Lucas 6:48 - Chol: I T’an Dios

⁴⁸ Lajalʌch bajche' winic tsa' bʌ i mele otot. Tam tsi' top'o lum. Tsi' wa'choco i c'ʌclib otot ti pam xajlel. Tsa' tili but'ja'. Tsʌts tsi' jats'ʌ jini otot. Ma'anic tsa' mejli i ñijcan, come wen wa'chocobil jini otot.

Jiñi Tsiji' bʌ Wen T'añ cha'añ Estudio

⁴⁸ Lajalʌch bajche' wiñic tsa' bʌ i mele jump'ejl otot, tam tsi' top'o lum, tsi' wa'choco i c'ʌclib otot ti' pam xajlel, che' bʌ tsa' tili but'ja', tsʌts tsi' jats'ʌ jiñi otot pero ma'añic tsa' mejli i ñijcan, come wen wa'chocobil jiñi otot ti' pam xajlel.

Chol de Tumbalá Bible

⁴⁸ Lajalʌch bajche' winic tsa' bʌ i mele otot. Tam tsi' top'o lum. Tsi' wa'choco i c'ʌclib otot ti pam xajlel. Tsa' tili but'ja'. Tsʌts tsi' jats'ʌ jini otot. Ma'anic tsa' mejli i ñijcan, come wen wa'chocobil jini otot.

Jiñi Tsiji' bʌ Wen T'añ cha'añ Estudio

⁴⁸ Lajalʌch bajche' wiñic tsa' bʌ i mele jump'ejl otot, tam tsi' top'o lum, tsi' wa'choco i c'ʌclib otot ti pam xajlel, che' bʌ tsa' tili but'ja', tsʌts tsi' jats'ʌ jiñi otot pero ma'añic tsa' mejli i ñijcan, come wen wa'chocobil jiñi otot ti pam xajlel.

Chol Tila

⁴⁸ Lajalʌch bajche' juntiquil winic tsa' bʌ i mele i yotyot. Pero ñaxan tyam ti' piqui lum cha'an mi' tyaje' tyun ba' mi' wa'chocon i ts'ajquil i yebal yotyot. Che' ñac ti wen tyʌm'ʌ ja' c'ʌlʌ ti ochi ti ma'tye'el. Wen tsʌts ti' jats'ʌ otyot jini ja' pero mach'an ti nijcʌyi otyot como tsʌts ti ts'uyle ti' pam tyun.

Lucas 6:48 Iomraidhean Croise

2 Samuel 22:2

Lajalʌch lac Yum bajche' ch'entun ba' mi lac puts'el. Jiñʌch cotot ts'ajquibil bʌ yilal. Jiñʌch caj coltaya.

2 Samuel 22:32

¿Majqui Dios? ¿Mach ba jinic lac Yum? Jincuyi. ¿Am ba yambʌ xuc'ul bʌ bajche' Dios? Ma'anic.

2 Samuel 22:47

Cuxul lac Yum. Wocolix i yʌlʌ come jiñʌch xuc'ul bʌ Xajlel. La' sujbic i ñuclel Dios mu' bʌ i coltañon.

2 Samuel 22:5

Che' colel c chʌmel tsa' ochiyon ti ja' yilal. Yom i jisañon jini c'ax bʌbʌq'uen bʌ che' bajche' colem ja'.

2 Samuel 23:3

Jini i Dios Israel tsa'ix i yʌlʌ jini t'an. Jini xuc'ul bʌ ti' tojlel israelob tsa'ix i pejcayon: “Jini mu' bʌ i cha'len yumʌl ti toj mi caj i ch'ʌm i ye'tel ti' tojlel winicob. An i yumʌntel come mi' bʌc'ñan Dios.

Salmos 32:6

Jini cha'an la' i pejcañet ti oración pejtel a cha'año' bʌ che' ti' yorajlel wocol. Che' mi' bujt'el colem ja' mach pajmic ba' añob.

Salmos 62:2

Cojach Dios xuc'ulʌch bajche' xajlel. Jiñʌch caj Coltaya. Jiñʌch chan bʌ ts'ajc yilal ba' mi cochel. Ma'anic majqui mi mejlel i tic'lañon ya'i.

Salmos 95:1

Conla, la' lac cha'len c'ay ti' tojlel lac Yum. La' lac pejcan Dios, tijicña lac pusic'al. Jiñʌch p'ʌtʌl bʌ xajlel mu' bʌ i coltañonla.

Proverbios 10:25

Lajal xjontolil che' bajche' sutujt ic' mu' bʌ ti ñumel majlel. Poj jumuc' jach an. An cabʌl i wi' jini toj bʌ. Ma'anic mi' bojquel ti pejtelel ora.

Isaias 26:4

Ñopo lac Yum ti pejtelel ora, come lac Yum Dios a p'ʌtʌlelʌch ti pejtelel ora.

Isaias 28:16

Jini cha'an lac Yum Dios woli' yʌl: Awilan mi caj c choc tilel ti Sion juntiquil winic lajal bʌ bajche' jump'ejl Xajlel, xuc'ul bʌ, yajcʌbil bʌ, i t'ojol jax bʌ. Jini Xajlel i c'ʌclibʌch pejtel wa'chocobil bʌ. Tijicña jini mu' bʌ i ñop come xuc'ul mi' majlel ti wen bʌ bij.

Isaias 59:19

Mi caj i bʌc'ñañob lac Yum ya' ba' mi' bʌjlel q'uin c'ʌlʌl ti' pasibal q'uin. Che' mi' tilel laj contra che' bajche' but'ja'lel cha'an mi' tic'lan i tejclumob Dios, ya'an i Ch'ujlel lac Yum ti' tojlelob cha'an mi' coltañob.

Nahum 1:8

Pero mi caj i laj jisan i contrajob che' bajche' ti but' ja'lel. Mi caj i yajñesañob majlel c'ʌlʌl ti ic'ch'ipan bʌ pañimil.

Lucas 6:47

Mi caj j cʌntesañetla bajche' yilal jujuntiquil mu' bʌ i tilel ba' añon, mu' bʌ i yubibeñon c t'an, mu' bʌ i jac'beñon.

Lucas 6:49

Pero jini mu' bʌ i yubibeñon c t'an che' ma'anic mi' jac'beñon lajalʌch bajche' winic tsa' bʌ i wa'choco i yotot ti pam lum. Ma'anic tsi' mele i c'ʌclib. Tsʌts tsa' tili but'ja' i jats' jini otot. Ti ora tsa' bujchi. Tsa' lu' jejmi jini otot. Che' tsi' yʌlʌ Jesús.

Juan 16:33

Tsac subeyetla jini t'an cha'an mi la' taj i ñʌch'tilel la' pusic'al ti joñon. Ti pañimil mi caj la' taj wocol. La' ñuc'ac la' pusic'al, come tsac jisʌbe i yumʌntel pañimil, che'en.

Hechos 14:22

Tsi' xuc'chocobeyob i pusic'al xcʌnt'añob. Tsi' xic'beyob cha'an mi' chʌn ñopob i t'an Dios. Tsi' subeyob: Che' bʌ tsa'ix lac ñusa cabʌl wocol, mi caj la cochel ti' yumʌntel Dios, che'ob.

Efesios 2:20

Wa'chocobiletla quic'ot lojon che' bajche' xajlel ti jump'ejl jach bʌ otot c'ʌcchocobil ti' pam i c'ʌclib tsa' bʌ i ts'ajquiyob jini apóstolob yic'ot x'alt'añob. Jesucristo jiñʌch Ñuc bʌ Xajlel ti' xujc otot.

Deuteronomio 32:15

Jini israelob tsa' ñaj'ayob, Tsa' wen jujp'iyob. Che' jini tsi' cʌyʌyob i Dios anquese i melbalob. Tsi' ts'a'leyob jini Xajlel tsa' bʌ i coltayob.

Deuteronomio 32:18

Tsi' cʌyʌyob jini Xajlel tsa' bʌ i meleyob. Tsa' ñajʌyiyob i cha'an jini Dios tsa' bʌ i yʌc'ʌyob ti pañimil.

Deuteronomio 32:31

Come ma'anic i xajlel yambʌ tejclum tac Che' bajche' lac Xajlel. Lolom jach mi' pejcañob i dioste' tac.

2 Timoteo 2:19

Pero tsʌts chuculonla mu' bʌ lac ñop Dios. Tsi' yʌq'ueyonla lac marcajlel ba' ts'ijbubil: “Lac Yum mi' cʌn i cha'año' bʌ”. Jini cha'an la' i cʌy i jontolil jujuntiquil mu' bʌ i pejcʌben i c'aba' Cristo.

2 Pedro 1:10

Jini cha'an hermanojob, cha'lenla wersa cha'an mi' wen tsictiyel pʌybiletla, yajcʌbiletla. Mi che'ʌch mi la' mel, ma'anic mi caj la' yajlel. Ma'anic mi caj la' cʌy la' ñop.

1 Juan 2:28

Wʌle, alobob, chʌn ajñenla ti Cristo. Che' jini ch'ejl lac pusic'al mi caj laj q'uel che' mi' tsictiyel. Aja machiqui mi' tejchel t'an ti lac pusic'al cha'an mi lac tʌts' lac bʌ ti quisin che' mi' tilel.

Judas 1:24

An i p'ʌtʌlel lac Yum cha'an mi' cʌntañetla cha'an ma'anic mi la' yajlel. Tijicña mi caj i yʌq'uetla ti' tojlel i ñuclel, sʌq'uesʌbiletla ti mulil.

1 Samuel 2:2

Ma'anic yambʌ ch'ujul bʌ che' bajche' lac Yum. Come ma'anic yambʌ lajal bʌ bajche' Dios. Ma'anic yambʌ Xajlel, jini jach Dios.