Mateo 11:5 - Chol: I T’an Dios

⁵ Wolix ti c'otel i wut xpots'ob. Woliyobix ti xʌmbal jini mach bʌ añobic i c'ʌjñibal i yoc. Lajmesʌbilob jini año' bʌ leco bʌ i tsoy. Jini xcojcob wolix i yubiñob t'an. Woli' tejchelob ch'ojyel jini chʌmeño' bʌ. Jini p'umpuño' bʌ woli' subentelob jini wen t'an.

Jiñi Tsiji' bʌ Wen T'añ cha'añ Estudio

⁵ Jiñi xpots'ob wolix i c'otelob i wut, woliyobix ti xʌmbal jiñi mach bʌ weñobic i yoc, jiñi año' bʌ leco bʌ i tsoy c'oq'uesʌbilobix, jiñi xcojcob wolix i yu'biñob t'añ, woli' i cha' ch'ojyel jiñi chʌmeño' bʌ, yic'ot jiñi p'ump'uño' bʌ woli' su'bentelob jiñi wen t'añ.

Chol de Tumbalá Bible

⁵ Wolix ti c'otel i wut xpots'ob. Woliyobix ti xʌmbal jini mach bʌ añobic i c'ʌjñibal i yoc. Lajmesʌbilob jini año' bʌ leco bʌ i tsoy. Jini xcojcob wolix i yubiñob t'an. Woli' tejchelob ch'ojyel jini chʌmeño' bʌ. Jini p'umpuño' bʌ woli' subentelob jini wen t'an.

Jiñi Tsiji' bʌ Wen T'añ cha'añ Estudio

⁵ Jiñi xpots'ob wolix i c'otelob i wut, woliyobix ti xʌmbal jiñi mach bʌ weñobic i yoc, jiñi año' bʌ leco bʌ i tsoy c'oq'uesʌbilobix, jiñi xcojcob wolix i yu'biñob t'añ, woli' i cha' ch'ojyel jiñi chʌmeño' bʌ, yic'ot jiñi p'ump'uño' bʌ woli' su'bentelob jiñi wen t'añ.

Chol Tila

⁵ Suben bajche' chʌncol i cha' c'otyel i wut jini muts'ulo' bʌ i wut, bajche' chʌncol ti cha' xʌmbal mach'ʌ ba'an i c'ʌjnibal yoc ti yambʌ ora, yic'ot cha'an tsa'ix lajmiyob jini am bʌ chʌ bʌ yes pasem ti' pʌchʌlel mu' bʌ i pʌc'misʌben majlel i bʌc'tyal, yic'ot bajche' mi cha' ubin t'an xcojco' bʌ, yic'ot an mi cha' cuxtiyel sajtyemo' bʌ, yic'ot mi subentyel t'an cha'an i cotyʌntyel jini p'ump'uño' bʌ, che'en.

Mateo 11:5 Iomraidhean Croise

2 Reyob 5:14

Jini cha'an tsa' majli Naamán ya' ti Jordán. Wucyajl tsi' choco ochel i bʌ che' bajche' tsi' sube jini x'alt'an Eliseo. Che' jini tsa' junyajlel lajmi jini leco bʌ i tsoy am bʌ ti' bʌc'tal. Lajal tsa' cʌle che' bajche' i pʌchʌlel alʌl.

2 Reyob 5:7

Che' bʌ tsa' ujti i q'uel jini jun jini rey ti Israel, tsi' jet' tsili i bujc. Tsi' yʌlʌ: ¿Dioson ba cha'an mi cʌq'uen i cuxtʌlel winicob, cha'an mi cʌc'ob ti chʌmel ja'el? ¿Chucoch mi' choc tilel ba' añon juntiquil winic am bʌ leco bʌ i tsoy? Q'uelela bajche' woli' ña'tan i jop'beñon c mul cha'an mi' contrajiñon. Che' tsi' yʌlʌ jini rey ti Israel.

Salmos 146:8

Lac Yum mi' cambeñob i wut jini xpots'ob. Lac Yum mi' tijicñesʌbeñob i pusic'al jini ch'ijiyemo' bʌ. Lac Yum mi' c'uxbin jini tojo' bʌ i pusic'al.

Salmos 22:26

Jini mu' bʌ i yubiñob wocol mi' cajelob ti we'el. Mi caj i ñaj'añob, Jini mu' bʌ i sajcañob lac Yum, mi caj i ch'ujutesañob. La' ajnicob ti pejtelel ora jini mu' bʌ i sajcañob.

Exodo 4:11

Jini cha'an lac Yum tsi' sube: ¿Majqui tsi' melbe i yej winic? ¿Majqui mi' melben i yej x'uma' yic'ot i chiquin xcojc yic'ot i wut xpots'? ¿Mach ba joñonic a Yum?

Isaias 29:18

Ti jim bʌ q'uin jini xcojcob mi caj i yubiñob ili t'an ts'ijbubil bʌ. Mi caj i cha' c'otelob i wut jini xpots'ob año' bʌ ti ic'ch'ipan bʌ pañimil.

Isaias 29:19

Tijicña mi caj i yubiñob ti lac Yum jini pec' bʌ mi' melob i bʌ. Jini pobrejo' bʌ mi caj i tajob i ñuclel ti jini Ch'ujul Bʌ i cha'an Israel.

Isaias 43:8

Cha' pʌyʌyob tilel ti pejtelelob, jini xpots'ob año' bʌ i wut yic'ot xcojcob año' bʌ i chiquin.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Zacarias 11:7

Jini cha'an joñon tsaj cʌnta jini alʌc'ʌl ame tsʌnsʌntic. Tsaj cʌnta ja'el jini mach bʌ c'oq'uic. Tsac ch'ʌmʌ cha'ts'ijt barate'. Jini junts'ijt tsa cotsʌbe i c'aba' I Yutslel c Pusic'al. Jini yambʌ tsa cotsʌbe i c'aba' Junmojt Jach. Che'i tsaj cʌnta tiñʌme' che' bajche' tsa' subentiyon.

Mateo 10:8

Lajmesanla xc'amʌjelob. Techela ch'ojyel chʌmeño' bʌ. Lajmesanla año' bʌ leco bʌ i tsoy. Chocola loq'uel xibajob. A majtan jach tsa' aq'uentiyetla. I majtan jach mi la' wʌq'ueñob ja'el.

Mateo 11:4

Jesús tsi' subeyob: Cucula. Subenla Juan chuqui woli la' wubin yic'ot chuqui woli la' q'uel, che'en.

Mateo 12:13

Jesús tsi' sube jini winic: Sʌts'ʌ a c'ʌb, che'en. Tsi' sʌts'ʌ. Tsa' cha' wen'a. Lajal tsa' majli bajche' yambʌ i c'ʌb.

Mateo 21:14

Tsa' tiliyob xpots'ob yic'ot jini mach bʌ weñobic i yoc ba'an Jesús ti' mal Templo. Tsi' lajmesayob.

Mateo 5:3

Tijicña jini mu' bʌ i ña'tañob ma'anic i bajñel wenlel ti' pusic'al, come i cha'añob i yumʌntel jini am bʌ ti panchan.

Mateo 9:30

Tsa' c'otiyob i wut. Jesús tsi' wersa subeyob: Chʌcʌ q'uele la' bʌ cha'an ma'anic mi' yubin winic mi juntiquilic, che'en.

Marcos 7:37

C'ax cabʌl tsa' toj sajtiyob i pusic'al winicob x'ixicob. Tsi' yʌlʌyob: Uts'at pejtelel chuqui tac tsi' mele. Mi' yʌq'uen i yubin t'an jini xcojc. Mi' yʌq'uen i cha'len t'an jini x'uma', che'ob.

Marcos 9:25

Jesús tsi' tiq'ui xiba che' bʌ tsi' q'uele woli' tempañob i bʌ cabʌl winicob x'ixicob. Tsi' sube xiba: Mic subeñet xiba, mu bʌ a wotsan jini ch'iton ti x'uma' ti xcojc, loq'uen ti jini ch'iton. Mach ma' chʌn ochel ti pejtelel ora, che'en.

Lucas 4:18

“An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Juan 10:25

Jesús tsi' jac'beyob: Tsa'ix c subeyetla. Ma'anic mi la' ñop. Que'tel mu' bʌ c cha'len ti' c'aba' c Tat mi' yʌc'on ti cʌjñel cha'an mi la' ña'tan majquiyon.

Juan 10:38

Mi wolic melben i ye'tel c Tat, anquese ma'anic mi la' ñopon, ñopola que'tel cha'an mi la' cʌñon, cha'an mi la' ña'tan ti isujm c Tat an ti joñon, joñon añon tic Tat, che'en.

Juan 2:23

Che' ya'an Jesús ti Jerusalén ti' q'uiñilel Pascua, cabʌl winicob x'ixicob tsi' ñopbeyob i c'aba' che' bʌ tsi' q'ueleyob i yejtal i p'ʌtʌlel tsa' bʌ i pʌsʌ.

Juan 3:2

Nicodemo tsa' tili ba'an Jesús ti ac'ʌlel. Tsi' sube: Rabí, cujil lojon maestrojet, chocbilet tilel i cha'an Dios. Come ma'anic majqui mi mejlel i pʌs i yejtal i p'ʌtʌlel che' bajche' jatet mi ma'anic Dios yic'ot, che'en.

Juan 5:36

Anto yan tac bʌ mu' bʌ i yʌc'on ti cʌjñel. Ñumen ñuc jini bajche' i t'an Juan. Jiñʌch que'tel tsa' bʌ i yʌq'ueyon c Tat cha'an mic mel ti ts'ʌcʌl. Jini que'tel mu' bʌ c cha'len, mi' yʌc'on ti cʌjñel cha'an mi la' ña'tan tsi' chocoyon tilel c Tat.

Juan 9:7

Tsi' sube: Cucu poco a wut ti ts'ʌmibʌl i c'aba' Siloé, che'en. (Jini Siloé mi' yʌl ti lac t'an, chocbil majlel.) Jini cha'an tsa' majli xpots'. Tsi' poco i wut. Che' c'otemix i wut tsa' cha' tili.

Hechos 2:22

Winicob ti Israel, ubinla jini t'an. Dios tsi' pʌsbeyetla uts'at jini Jesús ch'oyol bʌ ti Nazaret. Come Dios tsi' c'ʌñʌ cha'an mi' cha'len ñuc bʌ i melbal yic'ot bʌbʌq'uen tac bʌ yic'ot i yejtal tac i p'ʌtʌlel ti la' tojlel che' bajche' la' wujil.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.