ma'anic tsi' jac'beyetob. Tsi' ñusayob a t'an. Tsi' ts'a'leyob a mandar. Tsi' tsʌnsayob jini x'alt'añob a cha'an tsa' bʌ i subeyob cha'an mi' sutq'uiñob i bʌ ba' añet. Tsi' cha'leyob cabʌl p'ajoñel.

Salmos 19:11

Mic taj j cʌntesʌntel ti a t'an come a winicon. An cabʌl c chobejtʌbal ti' jac'ol a t'an.

Salmos 58:11

Mux i ña'tañob pejtel winicob x'ixicob: Añʌch i chobejtʌbal jini tojo' bʌ. Dios, isujm ma' cha'len meloñel ti pañimil.

Proverbios 11:18

Lot jach i ganar jini xjontolil. Isujmʌch i chobejtʌbal jini wen bʌ i melbal.

Isaias 3:10

Pero uts'at mi caj i loq'uel pejtel chuqui mi' mel jini xuc'ul bʌ winic. Suben mi caj i taj i chobejtʌbal cha'an uts'at i melbal.

Jeremias 2:30

Tsa cʌc'ʌyob ti wocol la' walobilob, pero ma'anic tsa' la' mele la' pusic'al. Mach la' womic la' cʌy chuqui mi la' bajñel ña'tan ti la' pusic'al. Jontoletla che' bajche' bajlum. La' cha'añʌch jini espada tac tsa' bʌ la' c'ʌñʌ la' tsʌnsan jini x'alt'añob tsa' bʌ c chocbeyetla tilel.

Jeremias 26:8

Che' bʌ tsa' ujti i laj subeñob ili t'an che' bajche' tsi' sube lac Yum, jini motomajob yic'ot jini x'alt'añob yic'ot pejtel x'ajñelob tsi' chucuyob. Wersa mi caj a chʌmel, che'ob.

Jeremias 37:14

Jeremías tsi' yʌlʌ: Mach isujmic che' bajche' wola' wʌl. Ma'anic wolic choñetla ti' c'ʌb caldeojob, che'en. Pero ma'anic tsi' ñopo Irías. Tsi' cʌchʌ Jeremías. Tsi' pʌyʌ majlel ba'an año' bʌ i ye'tel.

Mateo 16:27

Come mi caj i tilel i Yalobil Winic ti' ñuclel i Tat yic'ot i yángelob. Mi caj i yʌq'ueñob i tojol winicob x'ixicob ti jujuntiquil cha'an chuqui tac tsi' meleyob.

Mateo 6:16

Che' ja'el che' woliyetla ti ch'ajb, mach mi la' mel ti ch'ijiyem la' wut che' bajche' jini cha'chajp jax bʌ i pusic'al. Leco mi' melob i wut cha'an mi' q'uejlelob che' woliyob ti ch'ajb. Isujm mic subeñetla, tsa'ix i tajayob i chobejtʌbal.

Lucas 13:34

Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Lucas 6:23

Ti jimbʌ ora la' ñuc'ac la' pusic'al. Yom tijicñayetla come awilan, ñuc la' chobejtʌbal ya' ti panchan, come la' ñojte'elob lajal tsi' tic'layob x'alt'añob ti oñiyi.

Lucas 6:35

Pero c'uxbinla la' contrajob. Melela chuqui wen. Aq'uenla ti majan. Mach mi la' cha'len pensar cha'an mi la' cha' sutq'uibentel. Che' jini mi caj la' ch'ʌm la' chobejtʌbal. Che' jini tsiquil i yalobiletla jini C'ax Ñuc Bʌ, come mi' c'uxbin jini mach bʌ añobic i yutslel i pusic'al yic'ot jini jontolo' bʌ.

Hechos 16:25

Ti ojlil ac'ʌlel woli' pejcañob Dios Pablo yic'ot Silas. Woli' c'ʌyiñob Dios. Jini xñujp'elob woli' yubiñob.

Hechos 5:41

Che' bʌ tsa'ix loq'uiyob ti' tojlel año' bʌ i ye'tel, tijicñayob jax i pusic'al, come Dios tsi' yʌq'ueyob i xuc'tilel i pusic'al cha'an mi' ñusañob i ts'a'lentel ti' c'aba' Jesús.

Romanos 5:3

Mach cojic jach jini. Tijicñayonla ja'el cha'an jini wocol mu' bʌ la cubin, come la cujil jini wocol mi' yʌq'ueñonla lac p'ʌtʌlel ti pijt.

1 Corintios 3:8

Jini mu' bʌ i cha'len pac' yic'ot jini mu' bʌ i mul junlajalob. Ti jujuntiquil mi caj i yʌq'uentelob i chobejtʌbal che' bajche' an i ye'tel.

2 Corintios 4:17

Come sejb lac wocol mu' bʌ la cubin. Poj jumuc' jach mi' ñumel. Wolix i p'ojlesʌbeñonla c'ax on bʌ lac ñuclel mach bʌ anic mi' jilel ti pejtelel ora.

Filipenses 1:29

Come aq'uebiletla la' c'ʌjñibal ti Cristo, mach cojic jach cha'an mi la' ñop, pero cha'an ja'el mi la' wubin wocol cha'an Cristo.

Filipenses 2:17

Tsa'ix la' ñopo Cristo tsa' bʌ i yʌc'ʌ i bʌ i wenta tsʌnsʌbil bʌ i majtan Dios. Mi che'ʌch yom mic chʌmel ja'el cha'an xuc'ul mi la' ñop, tijicñayon mi tsa' mejli c ñuq'uesʌbeñetla la' pusic'al.

Colosenses 1:24

Tijicñayonix wʌle cha'an wolic ñusan wocol cha'añetla. Wolic ts'ʌctesan i wocol Cristo anto bʌ yom ti' tojlel jini xñopt'añob mu' bʌ i tempañob i bʌ, jiñobʌch i bʌc'tal Cristo.

Colosenses 3:24

Come ña'tʌbil la' cha'an, lac Yum mi caj i yʌq'ueñetla la' chobejtʌbal ti panchan. Come woli la' cha'liben i ye'tel Cristo lac Yum.

1 Tesalonicenses 2:15

tsa' bʌ i tsʌnsayob lac Yum Jesús yic'ot x'alt'añob i cha'an. Tsi' chocoyoñob loq'uel. Ma'anic mi' melob mu' bʌ i mulan Dios. Woli' contrajiñob pejtelel winicob.

Hebreos 10:34

Come tsa' la' p'unta jini tsa' bʌ mʌjquiyob. Che' bʌ tsa' xujch'inti la' chubʌ'an tsa' la' cuchu yic'ot i tijicñʌyel la' pusic'al. Come la' wujil an ñumen wen bʌ la' chubʌ'an ti panchan mach bʌ yujilic jilel.

Hebreos 11:26

Tsi' ña'ta ti' pusic'al ñumen an i c'ʌjñibal lac tic'lʌntel cha'an Cristo bajche' pejtelel chubʌ'añʌl ti Egipto. Come xuc'ul tsi' pijta i chobejtʌbal.

Hebreos 11:33

Cha'an tsi' ñopoyob Dios, tsa' mʌjli i cha'añob ti' contra reyob, tsi' cha'leyob chuqui toj, tsi' tajayob chuqui tac albil, tsi' mʌcbeyob i yej bajlum,

Hebreos 11:6

Mi ma'anic mi lac ñop Dios, mach mejlic i q'uelonla ti uts'at. Come majqui jach yom i cʌn Dios, wersa mi' ñop mi an Dios, come jiñʌch mu' bʌ i yʌq'uen i chobejtʌbal majqui jach mi' tsajcan.

Santiago 1:2

Quermanojob, ña'tanla jiñʌch wen tijicña bʌ che' mi' tilel wocol ti chajp ti chajp cha'an mi' yilʌbeñetla la' pusic'al.

Santiago 5:10

Quermanojob, ña'tanla jini x'alt'añob tsa' bʌ i subuyob t'an ti' c'aba' lac Yum. Tsi' pʌsbeyetla bajche' yom mi la' ñusan wocol. Tsi' cha'leyob pijt ti' ñʌch'tʌlel i pusic'al. Tsi' ñusayob i tic'lʌntel.

1 Pedro 4:13

Tijicñesan la' pusic'al come woli la' taj wocol che' bajche' Cristo, cha'an c'ax tijicña mi la' wubin che' mi' tsictiyel i ñuclel Cristo.

xRut 2:12

La' i yʌq'ueñet lac Yum a chobejtʌbal cha'an jini tsa' bʌ a mele. Ts'ʌcʌl yom ma' wʌq'uentel ti lac Yum, come tsa' wʌc'ʌ a bʌ ti' wenta i Dios Israel cha'an ma' taj a coltʌntel ti yebal i wich', che'en.