Mateo 24:5 - Chol: I T’an Dios

⁵ Come talob cabʌl tij c'aba'. Mi caj i lon cuyob i bʌ ti Cristo. Mi caj i socob cabʌlob.

Jiñi Tsiji' bʌ Wen T'añ cha'añ Estudio

⁵ Come ca'bʌl talob tij c'aba', mi caj i yʌlob: Joñoñʌch jiñi Cristo; ca'bʌl mi caj i lotintelob.

Chol de Tumbalá Bible

⁵ Come talob cabʌl tij c'aba'. Mi caj i lon cuyob i bʌ ti Cristo. Mi caj i socob cabʌlob.

Jiñi Tsiji' bʌ Wen T'añ cha'añ Estudio

⁵ Come ca'bʌl talob tij c'aba', mi caj i yʌlob: joñoñʌch jiñi Cristo; ca'bʌl mi caj i lotintelob.

Chol Tila

⁵ Como cabʌlob mi quejel i tyʌlelob mu' bʌ i quejel i c'ʌmbeñon j c'aba'. Mi quejel i lolon alob: Joñon Cristojon, yajcʌbilon bʌ i cha'an Dios, che'ob mi quejel i yʌlob. Cabʌl mi quejel i lotintyelob.

Mateo 24:5 Iomraidhean Croise

Jeremias 14:14

Lac Yum tsi' subeyon: Jini x'alt'añob woli' lon c'ʌñob j c'aba' che' mi' cha'leñob lot. Ma'anic tsac chocoyob ti subt'an. Ma'anic tsac pejcayob. Lot jach chuqui woli' q'uelob che' bajche' ti ñajal. Che' mi' subob chuqui tac tal, mach isujmic. Ch'oyol jach ti' bajñel pusic'al. Chan mi' melob i bʌ.

Jeremias 23:21

Jini x'alt'añob tsa' majliyob ti ajñel cha'an mi' cha'leñob subt'an, pero mach chocbilobic majlel c cha'an, che'en lac Yum. Ma'anic tsac pejcayob, pero tsi' cha'leyob t'an tij c'aba'.

Jeremias 23:25

Tsa cubibeyob i lot jini x'alt'añob mu' bʌ i lon jop'ob t'an tij c'aba'. Mi' yʌlob: “Tsac ñajle jini, tsac ñajle yambʌ”, lon che'ob.

Jeremias 37:9

Suben ja'el: “Mach a ñop lot. Mach a lon ña'tan mi junyajlel majlemobix jini caldeojob, come mach isujmic. Cha' talob.

Mateo 24:11

Mi caj i tejchelob cabʌl lot bʌ x'alt'añob mu' bʌ caj i socob cabʌl winicob x'ixicob.

Mateo 24:24

Mi caj i tejchelob lot bʌ x'alt'añob yic'ot xlotob mu' bʌ i cuyob i bʌ ti Cristo. Mi caj i pʌsob ñuc bʌ i yejtal i p'ʌtʌlel, yic'ot bʌbʌq'uen tac bʌ cha'an mi' socob jini yajcʌbilo' bʌ mi tsa' mejli.

Juan 5:43

Joñon tsa' tiliyon ti' c'aba' c Tat. Ma'anic mi la' ñopon. Mi tsa' tili yambʌ tij c'aba', jini mi caj la' ñop.

Juan 8:24

Jini cha'an mic subeñetla mi caj la' chʌmel che' añet to la ti la' mul. Mi ma'anic mi la' ñopon, mi caj la' chʌmel che' añet to la ti la' mul, che'en Jesús.

Juan 8:28

Jini cha'an Jesús tsi' subeyob: Che' bʌ tsa'ix la' letsa i Yalobil Winic, mi caj la' ch'ʌmben isujm majquiyon. Mi caj la' ch'ʌmben isujm ma'anic chuqui mic cha'len tic bajñelil. Chuqui tac tsi' cʌntesayon c Tat, jini jach mic sub.

1 Juan 2:18

Alobob, jiñʌch cojix bʌ q'uin tac. Tsa' la' wubi tal jini xcontra Cristo. Wʌle añobix cabʌl mu' bʌ i contrajiñob Cristo. Jini cha'an la cujil añonixla ti cojix bʌ q'uin tac.

1 Juan 2:22

¿Majqui xlot? ¿Mach ba jinic mu' bʌ i yʌl mach Cristojic jini Jesús? Jiñʌch xcontra Cristo mu' bʌ i yʌl mach i Tatic Cristo jini Dios, yic'ot mach i Yalobilic Dios jini Cristo.

1 Juan 4:3

Pejtel espíritu mach bʌ anic mi' sub ti ñuc Jesús, mach ch'oyolic ti Dios. Jiñʌch xcontra Cristo. Tsa' la' wubi mi caj i tilel. Wʌle anix ti pañimil.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.