Mateo 11:3 - Chol: I T’an Dios

³ Tsi' c'ajtibeyob Jesús: ¿Jatet ba jini mu' bʌ i tilel? ¿Yom ba mic pijtan lojon yambʌ? che'ob.

Jiñi Tsiji' bʌ Wen T'añ cha'añ Estudio

³ cha'añ mi' c'ajtibeñob Jesús: —¿Jatet ba jiñi mu' bʌ caj i tilel? o ¿yom ba mic pijtan lojon yam bʌ?

Chol de Tumbalá Bible

³ Tsi' c'ajtibeyob Jesús: ¿Jatet ba jini mu' bʌ i tilel? ¿Yom ba mic pijtan lojon yambʌ? che'ob.

Jiñi Tsiji' bʌ Wen T'añ cha'añ Estudio

³ cha'añ mi' c'ajtibeñob Jesús: —¿Jatet ba jiñi mu' yom bʌ mi' tilel? o ¿Yom ba mic pijtan lojon yam bʌ?

Chol Tila

³ Ti c'otiyob. Ti' c'ajtibeyob Jesús: ¿Jatyet ba Cristojet jini yajcʌbilet bʌ i cha'an Dios mu' bʌ quejel i tyʌlel o yom tyo mi lojon c bej pijtyan yambʌ? che'ob.

Mateo 11:3 Iomraidhean Croise

Genesis 12:3

Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Genesis 3:15

Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

Salmos 118:26

Tijicña jini mu' bʌ i tilel ti' c'aba' lac Yum. Wʌ' ti a wotot, c Yum, mi cʌq'ueñet lojon i yutslel c t'an.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Oseas 3:5

Che' ñumenix cabʌl ora mi caj i cha' sutq'uiñob i bʌ jini israelob cha'an mi' sʌclañob Dios, i Yum. Mi caj i cha' sutq'uiñob i bʌ cha'an mi' yumañob i Yalobil David, yajcʌbil bʌ ti Dios. Ti jini cojix bʌ q'uin tac mi caj i cha' bʌc'ñañob lac Yum. Mi caj i pijtañob i wenlel ti lac Yum.

Abdias 1:21

Xcoltayajob mi caj i letselob majlel ti wits i c'aba' Sion. Mi caj i yumʌntelob ya' ti' wits Esaú. Joñon mi caj cochel tic yumʌntel. Che' tsi' yʌlʌ lac Yum.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Hageo 2:7

Mi caj c ñijcan pejtel colem tejclum tac. Mi caj i tilel jini C'ax i T'ojol jax bʌ mu' bʌ i pijtañob winicob x'ixicob ti pejtelel pañimil. Mi caj c bujt'esan ili cotot tic ñuclel, che'en i Yum Panchan yic'ot Pañimil.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Malaquias 3:1

Woli' yʌl lac Yum: Ubinla, mi caj c choc tilel suboñel ti' tojel c wut cha'an mi' chajpʌbeñon c bijlel. Tal la' Yum woli bʌ la' pijtan. Ora mi caj i tilel ti' Templo. Mi caj la' q'uel. Mi caj i tijicñesañetla che' bajche' ts'ijbubil tic Trato. Isujm, talon, che'en i Yum Panchan yic'ot Pañimil.

Malaquias 4:2

Pero mach che'ic jatetla mu' bʌ la' bʌc'ñan j c'aba'. Mi caj i pasel ti la' tojlel jini Q'uin mu' bʌ i yʌq'ueñetla toj bʌ la' pusic'al. Mi caj i lajmesañetla. Libre mi caj la' loq'uel che' bajche' i yal wacax mu' bʌ i colel ba' cʌchʌl. Mi caj la' wubin i tijicñʌyel la' pusic'al.

Numeros 24:17

Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

Mateo 11:10

Come tsa' ña'tʌnti Juan ti jini t'an tsa' bʌ ts'ijbunti: “Awilan, mic ñaxan choc majlel subt'an mu' bʌ i chajpan a bijlel”.

Mateo 11:4

Jesús tsi' subeyob: Cucula. Subenla Juan chuqui woli la' wubin yic'ot chuqui woli la' q'uel, che'en.

Mateo 21:5

“Subenla x'ixicob ya' ti Sion, awilan, la' Yum woli' tilel ba' añetla. Pec' mi' mel i bʌ. C'ʌchʌl ti burro woli' tilel, c'ʌchʌl ti' yal burro yujil bʌ cuchijel”, che'en.

Mateo 21:9

Jini winicob x'ixicob woli bʌ i majlelob ti' tojel Jesús yic'ot jini woli bʌ i tilelob ti' pat c'am tsi' yʌlʌyob: ¡Cotañet i Yalobilet bʌ David! ¡La' sujbic a ñuclel, jatet mu' bʌ a tilel ti' c'aba' lac Yum! ¡Cotañet añet bʌ ti chan! che'ob.

Marcos 11:9

Jini woli bʌ i majlelob ti' tojel Jesús yic'ot jini woli bʌ i tilelob ti' pat c'am tsi' yʌlʌyob: Cotañet. La' sujbic a ñuclel jatet mu' bʌ a tilel ti' c'aba' lac Yum.

Lucas 19:38

Tsi' yʌlʌyob: La' sujbic a ñuclel, Reyet mu' bʌ a tilel ti' c'aba' lac Yum. Ñʌch'ʌl i pusic'al jini am bʌ ti panchan. Ñuc jini am bʌ ti chan, che'ob.

Juan 11:27

Marta tsi' sube: Mu' cu, c Yum. Tsa'ix c ñopo Cristojet, i Yalobilet Dios tsa' bʌ tiliyet ti pañimil, che'en.

Juan 12:13

Tsi' ch'ʌmʌyob i yopol ch'ib. Tsa' majli i tajob tilel Jesús. C'am tsi' cha'leyob t'an: Cotañet. La' sujbic a ñuclel, jatet mu' bʌ a tilel ti' c'aba' lac Yum, i Reyet Israel, che'ob.

Juan 16:14

Mi caj i pʌs c ñuclel, come mi caj i lu' ch'ʌm ti' wenta. Mi caj i yʌq'ueñetla la' cʌn.

Juan 4:21

Jesús tsi' sube: X'ixic, ñopoyon. Tal jini ora che' mach wʌ'ic ti wits mi ya'ic ti Jerusalén mi caj la' ch'ujutesan lac Tat.

Juan 6:14

Jini winicob tsa' bʌ i q'ueleyob i yejtal i p'ʌtʌlel tsa' bʌ i pʌsʌ Jesús, tsi' yʌlʌyob: Isujm jiñʌch jini x'alt'an mu' bʌ i tilel ti pañimil, che'ob.

Juan 7:31

Cabʌl winicob x'ixicob tsi' ñopoyob. Tsi' yʌlʌyob: Jini mero Cristo mu' bʌ i tilel, ¿mejl ba i pʌs ñumen ñuc bʌ i yejtal i p'ʌtʌlel bajche' tsi' pʌsʌ Jesús? che'ob.

Hebreos 10:37

“Come jumuc' to mi caj i tilel jini tal bʌ. Mach jalix mi caj i tilel.