Mateo 3:6 - Chol: I T’an Dios

⁶ Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Jiñi Tsiji' bʌ Wen T'añ cha'añ Estudio

⁶ Juan tsi' yʌq'ueyob ch'ʌmja' ya' ti Jordán ja'. Jiñi wiñicob x'ixicob tsi' su'buyob i mul.

Chol de Tumbalá Bible

⁶ Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Jiñi Tsiji' bʌ Wen T'añ cha'añ Estudio

⁶ Juan tsi' yʌq'ueyob ch'ʌmja' ya' ti Jordán ja'. Jiñi wiñicob x'ixicob tsi' su'buyob i mul.

Chol Tila

⁶ Che' ñac ti' subuyob i mul, Juan ti yʌc'ʌyob ti ch'ʌm ja' ya' ti Jordán.

Mateo 3:6 Iomraidhean Croise

Esdras 10:1

Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Salmos 32:5

Tsac subeyet c mul, ma'anic tsac mucu c mul. Tsa cʌlʌ: Mi caj c subeñet c jontolil c Yum, cho'on. Jatet tsa' ñusʌbeyon c mul yic'ot c jontolil.

Proverbios 28:13

Ma'anic mi' taj i wenlel jini mu' bʌ i muc i mul. Jini mu' bʌ i sub i mul, mu' bʌ i cʌy i mul, mi caj i p'untʌntel.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Levitico 16:21

Aarón mi caj i c'ʌcchocon ti' cha'ts'ijtlel i c'ʌb ti' jol jini chivo, cha'an mi' tsictesan pejtelel i mul israelob. Yom mi' choc majlel jini i tat chivo ti' wenta juntiquil winic wa'chocobil bʌ cha'an mi' pʌy majlel ya' ti colem bʌ i tiquiñal pañimil.

Levitico 26:40

Pero ya' ba' woliyob ti wocol wersa mi caj i subob i mul yic'ot i mul i ñojte'elob. Come ti' caj i tsʌtslelob i pusic'al tsi' ñusʌbeyoñob c t'an. Ma'anic tsi' wen ñopoyoñob.

Numeros 5:7

Wersa yom mi' sub i mul tsa' bʌ i mele. Wersa yom mi' toj yic'ot i ñumel. Yom cha'yajl i diezmojlel i ñumel mi' cha' aq'uen i yum che' bajche' tsi' xujch'i.

Mateo 3:11

Joñon mi cʌq'ueñetla ch'ʌmja' cha'an mi la' cʌy la' mul. Tal to tic pat ñumen p'ʌtʌl bʌ. Joñon mach yoque ñuconic cha'an mic yeben majlel i xʌñʌb. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Marcos 1:5

Tsa' loq'uiyob tilel ba'an Juan jini ch'oyolo' bʌ ti' lumal Judea, yic'ot ti Jerusalén. Tsi' ch'ʌmʌyob ja' ti' c'ʌb Juan ya' ti Jordán ja'. Tsi' subuyob i mul.

Lucas 1:16

Mi caj i yʌq'ueñob i sutq'uin i bʌ cabʌl israelob cha'an mi' ñopob i Yum Dios.

Lucas 3:16

Juan tsi' subeyob ti pejtelelob: Joñon ti isujm mi cʌq'ueñetla ch'ʌmja', pero tal jini ñumen p'ʌtʌl bʌ bajche'on. Mach ñuconic cha'an mic ticben i ch'ajñal i xʌñʌb. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Hechos 1:5

Juan tsi' yʌq'ueyetla ch'ʌmja'. Pero Dios mach jalix mi caj i yʌq'ueñetla la' ch'ʌm Ch'ujul bʌ Espíritu, che'en.

Hechos 11:16

Tsac ña'ta i t'an lac Yum tsa' bʌ i yʌlʌ: “Isujm, Juan tsi' yʌq'ueyetla ch'ʌmja' ti ja', pero mi caj la' wʌq'uentel la' ch'ʌm Ch'ujul bʌ Espíritu”, che'en.

Hechos 19:18

Cabʌl tsa' bʌ i ñopoyob tsa' tili i subob i mul. Tsi' bajñel tsictesayob i bʌ cha'an chuqui tac tsi' cha'leyob.

Hechos 22:16

Wʌle, ¿chucoch woliyet ti pijt? Ch'ojyen. Pejcan Dios ti' c'aba' Jesús. Ch'ʌmʌ ja', la' pojquic loq'uel a mul”. Che' tsi' subeyon Ananías.

1 Corintios 10:2

Ti pejtelelob tsa' aq'uentiyob ch'ʌmja' yilal ti tocal yic'ot ti colem ñajb che' bʌ tsi' yʌc'ʌyob i bʌ ti' wenta Moisés.

Colosenses 2:12

Tsa' tem mujquiyetla la' wic'ot Jesús ti ch'ʌm ja'. Che' ja'el tsa' tejchiyetla ch'ojyel la' wic'ot Jesús cha'an tsa' la' ñopo i p'ʌtʌlel Dios tsa' bʌ i teche ch'ojyel Jesús ba'an chʌmeño' bʌ.

Hebreos 6:2

Jasʌlʌch la' cʌntesʌntel ti ch'ʌmja' yic'ot ti yʌc'ol c'ʌbʌl ti la' jol. Tsa'ix la' wubi mi' tejchelob ch'ojyel chʌmeño' bʌ. Tsa'ix la' wubi i sujmlel toj mulil mach bʌ yujilic jilel. Jasʌl la' cʌntesʌntel ti ili tac.

Hebreos 9:10

Come i melbal jach winicob ili waj yic'ot ili japbil bʌ. Mi' pocob ti ja'. I yejtal jach jini mero isujm bʌ. Che' mi' tilel jini isujm bʌ, mi' jilel i c'ʌjñibal yambʌ.

Santiago 5:16

Subu la' bʌ che' an la' mul ti' tojlel la' pi'ʌlob. Taja la' bʌ ti oración cha'an mi la' lajmesʌntel. An cabʌl i c'ʌjñibal i yoración jini tojo' bʌ. Cabʌlʌch i p'ʌtʌlel.

Josue 7:19

Che' jini Josué tsi' sube Acán: Calobil, suben i ñuclel lac Yum i Dios Israel. An a mul. Subeñon chuqui tsa' mele. Mach ma' muque'. Che' tsi' yʌlʌ Josué.

1 Pedro 3:21

Jiñʌch i yejtal bajche' mi laj coltʌntel wʌle ti ch'ʌm ja'. Ma'anic mi' poc loq'uel i lumil lac pʌchʌlel, pero mi' pʌsonla ti sʌc ti' wut Dios che' ñʌch'ʌl lac pusic'al cha'an tsa' lac subu lac bʌ ti' tojlel Dios. Tsa'ix tejchiyonla ch'ojyel yic'ot Jesucristo.

1 Juan 1:9

Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.