Mateo 3:12 - Chol: I T’an Dios

¹² An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Jiñi Tsiji' bʌ Wen T'añ cha'añ Estudio

¹² Añ i wejlʌjib ti' c'ʌb cha'añ mi' wen sʌc-esan i yajñib trigo. Mi caj i lot trigo ti' yotlel. Mi caj i pulben i sujl ti c'ajc mach bʌ yujilic yajpel.

Chol de Tumbalá Bible

¹² An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Jiñi Tsiji' bʌ Wen T'añ cha'añ Estudio

¹² Añ i wejlʌjib ti' c'ʌb cha'añ mi' wen sʌc-esan i yajñib trigo. Mi caj i lot trigo ti' yotlel. Mi caj i pulben i sujl ti c'ajc mach bʌ yujilic yajpel.

Chol Tila

¹² Añʌch i wejlʌjib cha'an i wejlan loq'uel i sujl trigo. Mi quejel i much'quin jini trigo ti i yotyotlel cha'an mi' cʌñʌtyan, pero mi quejel i pule' i sujl ti c'ajc mach'ʌ yujil yajpel. Che' ti yʌlʌ Juan. Chʌ'ʌch ti' cha'le lajoñel Juan cha'an i sujl trigo.

Mateo 3:12 Iomraidhean Croise

Job 21:18

¿Mu' ba i chojquel jini winic che' bajche' jam ti ic', che' bajche' misʌjelʌl ti sutujt ic'?

Salmos 1:4

Mach che'ic jini jontol bʌ winicob. Lajalobʌch bajche' i sujl trigo mu' bʌ i wejlan majlel ic'.

Salmos 35:5

La' sujticob bajche' i sujl pʌc'ʌbʌl mu' bʌ i wejlan ic'. La' ajñesʌnticob cha'an i yAngel lac Yum.

Isaias 1:31

Jini p'ʌtʌl bʌ winic lajal jax mi caj i majlel bajche' tiquin bʌ jam. Jini i melbal lajalʌch bajche ts'ʌplaw bʌ nich c'ajc mu' bʌ caj i jisan. Ma'anic majqui mi caj i yʌp.

Isaias 17:13

Anquese ju'ucñayob che' bajche' colem ñajb, Dios mi caj i tic'ob. Mi caj i puts'elob majlel che' bajche' ts'ubejn mu' bʌ i wejlan ic' ya' ti pam wits.

Isaias 27:4

Ma'anix c mich'ajel ti contra Israel. Muq'uic i pim'an c ts'usubil, mi caj cʌc'ñan. Mi caj c choc ti c'ajc jini mach bʌ wenic. Mi yom i c'ajtibeñon i coltʌntel, la' tilic i cha' mel i bʌ quic'ot”. Che'ʌch yom mi' cha'leñob c'ay.

Isaias 28:28

Mi laj cuj trigo yic'ot te'. Che' mi' yujtel ti cujtʌl jini trigo, ma'anix mi lac chʌn cuje'.

Isaias 30:24

Jini wacax yic'ot burro woliyo' bʌ ti e'tel mi caj i c'uxob trigo loc'sʌbilix bʌ i sujl, wen melbilix bʌ yic'ot i yʌts'mil.

Isaias 41:16

Ñajt mi caj a chocob majlel. Jini ic' mi caj i cuchob majlel che' bajche' i yopol te'. Jini sutujt ic' mi caj i pam pucob. Pero tijicñayet ti a Yum. Mi caj i ñuc'an a pusic'al cha'an jini Ch'ujul Bʌ i cha'an Israel.

Isaias 5:24

Jini cha'an i Yum Panchan yic'ot Pañimil mi caj i meletla. Mi caj la' jilel che' bajche' mi' sʌc jilel ti c'ajc jini tiquin te' yic'ot tiquin yopol. Mi caj la' yajlel che' bajche' te' che' mi' yoc'mʌl i wi'. Che' bajche' i nich pimel mi caj la' sujtel ti ts'ubejn. Come tsa' la' ñusʌbe i t'an i Yum Panchan yic'ot Pañimil. Tsa'ix la' ts'a'le jini Ch'ujul Bʌ i cha'an Israel.

Isaias 66:24

Che' mi' cha' majlelob, mi caj i q'uelbeñob i bʌc'tal jini chʌmeño' bʌ tsa' bʌ i ñusayob c t'an. Mach chʌmic i motso' ti pejtelel ora. Mach yajpic jini c'ajc mu' bʌ i pulob. Ts'a' mi caj i q'uelob pejtel winicob, che'en lac Yum.

Jeremias 15:7

Ch'ijiyemix c pusic'al cha'an tsac jisa c winicob x'ixicob ti' caj i mul. Tsa'ix c chijcayob ya' ti' ti' tejclum. Ch'ijiyemon cha'an ma'anic tsi' sutq'uiyob i bʌ cha'an mi' cʌyob i bijlel.

Jeremias 17:27

Pero mi mach la' womic la' jac'beñon, mi mach ch'ujulic i yorajlel c'aj o ti la' wut, mi mux caj la' wersa ch'ʌm ochel la' cuch ti' ti' Jerusalén che' bajche' ti yan tac bʌ q'uin ti semana, che' jini mi caj c tsuc' c'ajc ti' ti' tac tejclum. Mux i pam ñumel cha'an mi' lu' jisan jini otot tac yic'ot ja'el i yotot tac reyob. Mach yajpic jini c'ajc”. Che' yom mi la' subeñob, che'en lac Yum.

Jeremias 4:11

Mi caj a suben c cha'año' bʌ yic'ot jini c tejclum Jerusalén: “Tal chʌcwech'an bʌ ic' loq'uem bʌ ti tiquin lum. Mi caj i jats'et, xch'oc bʌ calobil. Mach talic cha'an mi' coltañet. Mach talic cha'an mi' wejlan majlel i sujl ixim cha'an mi' sʌq'uesan.

Jeremias 51:2

Mi caj c chocbeñob tilel xwe'ts'oñelob mu' bʌ caj i jats'ob majlel. Che' ti' yorajlel wocol talob jini chumulo' bʌ ti' joytʌlel cha'an mi' chilbeñob pejtel chuqui an i cha'añob.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Oseas 13:3

Jini cha'an mi caj i jilelob che' bajche' tocal ti sʌc'ajel, yic'ot ye'eb, ora jach bʌ mi' jilel. Lajalob bajche' i sujl trigo mu' bʌ i wejluyel majlel ti p'ʌtʌl bʌ ic' che' woli' jajts'el trigo. Lajalob bajche' i yonlel buts' mu' bʌ i sʌc jilel ti ic'.

Amos 9:9

Come joñon woli cʌc' mandar. Mi caj c chijcan israelob ya' ti' tojlel colem bʌ tejclum tac che' bajche' mi la' chijcan trigo. Pero ma'anic mi caj i yajlel mi jump'ejlic i bʌc'.

Malaquias 4:1

Chʌcʌ q'uele la' bʌ, che'en i Yum Panchan yic'ot Pañimil, come tal i q'uiñilel meloñel che' mi' caj ti pulel c'ajc che' bajche' ti horno. Pejtel mu' bʌ i chañ'esañob i bʌ yic'ot jini jontolo' bʌ mi caj i pulelob che' bajche' tiquin bʌ jam. Mi caj i lu' jilelob che' bajche' te' yic'ot pejtel i c'ʌb yic'ot pejtel i wi'.

Mateo 13:30

La' to tem colic jinto mi' lojtel trigo. Ti' yorajlel c'ajbal che' mi lac lot mi caj c suben x'e'telob cha'an mi' ñaxan tempañob jini mach bʌ wenic. Mi caj i tempañob cha'an mi' pulel. Pero jini trigo mi caj i cuchob tilel ti' yotlel”, che'en i yum otot. Che' tsi' yʌlʌ Jesús.

Mateo 13:41

I Yalobil Winic mi caj i choc tilel i yángelob. Mi caj i tempañob loq'uel ti' yumʌntel pejtelel mu' bʌ i yʌsañob ti mulil i pi'ʌlob yic'ot jini mu' bʌ i cha'leñob jontolil.

Mateo 13:42

Mi caj i chocob ochel ti c'ajc. Ya' mi' cajelob ti cabʌl uq'uel yic'ot quech'ecña bʌ i bʌquel i yej.

Mateo 13:43

Ti jim bʌ ora mi' caj ti tsictiyel i sʌclel jini tojo' bʌ i pusic'al che' bajche' q'uin ya' ti' yumʌntel i Tat. Jini am bʌ i chiquin cha'an mi' yubin, la' i yubin.

Lucas 3:16

Juan tsi' subeyob ti pejtelelob: Joñon ti isujm mi cʌq'ueñetla ch'ʌmja', pero tal jini ñumen p'ʌtʌl bʌ bajche'on. Mach ñuconic cha'an mic ticben i ch'ajñal i xʌñʌb. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Lucas 3:17

An i wejlʌjib ti' c'ʌb. Mi caj i wen wejlan i yajñib trigo. Mi caj i lot jini trigo ti' yotlel. Mi caj i pulben i sujl ti c'ajc mach bʌ yujilic yajpel ti pejtelel ora. Che' tsi' yʌlʌ Juan.

Juan 15:2

Jini mi' tsep loq'uel pejtelel j c'ʌb mach bʌ anic mi' yʌc' i wut. Pejtelel mu' bʌ i yʌc' i wut, mi caj i porajin cha'an ñumen cabʌl mi' yʌc' i wut.