Mateo 13:44 - Chol: I T’an Dios

⁴⁴ Che' yilal ja'el i yumʌntel jini am bʌ ti panchan bajche' jump'ejl chubʌ'añʌl wen letsem bʌ i tojol, mucul bʌ ti jamil. Tsi' taja juntiquil winic. Tsi' cha' mucu. Wen tijicña i pusic'al tsa' majli i chon pejtelel i chubʌ'an. Tsi' mʌñʌ jini jamil.

Jiñi Tsiji' bʌ Wen T'añ cha'añ Estudio

⁴⁴ Che' yilal ja'el i yumʌntel jiñi am bʌ ti panchan bajche' jump'ejl chu'bʌañʌl wen letsem bʌ i tojol, mucul bʌ ti jamil, tsa' bʌ i taja juntiquil wiñic, pero tsi' cha' mucu; wen tijicña i pusic'al tsa' majli i chon pejtelel i chu'bʌañ, cha'añ mi' mʌn jiñi jamil.

Chol de Tumbalá Bible

⁴⁴ Che' yilal ja'el i yumʌntel jini am bʌ ti panchan bajche' jump'ejl chubʌ'añʌl wen letsem bʌ i tojol, mucul bʌ ti jamil. Tsi' taja juntiquil winic. Tsi' cha' mucu. Wen tijicña i pusic'al tsa' majli i chon pejtelel i chubʌ'an. Tsi' mʌñʌ jini jamil.

Jiñi Tsiji' bʌ Wen T'añ cha'añ Estudio

⁴⁴ Che' yilal ja'el i yumʌntel jiñi am bʌ ti panchan bajche' jump'ejl chu'bʌañʌl wen letsem bʌ i tojol, mucul bʌ ti jamil, tsa' bʌ i taja juntiquil wiñic, pero tsi' cha' mucu; wen tijicña i pusic'al tsa' majli i chon pejtelel i chu'bʌañ, cha'añ mi' mʌn jiñi jamil.

Chol Tila

⁴⁴ Jesús ti yʌlʌ: Ch'ujbi lac laje' i yumintyel Dios yic'ot yonlel tyaq'uin tsa' bʌ mujqui ti jamilol. Juntiquil winic ti' tyaja. Ya' ti cha' mucu ya' ba' ti' tyaja. Wen c'ajacña i yoj ti majli i choñe' ti pejtyelel chʌ bʌ an i cha'an cha'an i mʌñe' jini jamilol ba' mucul jini yonlel tyaq'uin. Jiñʌch yom i yʌle' che' mi lac yumin Dios, jini mu' bʌ i yʌq'ueñonla Dios más an i c'ʌjnibal bajche' pejtyelel am bʌ lac cha'an.

Mateo 13:44 Iomraidhean Croise

Job 28:13

Ma'anic mi' p'isob ti' wenta mi ñumen an i c'ʌjñibal lac ña'tibal bajche' oro. Mach tilemic ti pañimil ba' poj chumulonla.

Proverbios 16:16

Yom mi lac taj wen bʌ lac ña'tʌbal. Ñumen uts'at bajche' oro letsem bʌ i tojol. Ñumen uts'at bajche' plata mi tsa' lac ch'ʌmbe isujm.

Proverbios 17:16

¿Chucoch mi' lon ña'tan i mʌn i ña'tʌbal jini tonto bʌ mach bʌ mejlic i ch'ʌmben isujm?

Proverbios 18:1

Jini mu' bʌ i tʌts' loq'uel i bʌ ba'an i pi'ʌlob woli' ña'tan i mel chuqui yom i bajñel pusic'al. I contrajʌch weño' bʌ i pusic'al.

Proverbios 23:23

C'uxbin jini isujm bʌ t'an, come lajalʌch bajche' letsem tac bʌ i tojol mu' bʌ lac mʌn. Mach a cha' chon ti pejtelel ora. Cha'len wersa cha'an ma' taj a ña'tʌbal yic'ot i tic'ol a pusic'al yic'ot a cʌntesʌntel.

Isaias 55:1

Yom ma' jal'an jumuc', majqui jach an i tiquin ti'. La' tilic i jap ja' mu' bʌ cʌc'. Jini mach bʌ añobic i taq'uin, la' tilicob i c'ux waj i jap vino yic'ot lech ti' majtan jach.

Mateo 13:24

Tsi' subeyob yambʌ t'an ti lajiya. Tsi' yʌlʌ: I yumʌntel jini am bʌ ti panchan lajalʌch bajche' juntiquil winic tsa' bʌ i wejch'u wen bʌ pac' ti' lum.

Mateo 13:46

Che' bʌ tsi' taja jump'ejl wen letsem bʌ i tojol, tsa' majli i laj chon pejtelel i chubʌ'an. Tsi' mʌñʌ jini perla.

Mateo 13:47

Che' yilal ja'el i yumʌntel jini am bʌ ti panchan bajche' chimo'chʌy tsa' bʌ chojqui ochel ti colem ñajb. Tsi' much'qui cabʌl chʌy ti chajp ti chajp.

Mateo 19:21

Jesús tsi' sube: Mi a wom ts'ʌcʌl bʌ i yutslel a pusic'al, cucu, choño a chubʌ'an. Aq'uen jini mach bʌ añobic i chubʌ'an. Che' jini mi caj a taj cabʌl a chubʌ'an ti panchan. La' tsajcañon, che'en Jesús.

Mateo 19:27

Pedro tsi' jac'ʌ: Awilan, tsaj cʌyʌ lojon pejtelel chuqui an c cha'an lojon cha'an mic tsajcañet lojon. ¿Chuqui mi caj c taj lojon? che'en.

Mateo 19:29

Jujuntiquil tsa' bʌ i cʌyʌ i yotot, mi i yʌscuñob, mi i yijts'iñob, mi i tat, mi i ña', mi i yalobilob, mi i lumal, cha'an tij c'aba' mi caj i taj yambʌ jo'c'al i ñumel bajche' jini tsa' bʌ i cʌyʌ. Mi caj i taj ja'el i cuxtʌlel mach bʌ anic mi' jilel.

Mateo 6:21

Baqui jach tempʌbil la' chubʌ'an, mi la' teñe ac' ti la' pusic'al.

Lucas 14:33

Che' ja'el, mi an juntiquil mach bʌ yomic i len cʌy pejtelel i chubʌ'an, mach mejlic ti ochel ti xcʌnt'an c cha'an.

Juan 6:35

Jesús tsi' subeyob: Joñon Wajon mu' bʌ i yʌq'ueñetla la' cuxtʌlel. Jini mu' bʌ i tsajcañon ma'anic ba' ora mi caj i yubin wi'ñal. Jini mu' bʌ i ñopon ma'anic ba' ora mi caj i tiquin i ti'.

Romanos 15:4

Jini ts'ijbubil bʌ ti wajali tsa' ts'ijbunti cha'an mi laj cʌntesʌntel. I Ts'ijbujel Dios mi yʌq'ueñonla i xuc'tilel yic'ot i ñuq'uesʌntel lac pusic'al cha'an mi lac pijtan jini tal to bʌ.

Colosenses 2:3

C'ax ñuc i ña'tʌbal Cristo. Laj cʌñʌlʌch i cha'an. Mi' pʌsbeñonla jini mucul tac bʌ i cha'an Dios.

Colosenses 3:16

Wen ñopola i t'an Cristo cha'an mi' yʌc' i wut ti la' pusic'al. Cʌntesan la' bʌ. Toj'esan la' bʌ yic'ot wen bʌ la' ña'tʌbal. C'ʌyiben lac Yum salmo tac, yic'ot himno tac, yic'ot c'ay ti' yutslel la' pusic'al. Subenla wocolix i yʌlʌ Dios.

Hebreos 10:34

Come tsa' la' p'unta jini tsa' bʌ mʌjquiyob. Che' bʌ tsa' xujch'inti la' chubʌ'an tsa' la' cuchu yic'ot i tijicñʌyel la' pusic'al. Come la' wujil an ñumen wen bʌ la' chubʌ'an ti panchan mach bʌ yujilic jilel.

Apocalipsis 3:18

Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.