Mateo 23:4 - Chol: I T’an Dios

⁴ Mi' p'ʌtob wen al bʌ cuchʌl wocol bʌ ti q'uechol. Mi' c'ʌcchocobeñob ti' quejlab yaño' bʌ winicob. Pero i bajñelob ma'anic mi' wis tʌlob jini cuchʌl mi ti junts'ijtic i yal i c'ʌb.

Jiñi Tsiji' bʌ Wen T'añ cha'añ Estudio

⁴ Mi' p'ʌtob wen al bʌ cuchʌl wocol bʌ ti' ch'ʌmol majlel, mi' c'ʌcchocobeñob ti' quejlab yaño' bʌ wiñicob; pero ma'añic mi' wis tʌlob ajñel mi ti junts'ijtic jax i yal i c'ʌb.

Chol de Tumbalá Bible

⁴ Mi' p'ʌtob wen al bʌ cuchʌl wocol bʌ ti q'uechol. Mi' c'ʌcchocobeñob ti' quejlab yaño' bʌ winicob. Pero i bajñelob ma'anic mi' wis tʌlob jini cuchʌl mi ti junts'ijtic i yal i c'ʌb.

Jiñi Tsiji' bʌ Wen T'añ cha'añ Estudio

⁴ Mi' p'ʌtob wen al bʌ cuchʌl wocol bʌ ti' ch'ʌmol majlel, mi' c'ʌcchocobeñob ti' quejlab yaño' bʌ wiñicob; pero ma'añic mi' wis tʌlob ajñel mi ti junts'ijtic jax i yal i c'ʌb.

Chol Tila

⁴ Ma'an majch ch'ujbi i lu' ts'ʌctisan ti pejtyelel bajche' mi' cʌntisañob quixtyañujob i yajñelob. Como ti' lolon oc' isʌ jini mandar tsa' bʌ yʌq'ue Moisés. Che' bajche' chʌncol i yʌq'uen i cuche' ñoj al bʌ i cuch quixtyañujob yubil. Pero i bajñelob mach'an mi' saj cotyañob i cuche' tsa' bʌ i bajñel oc'ʌsʌyob mi yic'ot junts'ijtic i yal c'ʌb mi' cotyañob, yubil.

Mateo 23:4 Iomraidhean Croise

Isaias 46:1

Jini dios tac, Bel yic'ot Nebo, wolix i ch'ʌjmel majlel ti carreta. Woli' tujc'an majlel tat wacax. Awilan colelix i ñuc yajlel ti lum, come wocol mi' majlel cha'an cabʌl i cuch carreta. Bajche' jach añob jini dioste' tac, mi buchul o mi pʌcʌl, ma'anic mi mejlel i coltañob i bʌ. ¿Bajche' mi mejlel i coltan jini mu' bʌ i ch'ujutesañob ba' ora mi' tilel Ciro?

Mateo 23:23

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come mi la' loc'san i diezmojlel jini pimel i c'aba menta yic'ot yambʌ i c'aba' enelto yic'ot yambʌ i c'aba' comino. Pero mi la' ñusan ñumen ñuc tac bʌ i mandar Dios, jiñʌch toj bʌ meloñel yic'ot p'untaya yic'ot chuqui yom ñopol. Yom mi la' jac' ili mandar. Mach yomic mi la' cʌy la' wʌq'uen i diezmojlel la' chubʌ'an.

Mateo 23:3

Jini cha'an jac'benla i t'an. Melela chuqui jach mi' subeñetla. Pero mach mi la' tsajcan i melbalob. Come mi' lon cha'leñob subt'an. Ma'anic mi' melob chuqui mi' yʌlob.

Lucas 11:46

Jesús tsi' yʌlʌ: ¡Mi caj la' taj wocol ja'el, xcʌntesa mandaret bʌla! Mi la' wʌq'ueñob winicob al bʌ i cuch mach bʌ mejlic i lʌt'ob. Pero jatetla, ma'anic mi la' tʌl jini cuchʌl mi ti junts'ijtic i yal la' c'ʌb.

Hechos 15:10

¿Chucoch che' jini, woli la' wilʌben i pusic'al Dios? ¿Chucoch mi la' wʌq'ueñob jini xcʌnt'añob i cuch jini wocol tac bʌ? Ma'anic tsa' mejli lac lʌt' joñonla mi lac ñojte'el.

Hechos 15:28

Come joñon lojon quic'ot jini Ch'ujul bʌ Espíritu tsac ña'ta lojon mach yomic mi cʌq'ueñetla la' cuch chuqui tac wocol ti' jac'ol. Cojach jini yom:

Gálatas 6:13

Pero jini woli bʌ i ch'ʌmob tsep pʌchʌlel mach ts'ʌcʌlic woli' jac'ob jini mandar. Yomob jach mi la' ch'ʌm tsep pʌchʌlel cha'an mi' q'uelob i bʌ ti ñuc cha'an i sellojlel ti' la' bʌc'tal.

1 Juan 5:3

Come i c'uxbintel Dios jiñʌch i ch'ujbibentel i mandar. Mach wocolic i mandar.

Apocalipsis 2:24

Mic subeñetla pejtelel añet bʌ la ti Tiatira, mach bʌ ñopolic la' cha'an i cʌntesʌbal Jezabel yic'ot jini mucul tac bʌ i cʌntesʌbal Satanás mu' bʌ i lon q'uelob ti ñuc la' pi'ʌlob: Ma'anic mi cʌq'ueñetla yambʌ la' cuch.