Lucas 8:47 - Chol: I T’an Dios

⁴⁷ Che' yujilix jini x'ixic mach mejlix i muc i bʌ, tsiltsilña tsa' tili. Tsi' pʌcchoco i bʌ ti' tojlel i yoc Jesús. Tsi' subu ti' tojlel pejtelel winicob x'ixicob chucoch tsi' tʌlʌ. Che' bʌ tsi' tʌlʌ, tsa' lajmi ti ora.

Jiñi Tsiji' bʌ Wen T'añ cha'añ Estudio

⁴⁷ Che' yujilix jiñi x'ixic cha'añ mach mejlix i muc i bʌ, tsiltsilña tsa' tili, tsi' pʌcchoco i bʌ ti' tojel i yoc Jesús; tsi' su'bu ti' tojlel pejtelel wiñicob x'ixicob chucoch tsi' tʌlʌ. Che' bʌ tsi' tʌlʌ, tsa' lajmi ti ora.

Chol de Tumbalá Bible

⁴⁷ Che' yujilix jini x'ixic mach mejlix i muc i bʌ, tsiltsilña tsa' tili. Tsi' pʌcchoco i bʌ ti' tojlel i yoc Jesús. Tsi' subu ti' tojlel pejtelel winicob x'ixicob chucoch tsi' tʌlʌ. Che' bʌ tsi' tʌlʌ, tsa' lajmi ti ora.

Jiñi Tsiji' bʌ Wen T'añ cha'añ Estudio

⁴⁷ Che' yujilix jiñi x'ixic cha'añ mach mejlix i muc i bʌ, tsiltsilña tsa' tili, tsi' pʌcchoco i bʌ ti' tojel i yoc Jesús; tsi' su'bu ti' tojlel pejtelel wiñicob x'ixicob chucoch tsi' tʌlʌ. Che' bʌ tsi' tʌlʌ, tsa' lajmi ti ora.

Chol Tila

⁴⁷ Che' ñac ti' ña'tyʌ jini x'ixic tsa'ʌch tsictiyi chʌ bʌ ti ujti, tsitsiña ti c'oti ya' ba'an Jesús. Ti' ñocchoco i bʌ ya' ti yebal i yoc Jesús. Ti' lu' subu ti tyojel quixtyañujob chʌ bʌ och ti' tyʌlʌ Jesús yic'ot bajche' ti wa' lajmi ti ora jach.

Lucas 8:47 Iomraidhean Croise

Salmos 2:11

Yom mi la' bʌc'ñan lac Yum che' mi la' ch'ujutesan. Yom tsiltsilña che' mi' ñucan la' pusic'al.

Salmos 38:9

C Yum, cʌmbil a cha'an pejtel chuqui tac com. Mach muculic ti a wut che' mic cha'len ajacñiyel.

Salmos 66:16

Bej chocola tilel la' bʌ. Ubinla, pejtel mu' bʌ la' bʌc'ñan Dios. Mi caj c sub chuqui tsi' melbeyon Dios cha'an mi' coltañon.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Oseas 13:1

Ti wajali tsi' cha'le yumʌl Efraín ti' tojlel israelob. Tsi' cha'leyob bʌq'uen winicob, come p'ʌtʌl Efraín. Pero tsi' cha'le mulil che' bʌ tsi' ch'ujutesa Baal. Jini cha'an tsa' chʌmi.

Oseas 5:3

Israel (mu' bʌ i pejcʌntel ti Efraín) cʌmbilix c cha'an la' jontolil. Tsa'ix la' cʌyʌyon che' bajche' mi' cʌy i ñoxi'al jini ts'i'lel bʌ x'ixic. Tsa'ix la' soco la' bʌ ti jontolil.

Habacuc 3:16

Tsiltsilñayon ti bʌq'uen che' mi cubin a t'an. C'unix pañimil cha'an bʌq'uen. T'ʌlt'ʌlña ti bʌq'uen c pusic'al. Ñʌch'ʌl mi caj c pijtan jini q'uin che' mi' tajob wocol laj contrajob yomo' bʌ i jisañonla.

Mateo 28:8

Tsa' loq'uiyob ba'an i yotlel ch'ujlelʌl jini x'ixicob. Woliyob ti bʌq'uen. Wen tijicñayob i pusic'al. Ti ajñel tsa' majli i subeñob xcʌnt'añob i cha'an Jesús.

Marcos 5:33

Tsa' tili jini x'ixic, tsiltsilña ti bʌq'uen, come yujil chuqui tsi' mele Jesús ti' tojlel. Tsi' ñocchoco i bʌ ti' tojel Jesús. Tsi' sube pejtelel i sujmlel.

Lucas 8:46

Pero Jesús tsi' yʌlʌ: An majqui tsi' tʌlʌyon. Ña'tʌbil c cha'an tsa' c'ʌjni c p'ʌtʌlel, che'en.

Lucas 8:48

Jesús tsi' sube: Calobil, tsa' lajmiyet cha'an tsa' ñopoyon. Cucu ti' ñʌch'tilel a pusic'al, che'en.

Hechos 16:29

Jini xcʌntaya tsi' c'ajti c'ajc. Tsa' ochi ti mal. Tsiltsilña ti bʌq'uen tsi' ñocchoco i bʌ ti' tojel Pablo yic'ot Silas.

1 Corintios 2:3

Che' bʌ ya' añon quic'otetla wen c'uñon, cabʌl c bʌq'uen, tsiltsilñayon.

2 Corintios 7:15

Wʌle cabʌl woli' c'uxbiñetla Tito, come woli' chʌn ña'tan bajche' tsa' la' jac'be i t'an ti la' pejtelel. Tsiltsilñayetla ti bʌq'uen tsa' la' pʌyʌ ochel ba' añetla.

Filipenses 2:12

Jini cha'an hermanojob, c'uxbibil bʌ c cha'an, che' bajche' tsa' la' jac'beyon che' ya' to añon la' wic'ot, ñumen wen woli la' jac' wʌle che' mach ya'ic añon. Ti' tsiltsilñʌyel la' pusic'al yic'ot bʌq'uen yom mi la' chʌn cha'len chuqui uts'at cha'an mi' tsictiyel woli la' coltʌntel.

Hebreos 12:28

La' lac chʌn suben Dios wocolix i yʌlʌ cha'an woli la cochel ti' yumʌntel mach bʌ yujilic ñijcʌyel. La' lac ch'ujutesan Dios ti uts'at yic'ot pejtel lac pusic'al yic'ot bʌq'uen.

1 Samuel 16:4

Che'ʌch tsi' mele Samuel che' bajche' tsi' sube lac Yum. Che' bʌ tsa' c'oti ti Belén, jini xñoxob ti tejclum tsa' loq'ui i tajob, tsiltsilñayob ti bʌq'uen. Tsi' yʌlʌyob: ¿Tsa' ba tili a wʌq'ueñon lojon i yutslel a t'an? che'ob.