Mateo 27:1 - Chol: I T’an Dios

¹ Ti sʌc'ajel pejtelel ñuc bʌ motomajob yic'ot xñoxob año' bʌ i ye'tel ti tejclum tsi' temeyob i t'an ti' contra Jesús cha'an mi' tsʌnsañob.

Jiñi Tsiji' bʌ Wen T'añ cha'añ Estudio

¹ Ti sʌc'ajel, pejtelel ñuc bʌ motomajob yic'ot xñoxob año' bʌ i ye'tel ti tejclum tsi' pejcayob i bʌ ti' contra Jesús, cha'añ mi' yʌc'ob ti chʌmel.

Chol de Tumbalá Bible

¹ Ti sʌc'ajel pejtelel ñuc bʌ motomajob yic'ot xñoxob año' bʌ i ye'tel ti tejclum tsi' pejcayob i bʌ ti' contra Jesús cha'an mi' tsʌnsañob.

Jiñi Tsiji' bʌ Wen T'añ cha'añ Estudio

¹ Ti sʌc'ajel, pejtelel ñuc bʌ motomajob yic'ot xñoxob año' bʌ i ye'tel ti tejclum tsi' pejcayob i bʌ ti' contra Jesús, cha'añ mi' yʌc'ob ti chʌmel.

Chol Tila

¹ Che' ti sʌc'ʌ ti pejtyelel ñuc bʌ curajob yic'ot xñoxob año' bʌ i ye'tyel ba'an israelob ti' lajayob i t'an bajche' mi mejlel i yʌc' ti sajtyel Jesús.

Mateo 27:1 Iomraidhean Croise

Salmos 2:2

Jini reyob ti pañimil mi' chajpañob i bʌ. Jini yumʌlob mi' temob i t'an Cha'an mi' contrajiñob lac Yum, Yic'ot jini Rey Yajcʌbil bʌ i cha'an.

Salmos 31:13

Tsa'ix cubi c ts'a'lentel ti cabʌlob. An bʌq'uen ti jujunwejl. Che' mi' temob i t'an tij contra, Yomob i tsʌnsañon.

Salmos 71:10

Come j contrajob mi' jop'beñon c mul. Mi' chijtañoñob. Mi' temob i t'an tij contra.

Miqueas 2:1

Obolob i bʌ jini winicob mu' bʌ i pensariñob jontolil ti ac'ʌlel che' cañal i wut ti' wʌyib. Che' bʌ tsa'ix sʌc'a pañimil, mi' melob chuqui tsi' ña'tayob, che' añʌch i p'ʌtʌlel.

Mateo 23:13

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come woli la' mʌctʌbeñob winicob x'ixicob i ti' ba' mi' yochelob ti' yumʌntel jini am bʌ ti panchan. Jatetla ma'anic mi la' wochel. Che' ja'el, ma'anic mi la' wʌc'ob ti ochel jini yomo' bʌ ochel.

Marcos 15:1

Ti sʌc'ajel tsi' tempayob i bʌ ti t'an jini ñuc bʌ motomajob yic'ot jini xñoxob am bʌ i ye'tel yic'ot sts'ijbayajob yic'ot pejtelel año' bʌ i ye'tel. Cʌchʌl tsi' pʌyʌyob majlel Jesús. Tsi' yʌc'ʌyob ti' c'ʌb Pilato.

Lucas 13:1

Ti jim bʌ ora ya' añob cha'tiquil uxtiquil tsa' bʌ i subeyob Jesús chuqui tsi' mele Pilato che' bʌ tsi' tsʌnsa galileojob. Tsi' xʌbeyob i ch'ich'el galileojob yic'ot i ch'ich'el jini tsʌnsʌbil bʌ i majtan tsa' bʌ i yʌq'ueyob Dios.

Lucas 22:66

Che' bʌ tsa' sʌc'a pañimil tsi' tempayob i bʌ xñoxob año' bʌ i ye'tel ti' tojlel i pi'ʌlob yic'ot ñuc bʌ motomajob yic'ot sts'ijbayajob. Tsi' pʌyʌyob majlel Jesús ba'an jini año' bʌ i ye'tel.

Juan 18:28

Tsa' caji i pʌyob loq'uel Jesús ti' yotot Caifás. Tsi' pʌyʌyob majlel ti meloñibʌl. Wolix i sʌc'an pañimil. Ma'anic tsa' ochiyob ti meloñibʌl judíojob ame bib'acob, come yom i cha'leñob we'el che' ti Pascua.

Hechos 5:21

Che' bʌ tsi' yubiyob jini t'an, tsa' ochiyob ti Templo ti sʌc'ajel. Tsi' cha'leyob cʌntesa. Tsa' tili jini ñuc bʌ motomaj yic'ot yaño' bʌ. Tsi' pʌyʌyob tilel jini año' bʌ i ye'tel yic'ot jini ñoxobix bʌ israelob. Tsi' choco majlel i winicob cha'an mi' pʌyob tilel Pedro yic'ot Juan.

Juezob 16:2

Tsa' subentiyob jini winicob año' bʌ ti Gaza: Wʌ'ix an Sansón ti lac tejclum, che'ob. Che' jini tsa' caji i joy mʌctañob ya' ti' ti'il tejclum. Ñʌch'ʌlob tsi' ñusayob ac'ʌlel. Tsi' yʌlʌyob ti' pusic'al: Che' mi' sʌc'ʌn pañimil mi caj lac wersa tsʌnsan, che'ob.

1 Samuel 19:11

Ti jini jach bʌ ac'ʌlel Saúl tsi' choco majlel winicob ti' yotot David cha'an mi' joy q'uelob cha'an mi' tsʌnsañob David che' ti sʌc'ajel. Pero Mical i yijñam David tsi' tsictesʌbe i ñoxi'al. Tsi' sube: Mi ma'anic ma' puts'el wʌle, ijc'ʌl mux caj a tsʌnsʌntel, che'en.