Mateo 20:12 - Chol: I T’an Dios

¹² Tsi' yʌlʌyob: “Jini wi'ilobix bʌ tsi' cha'leyob e'tel jump'ejl jach ora. Joñon lojon, tsa cubi lojon cabʌl ticwal c'ʌlʌl tsa' ñumi q'uin. Wola' ña'tan lajalon lojon quic'otob”, che'ob.

Jiñi Tsiji' bʌ Wen T'añ cha'añ Estudio

¹² tsi' yʌlʌyob: “Jiñi wi'ilix bʌ tsa' juliyob ya' jump'ejl jax ora tsi' cha'leyob e'tel pero lajal woli a q'uel jiñi que'tel lojon yic'otob, pero joñon lojon tsa' cu'bi lojon ca'bʌl ticwal c'ʌlʌl tsa' ñumi q'uiñ”.

Chol de Tumbalá Bible

¹² Tsi' yʌlʌyob: “Jini wi'ilobix bʌ tsi' cha'leyob e'tel jump'ejl jach ora. Joñon lojon, tsa cubi lojon cabʌl ticwal c'ʌlʌl tsa' ñumi q'uin. Wola' ña'tan lajalon lojon quic'otob”, che'ob.

Jiñi Tsiji' bʌ Wen T'añ cha'añ Estudio

¹² tsi' yʌlʌyob: “Jiñi wi'ilix bʌ tsa' juliyob ya' jump'ejl jax ora tsi' cha'leyob e'tel pero lajal woli a q'uel jiñi que'tel lojon yic'otob, pero joñon lojon tsa' cu'bi lojon ca'bʌl ticwal c'ʌlʌl tsa' ñumi q'uiñ.”

Chol Tila

¹² Ti yʌlʌyob: Jini wi'ilobix ti juli ti' cha'leyob troñel jump'ej jach ora. Junlajal ti a wʌq'ueyob i tyojol che' bajche' ti a tyojoyon lojon tsa' bʌ lojon c cha'le wersa bʌ toñel. Ti lojon j cuchu ticwal c'ʌlʌ ti ñumi q'uin, che'ob.

Mateo 20:12 Iomraidhean Croise

Jonas 4:8

Che' bʌ tsa' pasi q'uin Dios tsi' choco tilel ticʌw bʌ ic' ch'oyol bʌ ti' pasibal q'uin. Jini q'uin tsi' pulbe i jol Jonás. Jini cha'an tsa' caji ti c'uñ'an pañimil. Tsi' c'ajtibe Dios cha'an mi' chʌmel. Tsi' sube: Uts'at mi tsa' chʌmiyon. Mach uts'atic che' cuxulon, che'en.

Malaquias 1:13

Mi la' ts'a'leñon. Wocol jax mi la' wubin che' mi la' wʌq'ueñon c majtan. ¡Ña'tanla! che' mi la' ch'ʌmbeñon tilel xpots' bʌ alʌc'ʌl yic'ot mach bʌ wenic i yoc yic'ot c'am bʌ, ¿yom ba mic ch'ʌm tic wenta?

Malaquias 3:14

Ubinla. Tsa'ix la' wʌlʌ: “Lolom jach mi lac ch'ujutesan Dios. ¿Chuqui mi lac taj che' mi lac jac'ben i t'an, che' mi lac mel lac pusic'al cha'an lac mul? Wʌ' ti pañimil tijicñayob mu' bʌ i chañ'esañob i bʌ. Wen chumulob xjontolilob. Che' mi' yilʌbeñob i pusic'al Dios ma'anic mi' yʌq'ueñob castigo. Mi' loq'uelob ti libre”, lon che'etla, che'en lac Yum.

Mateo 20:11

Che' bʌ tsi' ch'ʌmʌyob i tojol, tsa' cajiyob ti wulwul t'an ti' contra i yum ts'usubil.

Lucas 12:55

Che' mi' tilel ic' loq'uem bʌ ti sur, mi la' wʌl mux i tilel ticwal. Che'ʌch mi yujtel.

Romanos 3:27

¿Mu' ba lac chʌn sub lac bʌ ti ñuc? Ma'anic. ¿Chucoch? ¿Mach ba anic lac ñuclel cha'an ti' jac'ol jini mandar? Ma'anic. Come mach cha'anic i jac'ol mandar mi' ñusʌbeñonla lac mul Dios che' mi' yotsañonla ti' wenta, pero cha'an jach tsa' lac ñopo Jesús.

Romanos 3:30

Come juntiquil jach Dios. Mi caj i yotsan ti' wenta pejtel mu' bʌ i ñopob, jini tsepbil bʌ i pʌchʌlel yic'ot ja'el jini mach bʌ tsepbilic i pʌchʌlel.

1 Corintios 4:11

C'ʌlʌl wʌle mi cubin lojon wi'ñal yic'ot tiquin ti'. Pits'ilon lojon, lojwemon lojon ti asiyal. Ma'anic cotot lojon ba' mic chumtʌl.

Efesios 3:6

Jiñʌch i sujmlel cha'an lajal mi caj i yʌq'uentelob i wenlel gentilob yic'ot israelob, come jump'ejlobix i bʌc'tal yic'ot Cristo Jesús. Mi caj i tem aq'uentelob ti Cristo chuqui albil i cha'an Dios ti' yutslel i pusic'al.

Santiago 1:11

Che' c'ux q'uin mi' tiquesan jam. Mi' p'ajtel i nich pimel. Mi' jilel i t'ojlʌwel. Che' ja'el mi caj i chʌmel jini wen chumul bʌ. Quepel mi' cʌy i ye'tel.