Mateo 27:4 - Chol: I T’an Dios

⁴ Tsi' yʌlʌ: Tsa'ix c cha'le mulil che' bʌ tsa cʌc'ʌ ti la' c'ʌb jini mach bʌ anic i mul, che'en Judas. Tsi' subeyob: Mach c wentajic lojon. Bajñel q'uele a bʌ, che'ob.

Jiñi Tsiji' bʌ Wen T'añ cha'añ Estudio

⁴ Tsi' yʌlʌ: —Tsa'ix c cha'le mulil che' bʌ tsa' cʌc'ʌ ti la' c'ʌb jiñi mach bʌ añic i mul. Tsi' su'beyob: —Mach c wentajic lojon, bajñel q'uele a bʌ ajñel.

Chol de Tumbalá Bible

⁴ Tsi' yʌlʌ: Tsa'ix c cha'le mulil che' bʌ tsa cʌc'ʌ ti la' c'ʌb jini mach bʌ anic i mul, che'en Judas. Tsi' subeyob: Mach c wentajic lojon. Bajñel q'uele a bʌ, che'ob.

Jiñi Tsiji' bʌ Wen T'añ cha'añ Estudio

⁴ Tsi' yʌlʌ: —Tsa'ix c cha'le mulil che' bʌ tsa' cʌc'ʌ ti la' c'ʌb jiñi mach bʌ añic i mul. Tsi' su'beyob: —Mach c wentajic lojon, bajñel q'uele a bʌ ajñel.

Chol Tila

⁴ Ti' subeyob: Tic tyaja c mul cha'an ti cʌc'ʌ ti sajtyel juntiquil mach'ʌ ba'an i mul, che'en. Pero ti' jac'ʌyob: ¿Chucoch lojon c cha'an ma' wʌl? A bajñel a wenta jach a bʌ, che'ob.

Mateo 27:4 Iomraidhean Croise

1 Reyob 21:27

Acab tsi' yubibe i t'an Elías. Tsi' jet' tsili i pislel. Tsa' caji i lʌp coxtal ti q'uiñil yic'ot ti ac'ʌlel. Tsi' cha'le ch'ajb. Wen ch'ijiyem tsa' caji ti ajñel.

2 Reyob 24:4

Come Manasés tsi' tsʌnsa cabʌl winicob mach bʌ añobic i mul ya' ti Jerusalén. Lac Yum ma'anic tsi' ñusʌbe i mul.

Job 13:4

Come woli la' socbeñon c t'an, xlotiyajetla. Lajaletla bajche' sts'ʌcayajob mach bʌ yujilobic ts'ac.

Salmos 94:21

Mi' temob i t'an cha'an mi' tsʌnsañob jini toj bʌ. Mi' yʌc'ob ti chʌmel jini mach bʌ añobic i mul.

Exodo 12:31

Tsi' chocbeyob t'an Moisés yic'ot Aarón ti ac'ʌlel. Tsi' yʌlʌ: Ch'ojyenla. Loq'uenla ti' tojlel egiptojob, jatetla la' wic'ot jini israelob. Cucula, ch'ujutesan la' Yum che' bajche' tsa' la' wʌlʌ.

Exodo 9:27

Faraón tsi' pʌyʌ Moisés yic'ot Aarón. Tsi' subeyob: Wolix c ña'tan c mul wʌle. Tojʌch la' Yum. Joñon quic'ot c pi'ʌlob an lojon c mul.

Proverbios 12:8

Jini wen bʌ i ña'tʌbal mi caj i c'uxbintel, pero mi caj i ts'a'lentel jini leco bʌ i pensar.

Jeremias 26:15

Pero yom mi la' ña'tan ma'anic c mul. Mi tsa' la' tsʌnsayon, mi caj i toj ili tejclum yic'ot pejtel wʌ' bʌ chumulob, come isujm chocbilon tilel ti Dios cha'an mic subeñetla pejtel ili t'an, che'en.

Jonas 1:14

Jini cha'an c'am tsi' pejcayob lac Yum: A wocolic mic subeñet lojon, c Yum lojon, mach a wʌc'on lojon ti jilel cha'an ili winic. Mach a q'uelon lojon ti stsʌnsa mi tsac choco lojon ochel jini winic ti ñajb cha'an mi' ñʌjch'el ja', come a wentajʌch, c Yum lojon, cha'an tsa' choco tilel jini ic', che'ob.

Mateo 27:19

Che' ja'el, che' buchul Pilato ti meloñibʌl, i yijñam tsi' chocbe tilel t'an. Tsi' yʌlʌ: Mach yomic chuqui ma' tumben jini toj bʌ winic, come sajmʌl tsa cubi cabʌl wocol tic ñajal cha'an jini winic, che'en.

Mateo 27:54

I yaj capitán jo'c'al soldadojob yic'ot i soldadojob ya' bʌ añob woli' q'uelob Jesús. Tsi' cha'leyob bʌq'uen che' bʌ tsi' q'ueleyob i yujquel lum yic'ot pejtelel tsa' bʌ ujti. Tsi' yʌlʌyob: Isujm jiñʌch i Yalobil Dios, che'ob.

Lucas 23:22

Ti' yuxyajlel Pilato tsi' c'ajtibeyob: ¿Chucoch? ¿Chuqui ti jontolil tsi' cha'le ili winic? Tsaj q'uele ma'anic i mul cha'an mi' yʌjq'uel ti chʌmel. Mi caj c jats' ti asiyal. Mi caj cʌc' ti colel, che'en Pilato.

Lucas 23:41

Ti isujm che'ʌch yom mi lac chʌmel cha'an jontol lac melbal. Pero ili winic ma'anic chuqui jontol tsi' cha'le, che'en.

Lucas 23:47

Che' bʌ tsi' q'uele chuqui tsa' ujti i yaj capitán jo'c'al soldadojob, tsi' subu i ñuclel Dios. Tsi' yʌlʌ: Isujm tojʌch ili winic, che'en.

Juan 19:7

Jini judíojob tsi' jac'ʌyob: An lojon c mandar. Ts'ijbubil tic mandar wersa mi' chʌmel, come tsi' subu i bʌ ti' Yalobil Dios, che'ob.

Hechos 13:28

Ma'anic chuqui tsi' wis tajayob ti' contra cha'an mi' tsʌnsañob, pero tsi' c'ajtibeyob Pilato cha'an mi' yʌc' ti chʌmel.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

1 Timoteo 4:2

Xlot jini winicob mu' bʌ i cʌntesañob. Chʌmen i pusic'al cha'an mulil.

Tito 1:16

Mi' lon alob añob ti Dios, pero leco i melbal. Sojquemob. Xñusa t'añob. Ma'añobix i c'ʌjñibal cha'an i melol chuqui uts'at.

Hebreos 7:26

Jesús jiñʌch c'ax ñuc bʌ la caj motomaj che' bajche' yom lac cha'an. Come ch'ujulʌch, ma'anic i jontolil, sʌc i pusic'al, mach xmulilic. Tsa'ix aq'uenti i ñuclel ti panchan.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Caín i cha'añʌch jini xjontolil. Jontol i melbal pero toj i melbal i yijts'in.

Apocalipsis 11:10

Tijicñayob i pusic'al jini chumulo' bʌ ti pañimil ti' tojlelob. Mi' q'uextʌbeñob i bʌ i majtan, come ñucob i pusic'al cha'an tsa' jiliyob jini cha'tiquil, come tsi' tic'layob jini chumulo' bʌ ti pañimil.

1 Samuel 15:24

Saúl tsi' sube Samuel: Isujm tsac taja c mul. Tsac ñusʌbe i t'an lac Yum yic'ot a t'an cha'an mic tajben i yutslel i t'an winicob. Jini cha'an tsac jac'beyob i t'an.

1 Samuel 15:30

Saúl tsi' yʌlʌ: Isujm tsa'ix c taja c mul, pero ti wocol t'an mij c'ajtibeñet cha'an ma' q'uelon ti ñuc ti' tojlel jini xñoxtacob ila tic tejclum yic'ot ti' tojlel israelob. Che' jini mi caj c ch'ujutesan a Yum Dios, che'en.

1 Samuel 19:5

Colelix i tsʌnsʌntel che' bʌ tsi' tsʌnsa jini filisteojob. Lac Yum tsi' c'ʌñʌ cha'an mi' coltan jini israelob che' bajche' tsa' q'uele ja'el. Tijicña a pusic'al tsa' wubi. ¿Chucoch che' jini mi caj a cha'len ñuc bʌ mulil? che'en.