Mateo 22:3 - Chol: I T’an Dios

³ Tsi' choco majlel x'e'telob i cha'an cha'an mi' pʌyob tilel jini pʌybilo' bʌ cha'an mi' melbeñob i q'uiñilel ñujpuñijel. Mach yomobic tilel.

Jiñi Tsiji' bʌ Wen T'añ cha'añ Estudio

³ Tsi' choco majlel x'e'telob i cha'añ, cha'añ mi' pʌy tilel jiñi pʌybilo' bʌ cha'añ i q'uiñilel ñujpuñijel, pero ma'añic tsi' jac'ʌyob tilel.

Chol de Tumbalá Bible

³ Tsi' choco majlel x'e'telob i cha'an cha'an mi' pʌyob tilel jini pʌybilo' bʌ cha'an mi' melbeñob i q'uiñilel ñujpuñijel. Mach yomobic tilel.

Jiñi Tsiji' bʌ Wen T'añ cha'añ Estudio

³ Tsi' choco majlel x'e'telob i cha'añ, cha'añ mi' pʌy tilel jiñi pʌybilo' bʌ cha'añ i q'uiñilel ñujpuñijel, pero ma'añic tsi' jac'ʌyob tilel.

Chol Tila

³ Ti' xiq'ui majlel ajtroñelob i cha'an cha'an mi majlel i pʌyob tyʌlel pejtyelel tsa' bʌ wʌ subeyob tyʌlel. Pero mach yomobix tyʌlel.

Mateo 22:3 Iomraidhean Croise

Salmos 68:11

Lac Yum tsi' yʌc'ʌ jini p'ʌtʌl bʌ i t'an. Bajc'ʌl x'ixicob tsi' pam pucuyob.

Isaias 30:15

Come lac Yum Dios, jini Ch'ujul Bʌ ti Israel, woli' yʌl: Sutq'uin a bʌ ba' añon, ñopox c t'an. Che' jini ñʌch'ʌl mi caj a wajñel. Mi caj a taj a p'ʌtʌlel yic'ot i xuc'tilel a pusic'al. Pero woli jach a ñusʌbeñon c t'an.

Jeremias 25:4

C'ʌlʌl ti oñiyi lac Yum woli' chocbeñetla tilel pejtel jini x'alt'añob i cha'an, pero woli la' mʌc la' chiquin cha'an mach la' womic la' jac'.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Oseas 11:2

Pero che' bʌ tsac pʌyʌyob, tsi' tʌts'ʌyob i bʌ tic tojlel. Tsa' utsi ñusʌbeyon c t'an. Tsi' yʌq'ueyob i majtan jini dios Baal. Tsi' pulbeyob pom jini dioste' tac.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Sofonias 1:7

Ñʌjch'enla ti' tojlel lac Yum Dios, come lʌc'ʌlix jini q'uin che' mi caj i cha'len meloñel lac Yum. Mi caj i yʌc'ob ti tsʌnsʌntel i tejclumob. Yajcʌbilob mu' bʌ caj i cha'leñob tsʌnsa.

Mateo 21:34

Che' lʌc'ʌlix i yorajlel mi' cajel ti wut, tsi' choco majlel yambʌ x'e'telob i cha'an. Tsa' majliyob ba'an xcʌnta ts'usubilob cha'an mi' ch'ʌmbeñob tilel i wut.

Mateo 23:37

¡Jerusalén, Jerusalén, jatet mu' bʌ a tsʌnsan x'alt'añob! ¡Ma' jul ti xajlel jini chocbilo' bʌ tilel ba' añetla! ¡Anix jayyajl com c tempan la' walobilob che' bajche' mi' luts' i yal jini ña' mut! ¡Pero mach la' womic!

Mateo 3:2

Tsi' yʌlʌ: Cʌyʌx la' mul come lʌc'ʌlix i yumʌntel jini am bʌ ti panchan, che'en.

Mateo 9:15

Jesús tsi' jac'beyob: ¿Mejl ba i cha'leñob ch'ajb jini xmel q'uiñob che' temel añob yic'ot winic woli bʌ ti ñujpuñijel? Pero tal i yorajlel che' mi caj i pʌjyel majlel jini winic woli bʌ ti ñujpuñijel. Ti jini q'uin tac mi' cajelob ti ch'ajb xmel q'uiñob.

Lucas 13:34

Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jini chocbilo' bʌ tilel ba' añetla. Anix jayyajl com c tempan la' walobilob che' bajche' mi' luts' i yal jini ña'a mut, pero mach la' womic.

Lucas 15:28

Jini ascuñʌl bʌ tsa' caji ti mich'ajel. Mach yomic ochel. Jini cha'an tsa' loq'ui tilel i tat. Tsi' sube ti wocol t'an cha'an mi' yochel.

Lucas 19:27

Pʌyʌla tilel jini mu' bʌ i contrajiñoñob mach bʌ yomobic i yumañoñob. Tsʌnsañob wʌ' tic tojel”, che'en. Che' tsi' yʌlʌ. Jesús.

Juan 5:40

Jatetla mach la' womic la' tilel ba' añon cha'an mi la' taj la' cuxtʌlel.

Hechos 13:45

Tsʌytsʌyñayob jini judíojob che' bʌ tsi' q'ueleyob motocñayob winicob x'ixicob. Tsi' cha'leyob t'an ti' contra i cʌntesa Pablo. Tsi' p'ajbeyob i bijlel lac Yum.

Romanos 10:21

Pero cha'an israelob tsi' yʌlʌ: “Ti pejtelel q'uin wolic pʌyob tij c'ʌb winicob x'ixicob mach bʌ yujilobic i jac'ol. Mi' contrajiñob c t'an”, che'en.

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.

Hebreos 9:15

Jini cha'an Cristo tsi' mele jini tsijib xuc'ul bʌ t'an cha'an mi' yʌq'uentelob jini pʌybilo' bʌ ti Dios jini bendición tsa' bʌ i wʌn ña'ta. An i p'ʌtʌlel Cristo cha'an mi' mel iliyi, come tsa' chʌmi cha'an mi' ñusʌbeñob i mul jini añob to bʌ ti wenta ñaxan bʌ trato.

Apocalipsis 22:17

Jini Espíritu yic'ot jini xch'oc mu' bʌ cajel ti ñujpuñijel mi' yʌlob: La', che'ob. Jini mu' bʌ i yubin, la' i yʌl: La'. Che' yom mi' yʌl. Jini am bʌ i tiquin ti', la' tilic. Majqui jach yom, la' i jap ja' ti' majtan jach, i yejtal bʌ i cuxtʌlel.

1 Samuel 9:13

Mux caj la' q'uel che' mi la' wochel ti tejclum. Cucula pejcan che' maxto anic mi' majlel ti c'ux waj, come jini winicob woli' pijtañob cha'an mi' cha'leñob we'el yic'ot. Come maxto anic mi' poj c'uxob waj jinto che' mi' c'otel i suben wocolix i yʌlʌ lac Yum cha'an jini majtañʌl. Ti wi'il mi caj i c'uxob jini pʌybilo' bʌ. Letsenla majlel ti ora cha'an mi la' taj, che'ob.