Mateo 26:13 - Chol: I T’an Dios

¹³ Isujm mic subeñetla, baqui jach mi' sujbel jini wen t'an ti pejtelel pañimil, muq'uix i sujbel ja'el jini tsa' bʌ i mele jini x'ixic, cha'an mi' ña'tʌntel, che'en Jesús.

Jiñi Tsiji' bʌ Wen T'añ cha'añ Estudio

¹³ Isujm mic su'beñetla, baqui jach mi' sujbel ili wen t'añ ti pejtelel pañimil, muq'uix i sujbel ja'el jiñi tsa' bʌ i mele ili x'ixic, cha'añ mi' chʌn ña'tʌntel, —che'en Jesús.

Chol de Tumbalá Bible

¹³ Isujm mic subeñetla, baqui jach mi' sujbel jini wen t'an ti pejtelel pañimil, muq'uix i sujbel ja'el jini tsa' bʌ i mele jini x'ixic, cha'an mi' ña'tʌntel, che'en Jesús.

Jiñi Tsiji' bʌ Wen T'añ cha'añ Estudio

¹³ Isujm mic su'beñetla, baqui jach mi' sujbel ili wen t'añ ti pejtelel pañimil, muq'uix i sujbel ja'el jiñi tsa' bʌ i mele ili x'ixic, cha'añ mi' chʌn ña'tʌntel.

Chol Tila

¹³ Melel mic subeñetla, ba'ical jach mi sujbel ili wen bʌ t'an c'ʌlʌ ti pejtyelel mulawil, mi quejel i yʌjlel bajche' ti' cha'le jini x'ixic cha'an mi ña'tyʌntyel. Che' ti yʌlʌ Jesús.

Mateo 26:13 Iomraidhean Croise

Salmos 112:6

Jini winic mi caj i cʌntʌntel ti' yorajlel wocol. Mi caj i chʌn ña'tʌntel ti pejtelel ora.

Isaias 52:9

Cha'lenla c'am bʌ oñel añet bʌ la ti Jerusalén. Yom tijicña la' pusic'al cha'an tsa' mʌjli la' cha'an. Mach chʌn t'uchtʌbiletix come lac Yum tsa'ix i cha' p'unta i cha'año' bʌ. Tsa'ix i cha' mʌñʌ jini año' bʌ ti Jerusalén.

Mateo 24:14

Jini wen t'an cha'an i yumʌntel Dios mi caj i sujbel ti pejtelel pañimil cha'an mi' yubintel ti pejtelel pañimil. Ti jim bʌ ora mi caj i tilel i jilibal.

Mateo 28:19

Cucula che' jini. Sutq'uiñob ti xcʌnt'añob winicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, ti' c'aba' Ch'ujul bʌ Espíritu.

Marcos 13:10

Wersa mi' ñaxan subentelob jini wen t'an ti pejtelel lum.

Marcos 14:9

Isujm mic subeñetla, baqui jach mi' sujbel jini wen t'an ti pejtelel pañimil, mi caj i sujbel ja'el chuqui tsi' mele jini x'ixic cha'an mi' ña'tʌntel, che'en Jesús.

Marcos 16:15

Jesús tsi' subeyob: Cucula ti pejtelel pañimil. Subenla jini wen t'an pejtelel winicob x'ixicob.

Lucas 24:47

Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Hechos 10:4

Cornelio tsi' cha'le bʌq'uen che' bʌ tsi' q'uele jini ángel. Tsi' sube: ¿Chuqui a wom c Yum? che'en. Jini ángel tsi' sube: A woración yic'ot i majtan tac p'ump'uño' bʌ mu' bʌ a wʌq'ueñob woli' ña'tʌntel ti Dios.

Romanos 10:18

Mij c'ajtibeñetla: ¿Mach ba tsa'ic i yubiyob? Tsa' cu. Tsa' pam pujqui i t'an ti pejtelel pañimil. C'ʌlʌl ba' jaxʌl i lum tsa' pam pujqui i t'añob.

Romanos 15:19

Tsi' pʌsʌ ñuc bʌ i yejtal i p'ʌtʌlel yic'ot bʌbʌq'uen tac bʌ ti' p'ʌtʌlel Ch'ujul bʌ Espíritu. Che' jini, tsa'ix c laj subu i wen t'an Cristo c'ʌlʌl ti Jerusalén, c'ʌlʌl ti Ilírico.

2 Corintios 10:18

Come mach jinic mi' q'uejlel ti uts'at mu' bʌ i bajñel sub i bʌ ti ñuc, cojach jini mu' bʌ i sujbel ti ñuc ti Dios.

Colosenses 1:23

mi chʌn xuc'uletla ti isujm, mi p'ʌtʌletla ti jini mu' bʌ la' ñop. Mach mi la' cʌy la' pijtaya tsa' bʌ la' wubi ti jini t'an woli bʌ i sujbel ti pejtelel pañimil ti yebal panchan. Joñon, Pablo, aq'uebilon que'tel cha'an jini wen t'an.

Colosenses 1:6

tsa' bʌ c'oti ti la' tojlel yic'ot ti pejtelel pañimil. Woli' chʌn pujquel ti la' tojlel. Woli' chʌn ac' i wut che' bajche' ti jini q'uin che' bʌ tsa' caji la' wubin che' bʌ tsa' la' ch'ʌmbe i sujmlel i yutslel i pusic'al Dios.

1 Timoteo 2:6

Tsi' yʌc'ʌ i bʌ cha'an mi' mʌn pejtelel año' bʌ ti pañimil. Jiñʌch i ye'tel tsa' bʌ ajq'ui ti cʌjñel che' ti' yorajlel.

Hebreos 6:10

Come mach jontolic Dios. Mach ñajʌyic i cha'an la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ. Woli to la' coltañob.

Apocalipsis 14:6

Tsaj q'uele yambʌ ángel woli bʌ ti wejlel ti ojlil panchan, ch'ʌmʌl i cha'an jini wen t'an am bʌ ti pejtelel ora cha'an mi' subeñob jini chumulo' bʌ ti pañimil yic'ot jini año' bʌ ti pejtelel tejclum tac yic'ot pejtelel winicob x'ixicob yujilo' bʌ t'an ti chajp ti chajp.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.