Mateo 26:15 - Chol: I T’an Dios

¹⁵ Tsi' subeyob: ¿Chuqui mi caj la' wʌq'ueñon cha'an mi cʌc' Jesús ti la' c'ʌb? che'en. Tsi' tojoyob lujump'ejl i cha'c'al sʌsʌc taq'uin.

Jiñi Tsiji' bʌ Wen T'añ cha'añ Estudio

¹⁵ tsi' su'beyob: ¿Chuqui mi caj la' wʌq'ueñon cha'añ mi cʌc' Jesús ti la' c'ʌb? Tsi' tojoyob lujump'ejl i cha'c'al sʌsʌc taq'uiñ.

Chol de Tumbalá Bible

¹⁵ Tsi' subeyob: ¿Chuqui mi caj la' wʌq'ueñon cha'an mi cʌc' Jesús ti la' c'ʌb? che'en. Tsi' tojoyob lujump'ejl i cha'c'al sʌsʌc taq'uin.

Jiñi Tsiji' bʌ Wen T'añ cha'añ Estudio

¹⁵ tsi' su'beyob: ¿Chuqui mi caj la' wʌq'ueñon cha'añ mi cʌc' Jesús ti la' c'ʌb? Tsi' tojoyob lujump'ejl i cha'c'al sʌsʌc taq'uiñ.

Chol Tila

¹⁵ Ti' subeyob: ¿Jayp'ej peso mi quejel la' wʌq'ueñon mi ti cʌc'ʌ ti la' c'ʌb Jesús? che'en. Che' jini ti yʌq'ueyob treinta sʌsʌc tyaq'uin. [Jini treinta sʌsʌc tyaq'uin jiñʌch che' bajche' i tyojol 120 q'uin toñel.]

Mateo 26:15 Iomraidhean Croise

Genesis 38:16

Tsa' majli ya' ba'an ti' ti' bij. Tsi' yʌlʌ: Awilan, com c pi'leñet, che'en. Come ma'anic tsi' ña'ta mi jiñʌch i yʌ'lib. Jini x'ixic tsi' yʌlʌ: ¿Chuqui mi caj a wʌq'ueñon cha'an ma' pi'leñon? che'en.

Exodo 21:32

Mi tsi' lujchi xmajtan e'tel, i yum wacax mi caj i tojben i yum xmajtan e'tel lujump'ejl i cha'c'al sʌsʌc taq'uin. Jini wacax mi caj i jujlel ti xajlel.

Isaias 56:11

Lajalob bajche' wi'ñal bʌ ts'i' mach bʌ muq'uic i ñaj'an. Ma'anobic i pusic'al jini xcʌnta tiñʌme'ob. Ti jujuntiquilob mi' bajñel ña'tañob chuqui yomob. Mi' bajan sʌclañob i wenlel.

Levitico 27:4

Mi x'ixic am bʌ junc'al i jabilel c'ʌlʌl ti uxc'al yom mi' yʌc' lujunc'al (200) peso.

Mateo 10:4

Simón jini cananista, yic'ot Judas Iscariote, jini tsa' bʌ i yʌc'ʌ Jesús ti' c'ʌb i contra.

Mateo 26:16

Ti jim bʌ ora Judas Iscariote tsa' caji i chajpan i bʌ cha'an mi' yʌc' Jesús.

Hechos 1:18

Tsa' mʌjñi jamil yic'ot i tojol i mul. Xitil tsa' yajli. Tsa' tojmi i ñʌc', tsa' loq'ui i soyta'.

1 Timoteo 3:3

Mach yomic mi' mulan vino. Mach yomic mi' jats' i pi'ʌlob. Mach yomic mi' mulan taq'uin. Yom uts i pusic'al. Mach yomic mi' cha'len leto. Mach yomic i ts'i'lel i wut cha'an chubʌ'añʌl.

2 Pedro 2:3

Wo'ob ti taq'uin jini xcʌntesajob, jini cha'an mi caj i lotiñetla cha'an mi' chilbeñetla la' chubʌ'an. C'ʌlʌl ti wajali c'ʌlʌl wʌle ña'tʌbil mi caj i tojob i mul. Chajpʌbilix ba' mi caj i jilelob.

Juezob 16:5

Tsa' tiliyob filisteojob año' bʌ i ye'tel ba'an jini xch'oc. Tsi' subeyob: Yom ma' pejcan ti uts bʌ t'an jini Sansón cha'an ma' c'ajtiben baqui mi' taj cabʌl i p'ʌtʌlel. Yom ma' ña'tan ja'el bajche' mi mejlel lac mʌlben, yic'ot bajche' mi mejlel laj cʌch. Che' jini ti jujuntiquil mi caj cʌq'ueñet lojon lajchʌmp'ejl mil peso, che'ob.

Juezob 17:10

Micaía tsi' sube: Cʌlenix ilayi ti cotot. Mi caj j q'uelet che' bajche' c tat. Mi caj a melbeñon e'tel ti motomaj. Lujump'ejl sʌsʌc taq'uin mi caj cʌq'ueñet ti jujump'ejl jab yic'ot a pislel, yic'ot chuqui ma' c'ux, che'en.