Mateo 20:2 - Chol: I T’an Dios

² Tsi' mele trato cha'an mi' tojtʌlob x'e'telob ti jujump'ejl denario ti jujump'ejl q'uin. Jini yumʌl tsi' chocoyob majlel ti' ts'usubil.

Jiñi Tsiji' bʌ Wen T'añ cha'añ Estudio

² Tsi' mele trato yic'ot x'e'telob cha'añ mi' caj i toj jump'ejl denario ti jump'ejl q'uiñ, tsi' chocoyob majlel ti' ts'usubil.

Chol de Tumbalá Bible

² Tsi' mele trato cha'an mi' tojtʌlob x'e'telob ti jujump'ejl denario ti jujump'ejl q'uin. Jini yumʌl tsi' chocoyob majlel ti' ts'usubil.

Jiñi Tsiji' bʌ Wen T'añ cha'añ Estudio

² Tsi' mele trato yic'ot x'e'telob cha'añ mi' caj i toj jump'ejl denario ti jump'ejl q'uiñ, tsi' chocoyob majlel ti' ts'usubil.

Chol Tila

² Ti' lajayob i t'an cha'an mi' tyojob jump'ej tyaq'uin denario bʌ i c'aba' ti jujump'ej q'uin. Che' jini ti' chocoyob majlel ti toñel ti ts'ujsubol.

Mateo 20:2 Iomraidhean Croise

1 Reyob 18:12

Pero che' mic majlel, jini i yEspíritu lac Yum mi caj i pʌyet majlel ba' ma'anic mic ña'tan. Che' mi' tilel Acab i sʌclañet, che' ma'anic mi' tajet, mi caj i tsʌnsañon, anquese c'ʌlʌl che' ch'itoñon to tsac wen tsajca lac Yum.

2 Cronicas 34:3

Che' waxʌcp'ejlix jab i ye'tel ti rey che' wʌclujump'ejlix (16) i jabilel, Josías tsa' caji i wen ñop lac Yum i Dios David, jini i ñojte'el. Che' junc'alix i jabilel, tsa' caji i cha' sʌq'uesan Judá yic'ot Jerusalén. Tsi' jeme pejtelel jini pulʌntib yic'ot i yejtal tac Asera, yic'ot yan tac bʌ dioste'.

Eclesiastes 12:1

Ña'tan Dios che' ch'itoñet to. C'uxbin wʌle che' jalto mi' tilel i yorajlel wocol.

Mateo 18:28

Che' woli ti sujtel jini x'e'tel tsi' taja juntiquil i pi'ʌl ti e'tel am bʌ i bet jo'c'al denario. Tsi' chucu ti' bic'. Tsi' yʌlʌ: “Tojbeñon a bet”, che'en.

Mateo 20:1

I yumʌntel jini am bʌ ti panchan lajalʌch bajche' yumʌl tsa' bʌ majli ti sʌc'ajel cha'an mi' sʌclan x'e'telob cha'an i ts'usubil.

Mateo 20:13

Jini yumʌl tsi' sube juntiquil: “Ma'anic chuqui tsac cha'le ti a contra. ¿Mach ba anic tsa' cha'le trato cha'an jump'ejl denario a tojol?

Mateo 20:3

Che' ti uch'ijib q'uin tsa' cha' majli jini yumʌl. Tsi' q'uele yambʌ winicob to'o wa'alob jach ba'an choñoñibʌl tac.

Mateo 20:9

Jini winicob tsa' bʌ tiliyob ti e'tel che' bʌ wolix ti bʌjlel q'uin tsa' aq'uentiyob jujump'ejl denario i tojol ti jujuntiquil.

Mateo 22:19

Pʌsbeñon jini taq'uin cha'an tojoñel, che'en Jesús. Tsi' ch'ʌmbeyob tilel jump'ejl denario.

Mateo 9:37

Tsi' sube xcʌnt'añob i cha'an: Isujm, wen cabʌl c'ajbal pero ma'anic cabʌl x'e'telob.

Marcos 12:15

Jesús yujil cha'chajp jax i pusic'al jini winicob. Jini cha'an tsi' subeyob: ¿Chucoch mi la' wilʌbeñon c pusic'al? Ch'ʌmbeñon tilel junq'uejl taq'uin cha'an mij q'uel, che'en.

Lucas 1:15

Come ñuc mi caj i q'uejlel a walobil ti' tojlel Dios. Ma'anic mi caj i jap vino mi lembal. C'ʌlʌl che' cʌntʌbil, but'ul ti Ch'ujul bʌ Espíritu mi caj i yajñel.

Lucas 10:35

Ti yijc'ʌlal che' yomix majlel, tsi' loc'sa cha'p'ejl denario. Tsi' yʌq'ue i yum otot. Tsi' sube. “Cʌntʌbeñon jini winic. Mi ñumen ma' jisan taq'uin mu' to c tojbeñet che' mic cha' tilel”, che'en.

Lucas 20:24

Pʌsbeñon jini taq'uin. ¿Majqui i cha'an i yejtal yic'ot i ts'ijbal ti' pam? che'en. Tsi' jac'beyob: I cha'an César, che'ob.

2 Timoteo 3:15

C'ʌlʌl che' alʌlet to, cʌmbilix a cha'an jini Ch'ujul bʌ i Ts'ijbujel Dios, mu' bʌ i cʌntesañet cha'an ma' ñop Cristo Jesús cha'an ma' coltʌntel.

Apocalipsis 6:6

Tsa cubi t'an loq'uem bʌ ti' yojlil jini chʌntiquil querubiñob. Tsi' yʌlʌ: Jump'ejl kilo trigo jiñʌch i tojol jump'ejl q'uin e'tel. Uxp'ejl kilo cebada, jiñʌch i tojol jump'ejl q'uin e'tel. Mach ma' jisan mi ts'usubil mi olivojil, che'en.

1 Samuel 2:18

Tsa' caji ti colel jini ch'iton Samuel, lʌpbil i cha'an i bujc motomaj melbil bʌ ti fino bʌ pisil. Tsi' melbe i ye'tel lac Yum.

1 Samuel 2:26

Jini ch'iton Samuel woli to ti colel majlel. Wen uts'at tsa' q'uejli ti' tojlel Dios yic'ot ti' tojlel winicob.

1 Samuel 3:1

Che' ch'iton to Samuel tsa' caji i melben i ye'tel lac Yum ba'an Elí. Ma'anic majch tsi' yubibe i t'an lac Yum ti ili ora. Ma'anic chuqui woli' chʌn q'uelob ch'oyol bʌ ti panchan.

1 Samuel 3:21

Tsa' caji i cha' pʌs i bʌ lac Yum ya' ti Silo, come tsi' pejca Samuel. Tsi' yʌc'ʌ i bʌ ti cʌjñel ti' t'an.